Acts 24:14 - De Beebaa Dabu

¹⁴ Aagai au e tala adu gi de goe, bolo au e daudali i de Haiava, alaadeu e hagaingoo ange laa bolo se hagabuulinga daumaha gee, au e daumaha ange gi de Maadua o omaadeu dubuna madagidagi. Gai au e hagadonusia mee alodahi gu sisi i de hainga aama daho denga pelaabisi,

Acts 24:14 Referans Kwoze

Acts 9:2

ga dangidangi ange i hanu leda e hagasauaa ai dono hano gi denga synagogue i Damascus, gi maua ai e ia i de noonooa denga daane ma haahine noo ia e gidee hanu gu dau ange gi de Haiava, gai ia ga gaamai ai gilaadeu gi Jerusalem.

Romans 3:21

Aagai iainei de Maadua gu hagaago mai bolo ia e hagaheohi dangada, aagai e dee go delaadeu daudali i de hainga. Gai de hainga ma denga pelaabisi gu tala hagadonu dagodo o de mee nei.

Acts 28:23

Gai gilaadeu ne hagailonga dahi laangi e loomai ai gi daho Paul. Gai ne soa donu ne loomai gi dono hale e noho ai laa. Gai Paul ga agoago ange gi gilaadeu, mai i taiao ga dae ai gi de ahiahi, ga tala hagadonu ange gi gilaadeu dagodo o de nohoanga hodooligi o de Maadua, ma de hagatale de usuusu ange gilaadeu i de hainga a Moses aama muna a denga pelaabisi, i dagodo o Iesu.

Acts 3:13

De Maadua o Abraham, ma Isaac aama Jacob, de Maadua o odaadeu dubuna madagidagi, gu hagamahamaha dono dangada hai hegau go Iesu, go de ia oodou ne gaavange ga daa gi magau ma de hagangadi mee i mada i mua o Pilate, e dee galemu donu dana hagatale de hagaola ia.

Acts 26:22

Aagai de Maadua ne bale mai au ga dae mai ai gi anailaa nei. Deenei ai, au e duu i kinei e tala hagadonu ange ai gi gilaadeu e maolalo ma gilaadeu e maolunga. Au e tala donu huu mee a denga pelaabisi aama Moses gu tala laa bolo e hai:

Acts 24:5

Gimaadeu ne iloo bolo taane nei se daane e hagahai ngadaa ina dangada, gai se daane e haia gi hellumi de gau Ssuu i henua i lalo alodahi. Ia se dagi hogi niio dangada e hagabinga laa bolo go de hagabuulinga hai daumaha o de gau Nazareth.

2 Timothy 1:3

Au e hagaahe ange de abodonu gi de Maadua, de ia oogu e daumaha ange aagena i tagi o ogu lodo i de muna abodonu, bei ogu dubuna madagidagi, i dagu masavaa e maanadu ai goe i agu dalodalo i de boo ma de laangi.

Acts 26:27

De hodooligi go Agrippa, koe e hagadonusia muna a denga pelaabisi? Au e iloo bolo koe e hagadonusia donu.”

Revelation 19:10

Gai au ga ino i gaogao luoono vae ga daumaha ange gi de ia, aagai ia ga hai mai gi de au, “Aude daumaha mai gi de au! Go hiidinga au se dangada hai hegau bei oo dagodo ma oo daina ne daohia laa muna e tala hagadonu ai dagodo o Iesu. Gai daumaha ange gi de Maadua.” Gai de tala hagadonu dagodo o Iesu go de Hagasaalunga donu o de basa pelaabisi.

1 Peter 1:11

gilaadeu ne ssala gi iloo e gilaadeu tangada ma de masavaa a de Hagasaalunga o Klisdo e noho laa i olaadeu lodo gu tala laa, i de masavaa aana ne tala pelaabisi ai dagodo de hagaduasala o Klisdo aama dono hagamahamaha i dua mee nei.

