Acts 28:28 - De Beebaa Dabu

²⁸ Deenei ai, au e lodo goodou gi iloo bolo de hagaola a de Maadua gu agoago ange hogi gi denga Gentile, gai gilaadeu e hagallongo naa donu!” [

Acts 28:28 Referans Kwoze

Acts 22:21

Aagai ia ne hai mai gi de au, ‘Hannoo, au e hai goe gi hano gi daho denga Gentile i de mommee mmao.’ ”

Luke 3:6

Gai dangada alodahi e gidee naa de hagaola a de Maadua!’ ”

Acts 18:6

Gai de masavaa huu a dangada i kilaa ne hai baasi ange ai ma de hagabaubau ia, gai ia ga luuluu gelegele i ono malo, ga hai ange gi gilaadeu, “Doodou maakau e dau donu huu gi goodou! Au e dee haisala ai donu. Dua iainei gai au e hano naa e agoago ange denga Gentile.”

Acts 15:17

gai gi saalaa ai e dangada e doe Tagi Maolunga, aama denga Gentile alodahi gu hagaingoo i dogu ingoo, go Tagi Maolunga donu e hagadaba, go de ia e haia mee nei alodahi

Acts 15:14

Simeon gu tala dagodo taamada de humai o de Maadua gi daho denga Gentile, gai ia ga hilihili ai hanu i olaadeu magavaa e hai ai ono dangada.

Acts 14:27

Gai de masavaa olaau ne tae ai gi kilaa, gai gilaau ga hagabuni de nohoanga dabu, gai gilaau ga tala ange mee alodahi a de Maadua gu hai i olaau daha, ma dana hhuge ange de haitoga o de gai gi denga Gentile.

Acts 11:18

Gai ga langona huu e gilaadeu muna laa, gai gilaadeu gu dee maua i de hai baasi ange, gai gilaadeu ga tuhi de Maadua ga hagataba, “De Maadua gu hai hogi gi daahuli lodo o denga Gentile gi hagamouli ai gilaadeu.”

Romans 4:11

Gai dono tuu dagaholiage se hagailonga, e maaga ai dono hai ga se dangada e heohi i de gai, i de masavaa oona tigi tuu dagaholiage ai. Deenei ai, go ia tamana o dangada alodahi e hagadonusia aagai tigi tuu dagaholiage. Gilaadeu gu dau gi ni dangada e heohi i olaadeu kai.

Isaiah 52:10

Tagi Maolunga e hagaabo naa dono lima dabu, i madamada o denga huaahenua alodahi, gai henua i lalo alodahi e gidee naa de hagaola a taadeu Maadua.

Romans 11:11

Deelaa ai, au e ssili adu ange: E aha, de gau Israel gu baakuu laa ma gu dee maua ange i de hiihidi age? E dee maua donu! Gai delaadeu haisala ne hai ga maua e denga Gentile de hagamouli, gi llodo gaiaa ai de gau Israel.

Acts 13:38

Deenei ai, denga daina, au e lodo goodou gi iloo bolo go daho Iesu e maua ai i de tala oodou haisala.

Acts 13:26

Denga daina, go dangada de aamuli o Abraham, aama dangada alodahi e maatagu i de Maadua, muna o de hagamouli nei ne gaamai gi gidaadeu.

Acts 2:14

Aagai Peter ga duu age madali tinoangahulu ma dogodahi, ga oo ga hai ange gi gilaadeu, “Goodou de gau Ssuu ma dangada alodahi e nnoho i Jerusalem, nnoho mai hagalaangona agu muna gi tonu ange ai goodou.

Ezekiel 36:32

Gai goodou gi tonu ange, bolo e dee go oodou hiidinga aagu e hai ai nei mee nei, go de Ia Aamua go Iahweh e hagadaba. Gai goodou e de gau Israel, goodou e hagadookaa ma de hagangadi mee ina i hiidinga oodou hegau gu hai.

Lamentations 3:26

Se mee danuaa de golomagi lodo o tangada ga tali ai de hagaola a Tagi Maolunga.

Isaiah 49:6

ia e hagadaba, “Se mee dee dau dagu hai goe go dogu dangada hai hegau, e hagaola ai denga aamuli o Jacob, ma de hagaahe mai de gau Israel aagu ne hagaola. Au e hai naa hogi goe gi se maalama ange gi denga huaahenua, gai koe ga kave ai dagu hagaola gi de bido laa o henua i lalo.”

Acts 4:10

gai goodou alodahi i kinei aama dangada o Israel alodahi gi iloo bolo taane nei ne hagaieiangi i de ingoo o Iesu Klisdo taane Nazareth. Deenei taane oodou ne daudau laa i de laagau lui, gai de Maadua ne hagamouli age ia mai i de magau.

Acts 9:15

Aagai Tagi Maolunga ne hai ange gi de ia, “Hannoo, ia se daane hai hegau niiagu gu hili gi hagaagona ange au gi denga Gentile, ma denga hodooligi aama de gau Israel;

Acts 28:29

Gai ga lava huu i de tala a Paul muna nei, gai de gau Ssuu ga hulo gee mai i ono daha, ga hagadaumee i olaadeu magavaa.]