Acts 3:14 - De Beebaa Dabu

¹⁴ Aagai goodou ne hagangadi mee de Ia Dabu ma de Ia Heohi laa, gai ne dangidangi ange gi hagasao ina mai gi goodou dahi daane daa dangada.

Acts 3:14 Referans Kwoze

Mark 1:24

“Ni aha oou e lodo ai i omaadeu daha, Iesu tangada Nazareth? Koe e humai naa e daa gimaadeu gi maakau? Au e iloo be go koe goai: koe go de Ia Dabu a de Maadua!”

Acts 7:52

Gai goai denga pelaabisi a oodou dubuna madagidagi tee vaivai hai? Gilaadeu ne daa ga maakau dangada ne daalaa dagodo de humai o de Ia Heohi laa, go de ia oodou gu gaavange laa ma de daa ga magau —

1 Peter 3:18

Gai Klisdo ne hagaduasala hogi i hiidinga o denga haisala i e dahi donu huu hanonga, de ia heohi ne hagaduasala i hiidinga o de gau baubau, gai ia ga dagi ange ai gidaadeu gi de Maadua. Ia ne daa ga magau i de angaanga nei, aagai ne mouli age i de Hagasaalunga;

Acts 4:27

Ni muna abodonu, Herod ma Pontius Pilate, ma denga Gentile aama de gau Israel ne hagabuni i de aduhale nei, e hai baasi ange gi doo dangada hai hegau dabu go Iesu, go de ia aau gu hagadabu laa i de lolo.

James 5:6

Goodou ne hagabaubau ma de daa ga magau tangada tigi haisala, gai ia tee hai baasi adu donu gi goodou.

Acts 22:14

Gai ia ga hai mai, ‘De Maadua o odaadeu maadua madagidagi gu hili goe e hagaago adu ono lodo gi de goe, ma de hai gi gidee e goe de Ia Heohi laa, ma de hai gi langona e goe dono leo.

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

Revelation 3:7

“Gai siia ange muna nei gi tangada de langi o de nohoanga dabu i Philadelphia: Aanei muna a de ia dabu laa, go de ia e hai hegau laa i de muna abodonu, go de ia e daohia de gii a David; dana mee e hhuge e deai donu e maua i de pono, gai dana mee e pono e deai donu e maua i de hhuge.

1 John 2:1

Agu dama, au e sisi adu mee nei gi dee haisala ai goodou. Gai noo dahi goodou gu haisala, gai e dahi odaadeu ia bale e dangidangi i odaadeu hiidinga i mada luu mada o Tamana — go Iesu Klisdo, go de Ia Heohi.

2 Corinthians 5:21

Gai de Maadua ne hai Klisdo e deai laa ono haisala go de haisala, gi maua ai e gidaadeu i de kave de heohi o de Maadua i ono daha.

Acts 2:27

Go hiidinga koe e dee tili naa donu au i de mommee o de gau maakau, be e dugu ange de angaanga o dau Ia Dabu gi bobo.

Luke 23:25

gai gi hagasao ina mai delaadeu dangada e llodo ai, go taane gu hhao laa gi lo te hale pono, i hiidinga dana hai gi hellumi aama dana daa dangada ga maakau, deenei taane alaadeu ne dangidangi ange ai; gai Pilate ga gaavange Iesu gi gilaadeu bei delaadeu hai e llodo ai.

Luke 1:35

Tangada de langi laa ne hai ange gi de ia, “De Hagasaalunga Dabu e humai naa gi oo elunga, gai ssauaa o de Ia Maolunga Mmao laa e haoli naa goe. Deelaa ai, Tama e haanau mai i oo daha e hagabinga naa bolo e dabu, go Tama Daane a de Maadua.

Mark 15:11

Aagai de gau haimeedabu maolunga ga hagabasa dangada gi haia Pilate gi hagasao ina mai Barabbas.

Mark 15:7

Gai e dahi daane, dono ingoo go Barabbas, i lo te hale pono madali dangada ne daia ga maakau dangada, i de masavaa ne hellumi ai dangada.

Psalm 16:10

Go hiidinga koe e dee tili donu au i de mommee o de gau maakau, aabe dugu ange dau ia dabu gi gidee de geelonga laa.

Matthew 27:20

Gai de gau haimeedabu maolunga ma denga dagi ne hagabasa dangada, gilaadeu gi dangidangi i de hagasao mai o Barabbas, gai gi daia Iesu gi magau.

John 16:10

dagodo o de heohi, i hiidinga au e hano gi daho dogu Damana, gai goodou e dee gidee naa ngau;

John 18:40

Gilaadeu ne hevaalogi hogi ga hai ange, “E dee go ia, gai go Barabbas!” Gai Barabbas se daane gaiaa.

Acts 5:28

“Tee hai adu e gimaadeu goodou gi dee aahe ange gi agoago i de ingoo naa? Gai tilo, goodou gu hagadohu Jerusalem alodahi i oodou agoago, gai goodou ga hagabuu mai ai ssala gi gimaadeu, i hiidinga de magau o taane naa.”

Acts 13:28

Gilaadeu tee gidee dahi mee daudahi e heohi ai de daa o Iesu gi magau, aagai gilaadeu ne dangidangi ange gi Pilate gi daia donu ia gi magau.