Acts 24:25 - De Beebaa Dabu

²⁵ Gai de masavaa a Paul e basa ange ai i dagodo o de heohi, ma de golomagi lodo, aama de hagaduasala gu dai dae mai laa, gai Felix gu madagu, ga hai ange, “Gu lava au muna e tala, hannoo, gai au ga ssala adu ange ai goe noo gu dahi ange ogu masavaa.”

Acts 24:25 Referans Kwoze

John 16:8

Gai de masavaa naa huu oona e humai ai, gai ia ga hai gi iloo e henua i lalo dagodo o de haisala, ma de heohi aama de hagamodu muna:

1 Peter 3:15

Aagai goodou haia Klisdo go Tagi Maolunga i oodou lodo. Gai goodou gi paba i masavaa alodahi, e tala ange gi dangada alodahi, e siilia adu gi goodou dagodo o de tali hagalodolodo i oodou lodo naa. Aagai haia de mee nei i de daudonu ma de hagadubu,

2 Peter 1:6

gai de iloo mee gi madali de golomagi lodo, gai de golomagi lodo gi madali de lodo mmahi, gai de lodo mmahi gi madali de hai lodo o de Maadua;

Galatians 5:23

ma de daudonu, ma dugu iho lodo o tangada; gai e deai donu se hainga e hai baasi ange gi mee nei.

Acts 10:42

Ia ne hai mai gimaadeu gi agoagona ange dangada, ma de tala hagadonu bolo de Maadua gu hili ia gi hagamodu ina muna o dangada e mouli aama gilaadeu gu maakau.

1 John 3:7

Agu dama, goodou gi dee dugu ange dahi dangada gi daahangadia goodou. Tangada e haia de mee heohi se dangada heohi, ia e bei dagodo o Klisdo, ia e heohi.

James 2:19

Koe e hagadonusia bolo e dahi donu huu Maadua; e danuaa. Denga hagasaalunga baubau e hagadonusia donu hogi ma de bolebole i delaadeu maatagu.

Hebrews 9:27

Bei de hai gu hagamodu ange ai laa bolo dangada e maakau i e dahi donu huu hanonga, gai dua naa huu mee nei go de hagamodu muna,

Hebrews 4:1

Deenei ai, go hiidinga goi dagodo huu de hagatoo donu e ulu ai i de hagamaabunga laa, gidaadeu gi maatagu, kana dee maua e dahi goodou i de ulu ai.

Hebrews 3:13

Aagai goodou hagadau hagammahi ina goodou i laangi alodahi, i de masavaa goi hagabinga ai bolo go “anailaa nei,” gai dahi ma dahi gi dee hagamakaga ina ono lodo, i dono hagasengalia i de haisala.

Galatians 3:22

Aagai de Beebaa Dabu e hagadaba bolo dangada alodahi gu nnoho i lalo ssauaa o de haisala; gai go gilaadeu e kai ange gi Iesu Klisdo e gaavange aagena de hagatoo donu i delaadeu hagadonusia.

2 Corinthians 5:10

Go hiidinga gidaadeu alodahi e tuu naa i mada i mua de nohoanga hagamodu muna o Klisdo, gai dahi ma dahi e kave naa de hagaoanga o ana hegau ne hai i de angaanga nei, e dee hilihili be e danuaa aabe e baubau.

1 John 3:10

Gai deenei taadeu hai e madea ai dama a de Maadua ma dama a de ia hagabaubau laa: tangada e dee haia de mee heohi e dee se dama nii de Maadua, aabe go tangada e dee aloha i dono daina.

2 Timothy 4:1

Au e tala adu gi de goe i mada luu mada o de Maadua aama Klisdo Iesu, go de ia e hagamodu ina muna o dangada e mouli ma gilaadeu gu maakau, i de masavaa oona e hagasula mai ai, ga hagaduu age dono nohoanga hodooligi.

2 Corinthians 6:2

Gai ia e hagadaba, “Au ne hagallongo dau dangidangi i de masavaa heohi, gai au ne bale adu goe i de laangi o de hagamouli.” Tilo, de masavaa heohi go iainei; tilo, go iainei donu de laangi hagamouli.

1 Corinthians 4:5

Deelaa ai, goodou gi dee hagamodu ina dahi mee i mua de humai o Tagi Maolunga, go de ia e hagaagona mai mee alodahi e hagammuni laa i lo te gohu, ma de hagaago mai maanadu alodahi i de lodo. Gai de Maadua ga tuhi ai dahi ma dahi.

Acts 24:15

gai au e tali hagalodolodo ange gi de Maadua bei olaadeu dagodo, bolo e dahi donu mouli age olaadeu e heohi aama gilaadeu e dee heohi.

