Acts 26:14 - De Beebaa Dabu

¹⁴ Gai de masavaa omaadeu alodahi ne too ai gi honga de gelegele, gai au ne langona de leo e basa mai gi de au i muna Aramaic, ‘Saul, Saul, gu aha goe gu vaivai hai ai naa ngau? E hai ngadaa mmao dau badu i doo vae mee duiduia.’

Acts 26:14 Referans Kwoze

Acts 21:40

Gai de masavaa huu a tagi laa ne dugu ange ai dono masavaa, gai a Paul ga duu i honga de gaagenga ga daodaohi ange dono lima gi dangada. Gai dangada gu dee mmuu, gai ia ga basa ange gi gilaadeu i muna Aramaic, ga hai ange:

Acts 22:2

Gai ga langona huu e dangada bolo ia e basa ange gi gilaadeu i muna Aramaic, gai gilaadeu gu kii ange donu tee mmuu. Gai ia ga hai ange:

Acts 9:7

Gai denga daane ne hulo laa madali ia gu tuu ga dee mmuu, gilaadeu ne langona de leo e basa laa, aagai tee gidee e gilaadeu dahi dangada.

1 Corinthians 10:22

E aha, gidaadeu e llodo e hai gi lodo gaiaa Tagi Maolunga? E aha, gidaadeu e mmahi ange laa i de ia?

Zechariah 12:2

“Tilo, au gu dai hai naa Jerusalem gi bei de ubu e haia laa ga ssenga denga huaadangada alodahi i luoono baasi. De masavaa naa huu alaadeu e hebagi ange ai gi Jerusalem, gai gilaadeu e hebagi ange naa hogi gi Judah.

Zechariah 2:8

Gai e hagadaba Tagi o denga hagabuulinga hebagi: Dua dana hai gi hano au i dono mahamaha gi denga huaahenua ne haia gi de mahi oodou mee — go hiidinga be goai e poo adu gi goodou e poo ange donu gi tama legalega eidu o dono ganomada —

Proverbs 13:15

De heiangi e hai ga hagadubu ina tangada, aagai de haiava o tangada e dee hai hegau laa i de mee abodonu e hai ngadaa.

Acts 26:13

De hodooligi, au ne gidee hogi i honga de haiava dahi maalama mai i de langi i daha de hualaangi, gai e maalama ange i de maalama o de laa, gai gu hagamaalama de mommee omaadeu ma dangada ne hulo madali au iai laa.

Acts 26:15

Gai au ga hai ange, ‘Tagi Maolunga, go koe goai?’ Gai Tagi Maolunga ne hai mai gi de au, ‘Go au donu go Iesu aau e vaivai hai naa.