Acts 26:29 - De Beebaa Dabu

²⁹ Paul ne hai ange, “E dee hilihili donu be se masavaa bodobodo aabe se masavaa daulooloa — gai au e dalodalo ange gi de Maadua bolo e dee go koe donu huu, aagai go dangada alodahi e langona agu muna anailaa nei, gi hagadonusia hogi bei ogu dagodo, deelaa donu huu, goodou gi dee noonoodia i daula baalanga bee nei.”

Acts 26:29 Referans Kwoze

Ephesians 6:20

go de longo danuaa ne haia nei au go dahi sui o de Maadua i lo te hale pono, gai gi lo taane ai au i de tala gi heohi de longo danuaa.

Colossians 1:28

Gai go ia donu omaadeu e agoago ai nei, ma de hagakana ange ai dangada alodahi i de heiangi alodahi, gi maua ai e gimaadeu i de gaamai gilaadeu alodahi gu maatua abodonu i lodo o Klisdo.

Romans 10:1

Denga daina, dogu lodo donu ma dagu dalodalo ange gi de Maadua, i hiidinga o dangada o Israel, deenei: gilaadeu gi hagamouli.

Acts 21:33

Gai tagi o de hebagi ga humai ga poo a Paul ga hagadaba bolo gi noodia ia i daula baalanga. Gai ia ne ssili be goai donu taane laa, gai be ni aha aana gu hai.

2 Corinthians 11:1

Au e lodo goodou gi golomagi ina oodou lodo i de au, gai au ga basa adu bei dagodo o dahi dangada lodo senga. Goodou gi dee haihaia golomagi ina oodou lodo!

1 Corinthians 7:7

Mee naa dangada alodahi gi dee hai bodu bei ogu dagodo. Aagai dahi ma dahi gu kave dono duuhanga mai i daho de Maadua; tuuhanga o dahi e dagodo gee ma tuuhanga o tangada ange laa.

1 Corinthians 4:8

Goodou gu kave donu mee alodahi oodou e llodo ai! Gai goodou gu ni dangada donu e lava! Gimaadeu e dee ni hodooligi, gai goodou ni hodooligi donu! Mee naa goodou gi ni hodooligi abodonu, gi maua ai hogi e gimaadeu i de hodooligi madali goodou!

Acts 25:14

Gai dua delaau nnoho i kilaa i hanu laangi lagolago, gai Festus ga tala ange dagodo o Paul gi de hodooligi, ga hai ange, “E dahi daane i kinei a Felix ne hhao gi lo te hale pono;

Acts 12:6

De boo i mua de hagasao mai a Herod Peter, gai Peter ne seni i magavaa o e dogolua daane hebagi ma de nnoa i e lua daula baalanga. Gai hanu daane hebagi e hagaloosi de haitoga o de hale pono laa.

John 5:34

Au e dee kave muna a dangada e tala; aagai au e tala muna nei gi hagamouli ai goodou.

Jeremiah 13:17

Aagai noo goodou e dee hagallongo mai, gai au e dangi hagammuni naa i hiidinga doodou hagamaolunga. Au e kona naa donu de dangi ma de ssali ogu loimada go hiidinga de hagabuulingaa ssiibi a Tagi Maolunga gu gaavee gee i de henua.

2 Kings 5:3

Gai de gauligi hahine laa ne hai ange gi dono hahine aamua, “Maingaa ange nei loo gi maua e dogu dangada aamua i de hano gi daho de pelaabisi i Samaria! Ia e maua i de hagaieiangi ono lebelaa.”

2 Samuel 18:33

Gai de hodooligi gu bolebole, gai ia ga hanage gi de aabi i honga de haitoga o de buibui ga dangi ai. Gai ia ne hano ma de dangi ga hagadaba, “E Absalom, dagu dama, dagu dama go Absalom! Mee naa go au ne magau e dee go koe! E Absalom, dagu dama, dagu dama!”

Numbers 11:29

Gai Moses ga hai ange gi de ia, “Koe gu magiaa ange naa gi gilaau i ogu hiidinga? Mee naa dangada alodahi o Tagi Maolunga gi ni pelaabisi gai Tagi Maolunga gi haia gi humai dono Hagasaalunga gi olaadeu elunga!”

Exodus 16:3

ga hai ange gi gilaau, “Mee naa gi ne daia e Tagi Maolunga laa gimaadeu ga maakau i de henua go Egypt, i de masavaa omaadeu e gaimee ai ma e boobosu danuaa i pelaoaa ma giidagi. Gai gooluu gu gaamai gimaadeu gi de vao nei e daa ai de hagabuulingaa dangada soa nei gi maakau i de hiikai.”

Jeremiah 38:20

Jeremiah ga hai ange, “Gilaadeu e dee poo naa donu goe e gaavange gi gilaadeu. Gai koe daudali i muna a Tagi Maolunga aagu e tala adu gi de goe, gi danuaa adu ai gi de goe, gai doo mouli e ola naa.