Acts 17:32

Gai ga langona huu e gilaadeu dagodo o de mouli age o de gau maakau, gai hanu gilaadeu ga doo ai mee, aagai hanu ne hai ange, “Gimaadeu e llodo koe gi daalaa mai ange mee nei e hagallongo gimaadeu.”

Acts 17:2

Gai a Paul e hano gi lo te synagogue bei ana hegau i de laa tubua, gai ia ne madaangudu ange gi gilaadeu i muna a de Beebaa Dabu i e dolu Sabbath,

Acts 2:37

De masavaa a dangada ne langona ai muna nei, gai gu velosia olaadeu lodo, gai gilaadeu ga hai ange gi Peter ma de gau tala ange laa, “Denga daina, ni aha ai amaadeu e hai?”

Hebrews 6:2

ma hainga o de babudaisi, ma de dugu ange lima gi honga o tangada, ma de mouli age o de gau maakau, ma de hagaduasala e deai laa se ngado mai.

Haggai 1:2

“E hagadaba Tagi o denga hagabuulinga hebagi: De huaadangada nei e hagataba, ‘Tigi dae mai de masavaa e hagaduu age ai de hale o Tagi Maolunga.’ ”

Habakkuk 3:16

Au ne langona mee nei, gai dogu angaanga gu bolebole, luoogu malaungudu gu bolebole hogi i dagu longo mee nei; ogu ivi gu daamada de pobo, gai luoogu vae gu pole. Aagai au e noho naa ga tali de masavaa o de hai ngadaa e humai ai gi honga o dangada gu hebagi mai gi gimaadeu.

Amos 6:12

E aha, denga hoosa e saavini laa i honga hadu? E aha, tangada e hagabalabala laa kilaa i denga kaau daane? Aagai goodou gu hai de hagamodu heohi gi se mee hagammau gai e hai denga hegau heohi gi ni mee mmala —

Amos 5:24

Aagai doodou hai hegau i de hagamodu heohi gi bei dagodo de sali o saalingaa vai, gai doodou hai hegau i de heohi gi bei ssaalingaa vai e dee maua laa gi masa!

Hosea 10:12

Goodou dooa ange de heohi gi oodou lodo, gai goodou ga hagihagi ai hua o de abodonu; hagabalabala ina de gelegele makaga i oodou lodo, go hiidinga gu dae mai de masavaa oodou e ssala ai Tagi Maolunga, ga dae ai gi dono humai ga hai gi hano iho de heohi gi oodou elunga.

Hosea 10:4

Gilaadeu e tala hanu ngadi muna, ma de hai denga ngadi hagatoo donu hagaheloongoi; deelaa ai, de hagaduasala gu sula age bei dagodo o denga helii hagammau e ssomo age laa i de mommee gu hagabalabala.

Hosea 7:5

De laangi o taonga a de hodooligi gu hagailonga, gai denga dagi e ssenga i de unu uvaini; gai de hodooligi gu unu hogi madali gilaadeu.

Daniel 12:2

Gai dangada soa gu maakau laa ma gu danu i lo te gelegele e mouli age naa; hanu e kave naa de mouli e dee ngado mai, aagai hanu e hagadookaa ma de hagangadi mee ga hano ai.

Daniel 4:27

Deenei ai, de hodooligi, noo e heohi mai i oo daha, gai koe gi daudali i agu muna. Dugua oo haisala gai hai hegau i de mee heohi, dilia oo baubau gai abodonu ange gi gilaadeu e duasala. Kana adu e maua naa gi daulooloa doo noho baba.”

Ezekiel 45:9

“E hagadaba de Ia Aamua go Iahweh: Denga dagi o Israel, goodou gu gona odi oodou mee e hai! Gu lava oodou vaivai hai ma de hagaduasala dangada, gai hai hegau i hagamodu heohi ma de mee heohi. Goodou aude alualumia dangada mai honga olaadeu mommee, go de Ia Aamua go Iahweh e hagadaba.

Jeremiah 23:29

E aha, agu muna e dee bei dagodo o de ahi, go Tagi Maolunga e hagadaba, gai e bei hogi de haamaa e oha ai laa denga hadu?”

Isaiah 61:8

Gai au, go au go Iahweh, e lodo i de hagamodu muna heohi, au e kino i de gaiaa ma de baubau. Gai au e hagao ange naa alaadeu hegau i hiidinga dogu hai hegau i de mee abodonu, ma de hai dahi hagatoo donu hagaheloongoi dee ngado mai madali gilaadeu.

Isaiah 55:6

Saalaa Tagi Maolunga i de masavaa e maua ai gi gidee ia; dalodalo ange gi de ia i de masavaa oona e baa mai ai.

