Acts 24:1 - De Beebaa Dabu

¹ Dua e lima laangi, gai tangada haimeedabu maolunga go Ananias ma hanu dagi, aama dahi daane e donu ange gi de hainga, dono ingoo go Tertullus, gu loomai i Caesarea. Gai gilaadeu ne tala ange gi de goobenaa alaadeu mee e hagabaubau ai a Paul.

Acts 24:1 Referans Kwoze

Acts 24:11

Gai koe e maua donu i de hai gi too donu, bolo tigi kii ange i de madaangahulu ma lua laangi, i dua dogu hano ga daumaha i Jerusalem.

Acts 23:2

Gai tangada haimeedabu maolunga go Ananias ga hai ange gi gilaadeu e paa ange gi a Paul gi hagailihia dono ngudu.

Acts 25:2

Gai de gau haimeedabu maolunga ma dagi o de gau Ssuu gu loomai e hagabaubau ange a Paul gi de ia, ma de usuusu ange ia

Acts 23:35

gai ia ga hai ange, “Au e hagallongo naa dagodo mee oou gu hagabaubau ina ai, i de masavaa e tae mai ai gilaadeu ne hagabaubau ina goe.” Gai ia ga hagadaba bolo gi gaavee a Paul gi lo te Praetorium o Herod gi hagaloosia ange ai.

Acts 23:30

Aagai de masavaa huu aagu ne iloo ai bolo hanu daane Ssuu gu nnoho e daa taane naa gi magau, gai au ga hai ia gi hanadu gi oo daha. Au gu hai ange hogi gi gilaadeu ne hagabaubau ina laa ia gi loadu gi daalaa adu gi de goe mee alaadeu e hagabaubau ai ia.”

Acts 23:24

Hagadabena ina hogi hanu hoosa e hagauda a Paul, ma de hagaloosi ange ai ia ga kave gi daho de goobenaa go Felix.”

Acts 21:27

Aagai ga odi ange ai huu denga laangi e hidu laa, gai hanu Ssuu ne loomai laa i Asia ne gidee e gilaadeu a Paul i de temple, gai gilaadeu ga hai gi hellumi dangada soa i kilaa, gai gilaadeu ga poo a Paul,

Psalm 11:2

Tilo, de gau baubau gu dada alaadeu mee hholu; gilaadeu gu hagaulu ange denga dao gi alaadeu mee hholu i de mommee gohu e tili ai dangada e heohi olaadeu lodo.

1 Corinthians 2:4

gai agu muna ma agu agoago tee hai i de heiangi ma de usuusu ange ai dangada, aagai ne hai i ssauaa o de Hagasaalunga ⌊Dabu⌋,

1 Corinthians 2:1

Denga daina, dogu masavaa ne dae adu ai gi oodou daha, gai au tee hanadu ga agoago adu goodou i muna a de Maadua i muna maolunga, aabe go de iloo mee o dangada.

Acts 25:15

gai de masavaa oogu ne hano ai gi Jerusalem, gai de gau haimeedabu maolunga ma denga dagi o de gau Ssuu ne hagabaubau mai ia gi de au, ma de llodo au gi hagamodu ina ono muna e daa gi magau.

Acts 12:21

Gai Herod ne gahu i ono malo hodooligi ga noho ai i honga dono nohoanga hodooligi i de laangi gu lava i de hagamodu, ga basa ai gi dangada.

Isaiah 3:3

ma tagi o tinolima daane hebagi, ma taane maolunga, ma taane hagasaele ma tangada heiangi i de hai huuhuaa mee, aama tangada hai helau.

Acts 23:33

Gai de masavaa olaadeu ne tae ai gi Caesarea, gai gilaadeu ga gaavange de leda laa gi de goobenaa go Felix, ma de hai a Paul gi duu i ono mada i mua.

Acts 24:2

Gai de masavaa huu ne hagahi ai a Paul gi humai, gai Tertullus ga daamada de hagabaubau ange ia gi Felix, ga hai ange, “De goobenaa maolunga go Felix, gimaadeu gu nnoho paba i dahi masavaa daulooloa, i doo masavaa ne dagi ai nei, gai dau hagatau gu hagadanuaa honga de huaahenua nei.