Acts 25:19 - De Beebaa Dabu

¹⁹ Aagai gilaadeu ne hagabaubau donu huu ia i dagodo o alaadeu hai daumaha, aama dagodo o Iesu, taane ne magau laa, gai a Paul e hagadaba bolo ia gu mouli age.

Acts 25:19 Referans Kwoze

Acts 23:29

Gai au gu iloo bolo ia ne hagabaubau ina donu huu i hanu alaadeu hainga, aagai alaadeu mee e hagabaubau ai ia ni mee donu e dee heohi ai dono magau, aabe go dono hhao gi lo te hale pono.

Acts 18:15

aagai go hiidinga o hanu muna ma hanu ingoo aama oodou hainga donu, deelaa ai, goodou hagamodu ina donu huu ono muna; e dee go au e hagamodu ina mee naa.”

Revelation 1:18

go au de ia e mouli laa; au ne magau, gai tilo, au gu mouli ga hano ai e dee ngado mai! Gai go au e daohia de gii o de magau aama de mommee o de gau maakau.

Acts 25:7

Gai de masavaa o Paul ne humai ai, gai de gau Ssuu ne loomai laa i Jerusalem ne tuu i luoono baasi. Gai gilaadeu ga hagabaubau ai ia i hanu mee lagolago, aagai tee maua e gilaadeu i de hai gi too donu alaadeu muna.

Acts 18:19

Gai ga tae huu gilaadeu gi Ephesus, gai a Paul ga dugu Priscilla ma Aquila i kilaa. Gai ia ne hano gi lo te synagogue ga madaangudu ange ai gi de gau Ssuu.

Acts 17:31

Go hiidinga ia gu hagatau dahi laangi e hagamodu ai muna o dangada i henua i lalo i de heohi, i daho tangada aana gu hili. Ia ne hagadonu de mee nei i madamada o dangada i dana hagamouli age ia i de magau.”

Acts 2:32

Deenei Iesu a de Maadua ne hagamouli age laa, gai gimaadeu alodahi e tala hagadonu mee nei.

Acts 1:22

mai i de masavaa a John ne babudaisi ai ga dae ai gi de laangi o Iesu ne gaavee gee ai i odaadeu daha ga gaavage gi lunga — dahi gilaadeu nei e hai gi se dangada e daalaa hagadonu dagodo o dono mouli age madali gidaadeu.”

Acts 25:18

Gai de masavaa o ono hagadaumee ne tuu age ai e hagabaubau ia, gai gilaadeu tee hagabaubau ia i dahi haisala daudahi, bei dagu hai e maanadu ai.

Acts 26:3

Go hiidinga hogi koe e donu ange gi dahulinga alodahi a de gau Ssuu, ma mee olaadeu e hagadaumee mai ai. Deenei ai, au e dangidangi adu koe gi golomagi ina oo lodo ma gi hagalaangona agu muna.