Isaiah 41:21

Tagi Maolunga e hai ange gi denga diinonga, “Daalaa mai oodou tonu; daalaa oodou mee e hai baasi mai ai gi de au,” go de Hodooligi o Jacob e hagadaba.

Isaiah 32:11

Goodou denga haahine duadonu e bolebole naa; goodou denga damaa hine nnoho paba e maatagu naa! Goodou e hagaui oodou malo, gai ga nnoa oodou ungaalodo i malo daladala.

Isaiah 16:5

De nohoanga hodooligi e hagaduu naa i de lodo aloha; gai dahi mai i de hale o David e noho naa ga hodooligi ai, gai ia e hai hegau i de muna abodonu. Ia e ssala naa de hagamodu muna i de heohi gai e moolau dana hagasula de mee heohi.

Isaiah 1:21

Kalo ange diiloo, de aduhale nogo hai hegau i de mee heohi, gu hai hegau ai nei bei de hine hai be se manu! De aduhale nogo hai hegau laa i de hagamodu heohi; de mee heohi nogo dagodo i kilaa, aagai iainei go de gau daa dangada e nnoho ai!

Hebrews 12:21

Gai ne kona donu de hagamaatagu i de tilo mee laa, gai Moses ne hagadaba, “Au ne bolebole mmao i dogu madagu.”

Romans 14:12

Deelaa ai, dahi ma dahi e tala ange naa ono dagodo gi de Maadua.

Romans 12:1

Deenei ai, ogu daina, au e dangidangi adu, i hiidinga de abodonu o de Maadua, goodou gi dugua ange oodou angaanga alodahi e hai ai ssigidaumaha e mouli laa, gai e dabu ma de hagamalangilangi ange gi de Maadua — deenei donu doodou hai daumaha heohi gai se muna abodonu.

Romans 2:16

De mee nei e hai naa donu, i de laangi a de Maadua e hagamodu ai maanadu e dee iloo laa, i daho Klisdo Iesu, bei de hai gu tala ai i de longo danuaa oogu e agoago ai nei.

Acts 26:28

Gai Agrippa ga hai ange gi a Paul, “E momo ange huu koe gu hai au gi se Christian, i dahi masavaa bodobodo donu huu!”

Acts 17:13

Aagai de masavaa huu a de gau Ssuu i Thessalonica ne langona ai bolo a Paul gu agoago hogi muna a de Maadua i Berea, gai gilaadeu ga hulo hogi gi kilaa ga hai ai gi dee buni, ma de hellumi dangada soa i kilaa.

Acts 9:6

Hidi age hannoo gi de aduhale, gai ga tala adu ai gi de goe au mee e hai.”

Matthew 22:5

Aagai gilaadeu tee anga ange gi ana muna, gai ne hulo ga hai alaadeu hegau; dahi ne hano gi dono alahenua, gai dahi ne hano gi dono mommee hagao mee,

Daniel 5:30

De boo laa gai Belshazzar, de hodooligi o de gau Babylon ne daia ga magau,

Jeremiah 22:3

E hagadaba Tagi Maolunga: Goodou hai hegau i de mee heohi ma de soe. Gai hagaola ina tangada gu gaiaadia ono goloa, i tangada vaivai dagodo. Goodou aude haia de baubau aabe gi vaivai haia tangada henua gee, de gauligi gu deai sono damana, aabe go de hine gu magau dono bodu. Gai goodou aude daia gi magau tangada tigi haisala i de mommee nei.

Isaiah 66:2

E aha, e dee go dogu lima ne haia mee nei alodahi, deenei ai, gu hanu mee nei alodahi? go Tagi Maolunga e hagadaba. Deenei tangada aagu e hagadubu: go tangada e lodo maolalo ma de dahuli abodonu ono lodo, ma de bolebole i dono madagu i agu muna.

Isaiah 1:18

Loomai, gidaadeu ga hagamodu de mee nei, go Tagi Maolunga e hagadaba. E dee galemu naa donu de mmea oodou haisala bei scarlet, gai e hai naa ga tea bei denga snow; e dee galemu naa donu de mmea oodou haisala bei crimson, gai e hai naa ga tea bei huluhulu o ssiibi.

Ecclesiastes 12:14

Go hiidinga de Maadua e hagamodu naa dagodo o hegau alodahi, ma mee alodahi ne hai hagammuni laa, e dee hilihili be danuaa aabe baubau.

Ecclesiastes 11:9

Tama daane, koe gi malangilangi i de masavaa oou e dama daane ai, gai oo lodo gi malangilangi i laangi oou e dama daane ai. Gai haia oo mee e lodo ai i mee alodahi aau e gidee, gai koe gi iloo bolo de Maadua e hagamodu naa oo muna i mee nei alodahi.