Titus 3:10

Gai koe hagakana ina tangada e haia gi dee heloongoi magavaa o dangada i e lua hanonga, aagai koe gi dee hagabuni ange gi de ia.

Galatians 5:20

ma de daumaha ange gi denga diinonga, ma de hai huuhuaa mee, ma de hagadau kino, ma de hagadau hebagi, ma de lodo gaiaa, ma de lili, ma tee anga ange gi dangada, ma tee buni, ma de hagadau hai baasi,

1 Corinthians 11:19

Gai e hanu donu hogi dee heloongoi i oodou magavaa; mee nei se hai gi maua ai gi iloo abodonu gilaadeu e hai hegau i de muna abodonu.

Acts 26:6

Gai iainei au e duu i kinei e hagamodu ai ogu muna i hiidinga dagu tali hagalodolodo ange gi denga hagatoo donu a de Maadua ange gi omaadeu dubuna.

Acts 24:22

Aagai Felix se daane e iloo danuaa e ia dagodo o de Haiava, ga hagalava de hagabuni laa, ga hai ange, “Au e hagamodu naa oo dagodo i de masavaa o tagi o de hebagi go Lysias e dae mai ai.”

Acts 22:14

Gai ia ga hai mai, ‘De Maadua o odaadeu maadua madagidagi gu hili goe e hagaago adu ono lodo gi de goe, ma de hai gi gidee e goe de Ia Heohi laa, ma de hai gi langona e goe dono leo.

Acts 19:9

Aagai hanu ne hagamakaga olaadeu lodo; gilaadeu tee llodo e hagadonu, gai ne hagabaubau dagodo o de Haiava i madamada o dangada. Gai a Paul ne hano gee i olaadeu daha, ga kave denga dangada agoago madali ia, gai laangi alodahi gilaadeu ne hagabuni ga madaangudu i de mommee hagabuni o Tyrannus.

Acts 13:15

Gai dua huu de dau o de hainga ma muna a denga pelaabisi, gai denga dagi o synagogue ga aalu ga hai ange gi gilaadeu, “Denga daina, noo e hanu oodou muna e hagalodo mmahi ange ai dangada, gai goodou daalaa mai.”

Acts 10:43

Denga pelaabisi alodahi ne tala bolo dangada alodahi e hagadonusia ia gu maatala olaadeu haisala i dono ingoo.”

Acts 7:32

‘Go au de Maadua o oo dubuna madagidagi, go de Maadua o Abraham, ma Isaac, aama Jacob.’ Gai Moses gu bolebole ma de madagu, ia gu dee maua i de galo ange e tilo de mee laa.

Acts 5:30

De Maadua o odaadeu dubuna madagidagi gu hagamouli age Iesu, de ia oodou ne daa laa ga daudau i de laagau lui.

John 1:45

Philip ne gidee hogi e ia Nathanael, ga hai ange, “Gimaadeu gu gidee de ia a Moses e basa ai laa i lodo hainga, gai denga pelaabisi ne sisi hogi ono dagodo — Iesu tangada Nazareth, tama a Joseph.”

Luke 24:44

Iesu ne hai ange hogi gi gilaadeu, “Aanei agu muna gu lava laa i de tala adu gi goodou i de masavaa oogu nogo noho ai i oodou daha: mee alodahi gu sisi ai ogu dagodo i hainga a Moses ma denga pelaabisi aama denga Psalm e hagassula naa donu.”

Luke 24:27

Gai Iesu ga daamada de hagadonu ange gi gilaau mee alodahi gu tala ai ono dagodo, mai i Moses ma denga pelaabisi alodahi i lo te Beebaa Dabu alodahi.

Luke 16:29

Aagai Abraham ne hai ange gi de ia, ‘Muna a Moses ma denga pelaabisi e daakodo i olaadeu daha; gilaadeu gi hagalaangona alaadeu muna.’

