Acts 25:25 - De Beebaa Dabu

²⁵ Aagai au tee gidee dahi mee daudahi e heohi ai dono daa gi magau. Gai go hiidinga ia gu hagadaba bolo e hagamodu ono muna i mada i mua o Caesar, gai au gu hagatau e kave ia gi dae gi Rome.

Acts 25:25 Referans Kwoze

Acts 23:29

Gai au gu iloo bolo ia ne hagabaubau ina donu huu i hanu alaadeu hainga, aagai alaadeu mee e hagabaubau ai ia ni mee donu e dee heohi ai dono magau, aabe go dono hhao gi lo te hale pono.

Acts 23:9

Gai gu kona de hagalongaa o dangada; gai hanu dangada sisi o denga Pharisee ne tuu age ga hai baasi, ga hai ange, “Gimaadeu tee gidee donu dahi baubau i daho taane nei! Kana adu dahi hagasaalunga be se dangada de langi gu basa ange donu gi de ia.”

Luke 23:4

Gai Pilate ga hai ange gi de gau haimeedabu maolunga ma dangada soa, “Au e dee gidee dahi mee daudahi e hagabuu ange ai ssala gi taane nei.”

Acts 26:31

gai de masavaa huu olaadeu ne hulo gee ai i kilaa, gai gilaadeu ga pasa i olaadeu magavaa, ga hagataba, “Taane nei tigi hai donu dahi mee daudahi e heohi ai dono daa gi magau, aabe go dono tili ange gi lo te hale pono.”

John 18:38

Pilate ne ssili ange gi de ia, “Gai dee hee donu de mee abodonu?” Gai dua de tala a Pilate muna laa gai ia ga sao ange hogi gi haho ga hai ange gi de gau Ssuu, “Au tee gidee dahi haisala daudahi i ono daha.

Luke 23:14

ga hai ange gi gilaadeu, “Goodou ne gaamai taane nei gi de au bolo se daane e haia dangada gi hai baasi mai. Gai au gu ssili ono dagodo i oodou mada i mua, gai tilo, au tee gidee dahi mee daudahi o taane nei e haisala ai i oodou mee e hagabaubau ai ia.

Jeremiah 26:16

Gai dagi o de henua ma dangada alodahi ne hai ange, gi de gau haimeedabu ma denga pelaabisi, “E dee heohi de daa gi magau taane nei, go hiidinga ia ne basa mai gi gidaadeu i de ingoo o Tagi Maolunga taadeu Maadua.”

Acts 25:26

Aagai au tigi iloo donu dahi mee daudahi e heohi dagu sisi e hagabaubau ange ai ia gi de hodooligi. Deenei ai, au gu gaamai ia gi oodou mada i mua alodahi, aama mada i mua o de hodooligi go Agrippa, gi hanu ai agu mee e maua i de sisi i dua de hai ssiilingaa muna nei.

Acts 27:1

Gai de masavaa huu ne modu ai bolo gimaadeu ga maalanga e hulo gi Italy, gai gilaadeu ga dugu ange a Paul ma hanu dangada gu noonoodia laa gi Julius, ia se dagi niio de lau, mai i de hagabuulinga hebagi o Caesar.

Acts 28:18

Aagai dua huu de hai ssiilingaa muna, gai de gau Rome ne llodo e dugu au gi hano, i hiidinga gilaadeu tee gidee dahi mee daudahi e heohi ai dogu daa gi magau.