Acts 24:24 - De Beebaa Dabu

²⁴ Dua hanu laangi gai Felix ma dono bodu go Drusilla, ia se hine Ssuu, gu tae mai gi kilaa. Gai Felix ga aalu ga gaamai a Paul gi daalaa dagodo o de gai ange gi Klisdo Iesu.

Acts 24:24 Referans Kwoze

Acts 20:21

au ne tala hagadonu ange hogi gi de gau Ssuu ma denga Gentile dagodo o de daahuli ange gi de Maadua, ma de kai ange gi Iesu Klisdo taadeu Dagi Maolunga.

Galatians 2:16

gai gimaadeu e iloo bolo tangada e dee hagaheohi i dono daudali i de hainga, aagai go dono gai ange gi Iesu Klisdo. Gai gimaadeu alodahi gu kai ange gi Klisdo Iesu, gi hagaheohi ai gimaadeu i demaadeu kai ange gi Klisdo, e dee go demaadeu daudali i de hainga, go hiidinga de hai hegau i de hainga e dee maua donu i de hagaheohi dahi dangada daudahi.

Revelation 14:12

De mee nei se hagahi ange gi dangada o de Maadua gilaadeu gi golomagi ina olaadeu lodo, go gilaadeu e daohia muna a de Maadua ma de daohi delaadeu kai ange gi Iesu.

Jude 1:3

Ogu soa hagamogomogo, au ne lodo mmao e sisi adu gi goodou, dagodo o de hagamouli adaadeu alodahi gu kave nei, aagai au ne gidee bolo e danuaa dagu sisi e hagammahi adu, goodou gi lo taane ma de hagaduu ngae i de gai gu gaavange laa gi dangada alodahi o de Maadua.

1 John 5:1

Be goai e hagadonusia bolo Iesu go de Klisdo ne haanau donu i daho de Maadua, gai be goai e aloha i tamana e aloha hogi i tama ne hagadili laa i ono daha.

Galatians 3:2

Gai au e ssili adu gi goodou dahi mee: goodou ne kave laa de Hagasaalunga ⌊Dabu⌋ i doodou hai hegau i de hainga, aabe go doodou langona muna o de longo danuaa ga kai ange aagena?

Galatians 2:20

Au gu lava i de daudau i de laagau lui madali Klisdo. Gai e dee go au ai loo e mouli iainei, gai go Klisdo e mouli i ogu lodo. Gai dogu masavaa e mouli ai i de angaanga nei, gai au e mouli i de gai ange gi Tama a de Maadua, go de ia ne aloha laa i de au ga gaavange dono mouli i ogu hiidinga.

Acts 26:22

Aagai de Maadua ne bale mai au ga dae mai ai gi anailaa nei. Deenei ai, au e duu i kinei e tala hagadonu ange ai gi gilaadeu e maolalo ma gilaadeu e maolunga. Au e tala donu huu mee a denga pelaabisi aama Moses gu tala laa bolo e hai:

Acts 16:31

Gai Paul ma Silas ne hai ange, “Koe gi hagadonusia Tagi Maolunga go Iesu, gai koe aama dangada alodahi i doo hale gu hagamouli.”

Luke 23:8

Aagai Herod gu malangilangi i dana gidee Iesu, go hiidinga ia gu daulooloa dana lodo e tilo ia, i hiidinga ia gu langona ono longo. Gai ia ne lodo hogi e tilo dahi sauaa a Iesu e hai laa.

Luke 19:3

Ia ne lodo gi gidee e ia Iesu, aagai tee maua i hiidinga de soa dangada, gai ia e bodobodo.

Mark 6:20

go hiidinga hogi Herod ne madagu i a John ma de lodo e buibui ia. Ia gu iloo bolo a John se daane heohi ma de dabu. Gai de masavaa a Herod ne langona ai agoago a John, gai ia e tee donu ange aagena, aagai ia ne malangilangi donu i de hagallongo ana agoago.

Acts 24:25

Gai de masavaa a Paul e basa ange ai i dagodo o de heohi, ma de golomagi lodo, aama de hagaduasala gu dai dae mai laa, gai Felix gu madagu, ga hai ange, “Gu lava au muna e tala, hannoo, gai au ga ssala adu ange ai goe noo gu dahi ange ogu masavaa.”