Luke 16:16

De hainga ma denga pelaabisi ne agoago ga dae mai ai gi de masavaa o John taane Babudaisi; gai muli mai ne daamada de agoago de longo danuaa o de nohoanga hodooligi o de Maadua, gai dangada alodahi gu hagammahi e ulu ai.

Luke 1:70

bei dana hai gu hagatoo donu ai laa i daho denga pelaabisi dabu madagidagi,

Matthew 22:40

Luu hainga nei go tagelo o hainga alodahi aama denga pelaabisi.”

Matthew 10:32

“Be goai e daalaa bolo ia se dangada niiogu i madamada o dangada, gai au e tala naa hogi bolo ia se dangada niiogu i mada luu mada o dogu Damana i de langi.

Matthew 7:12

Deenei ai, mee alodahi oodou e llodo dangada gi haia adu gi goodou, gai goodou haia ange hogi gi gilaadeu; deenei de hainga ma muna a denga pelaabisi.

Micah 4:2

denga huaahenua soa e loomai naa ga hagataba, “Loomai, gidaadeu ga loage gi de mounga o Tagi Maolunga ma de hale o de Maadua o Jacob; gai ia ga agoago mai ai gidaadeu i ono haiava, gai gidaadeu ga seesee ai i ono haiava.” Gai de hainga e gaamai naa i Zion, gai muna a Tagi Maolunga e loomai naa i Jerusalem.

Amos 8:14

Gilaadeu e hagatoo donu i tiinonga hagadookaa o Samaria, be go de hagataba, ‘Dan, au e hagatoo donu i de mouli o doo diinonga,’ aabe go de hagataba, ‘Au e hagatoo donu i de mouli o tiinonga o Beersheba;’ gilaadeu e maakau naa donu, gai e dee aahe ange e hiihidi age.”

Psalm 119:46

Au e tala hogi au muna i madamada o denga hodooligi, gai au e dee dogaa naa donu;

1 Chronicles 29:18

Tagi Maolunga, de Maadua o omaadeu dubuna madagidagi go Abraham, ma Isaac, aama Israel, haia gi dagodo de lodo nei i daho oo dangada ga hano ai, gai haia gi maua e gilaadeu i de hagadubu goe i olaadeu lodo.

Exodus 3:15

Gai de Maadua ne hai ange hogi gi Moses, “Aanei au muna e tala ange gi de gau Israel, ‘Iahweh, de Maadua o oodou dubuna madagidagi, de Maadua o Abraham, ma de Maadua o Isaac, aama de Maadua o Jacob ne haia ngau gi humai.’  Gai deenei dogu ingoo ga hano ai, gai deenei de ingoo oodou e hagamaanadu ai au i daho oodou atangada alodahi.

Acts 19:23

De masavaa laa gai ne hellumi dangada i hiidinga o de Haiava.

Acts 15:5

Aagai hanu Pharisee gu hagadonusia laa ne tuu age, ga hai ange, “Gidaadeu e tala ange gi denga Gentile bolo e heohi delaadeu tuu dagaholiage aama de daohi de hainga a Moses.”

Acts 25:8

Gai a Paul ne tala ange dono heohi, ga hai ange, “Au tigi haisala ange donu gi de hainga a de gau Ssuu, be go de temple, aabe gu hai baasi ange gi Caesar.”

Acts 26:4

De gau Ssuu alodahi e iloo dagodo o dogu mouli mai i dogu gauligi, gai au ne madua age i daho dogu huaahenua i Jerusalem.

Acts 28:22

Aagai gimaadeu e llodo e hagallongo au hagasaele. Go hiidinga gimaadeu gu iloo bolo gu soa dangada i mommee alodahi e hagabaubau ina de hagabuulinga naa.”

Romans 1:9

Gai go de Maadua dogu dangada hagadonu, gai au e hai hegau ange gi de ia i ogu lodo alodahi i dagu hagadele de longo danuaa o dana Dama, ia e iloo bolo au e dee tuu donu dogu dalodalo i goodou i masavaa alodahi,