Ecclesiastes 5:8

Koe gi dee lele oo mouli i dau gidee de vaivai haia o de gau hagaau aloha i dahi ungaamee, ma teai se hagamodu heohi ma heohi o dangada; go hiidinga dahi dagi maolunga e dagitilo tagi i ono lalo, gai denga dagi i olaau elunga e dagitilo gilaau.

Proverbs 16:12

Denga hodooligi e kino i de hai a dangada denga hegau baubau, go hiidinga de nohoanga hodooligi e hagaduu ga makaga i de heohi.

Psalm 119:120

Dogu angaanga gu bolebole i dogu madagu i de goe, gai au e madagu i au hagamodu.

Psalm 99:1

Go Tagi Maolunga e hodooligi, denga huaadangada gi bolebole; ia e noho i magavaa luu cherubim; henua i lalo gi ngalungalue.

Psalm 72:2

Gai ia gi hagamodu ina muna o oo dangada ma de gau hagaaloha i de heohi.

Psalm 45:7

Koe e lodo i de mee heohi gai e kino i de baubau. Deenei ai, de Maadua, doo Maadua, gu hai goe gi maolunga ange i oo soa ange laa, i dana hagasulu goe i de lolo o de malangilangi.

Psalm 11:7

Go hiidinga Tagi Maolunga e heohi, ia e lodo mmao i de hagamodu heohi, gai go gilaadeu e heohi e gidee luoono mada.

De Beebaa go Job 29:14

Au e gahu au i de heohi, bei dagodo o de malo; gai de hagamodu heohi go dogu malo laa daha ma dogu goobai malo.

Ezra 10:9

Gai e dolu donu huu laangi gai daane alodahi o Judah ma Benjamin gu hagabuni mai gi Jerusalem. Gai de madalua laangi huu o ssiva malama, gai dangada alodahi gu loomai ga nnoho i lo te duu malaelae i mada i mua o de hale o de Maadua, gai gilaadeu gu manavasaa i hiidinga o de hegau gu hai laa aama hiidinga o de langi gu pala.

Ezra 10:3

Deenei ai, gidaadeu ga hai dahi hagatoo donu hagaheloongoi madali taadeu Maadua; gidaadeu ga dugu gi hulo denga haahine ma alaadeu dama, bei dagodo o au muna, demaadeu dangada aamua, aama muna a dangada e maatagu i muna a taadeu Maadua. Gidaadeu ga hai gi bei muna o de hainga.

2 Kings 22:19

Go hiidinga koe gu dahuli oo lodo ma de hagamaolalo, i mada luu mada o Tagi Maolunga, i de masavaa aau ne langona ai agu muna ne tala, e hai baasi ange ai gi de mommee nei ma ono dangada, bolo gilaadeu e hagamalaia naa gai de mommee nei e hai naa ga ngadi dagodo, ma hiidinga dau ssae oo malo ma de dangi i mada luoogu mada — deenei ai, e hagadaba Tagi Maolunga: Au gu langona au muna.

1 Kings 21:27

De masavaa huu a Ahab ne langona ai muna laa, gai ia ga ssae ono malo, ga gahu i denga malo daladala, ma de hagahiigai, ga dagodo i lodo malo daladala ma de seesee saele gu daemaha.

2 Samuel 23:3

De Maadua o Israel gu basa, de Baba o Israel ne hai mai gi de au, ‘Tangada e dagina dangada i de mee heohi, ma de dagi dangada i dono madagu i de Maadua,

1 Samuel 12:7

Deenei ai, goodou tuu donu huu gai au ga hagamaanadu adu gi goodou i mada luu mada o Tagi Maolunga hegau hagalele mouli alodahi a Tagi Maolunga ne hai adu gi goodou ma oodou dubuna madagidagi.

Acts 24:26

Gai Felix ne tali hagalodolodo bolo a Paul e hagao ange naa ia hanu sseene hagasenga. Deelaa ai, tee modu donu dana aalu a Paul gi humai e madaangudu gilaau.

Jeremiah 36:16

Gai ga langona huu e gilaadeu muna laa alodahi, gai gilaadeu ga hagadau kalo ange gu maatagu, ga hai ange gi Baruch, “Gimaadeu e tala ange naa donu muna nei alodahi gi de hodooligi.”

Titus 1:8

aagai gi abodonu ange gi dangada e loomai gi dono hale, ia gi malangilangi i de hai tanuaa, ia gi maanetonu, ia gi hai hegau i de mee heohi ma de hai gi dabu abodonu, aama de golomagi ono lodo.