Acts 23:3 - De Beebaa Dabu

³ Gai a Paul ne hai ange gi de ia, “De Maadua gi hagailihia hogi goe! Koe e bei donu dagodo o de buibui gu lebu tea laa! Koe e noho ma e hagamodu ogu muna i de hainga, gai koe e oha hogi de hainga, i dau hai gilaadeu gi hagailihia dogu ngudu!”

Acts 23:3 Referans Kwoze

John 7:51

“E aha, taadeu hainga e hagabaubau laa dahi dangada noo tigi hai ssiilingaa muna ma de hai gi iloo be ni aha aana gu hai?”

Amos 5:7

Goodou dangada e suuia de hagamodu heohi gi bei de mee mmala ma de dagadagahi gi honga de gelegele de mee heohi —

Ecclesiastes 3:16

E dahi ange agu mee ne gidee i lalo de laa: de mommee iai de hagamodu heohi, gai iai hogi de baubau; de mommee iai de mee heohi, gai de baubau i kilaa hogi.

Psalm 94:20

E aha, e maua e dahi dagi baubau i de hagabuni adu gi de goe — go de ia e haia de hagamodu dee heohi gi se hainga?

Leviticus 19:35

Goodou gi dee hadu muna i doodou haide de looloa, ma de hagahidi taemaha aabe go de honu.

Leviticus 19:15

Aude hagahaisala ina de hagamodu muna heohi; aude haia gi dagodo gee dau hai e hai ai tangada hagaau aloha ma tangada lava, aagai koe gi hagamodu ina muna o tangada e baa adu gi de goe i de heohi.

John 18:24

Gai Annas ne hai gilaadeu gi noodia Iesu gi gaavee gi Caiaphas, tangada haimeedabu maolunga.

1 Kings 22:24

Gai Zedekiah, tama daane a Kenaanah, ne humai ga hagaili de galaahuu o Micaiah, ga ssili ange, “Go hee ne hano aagena de Hagasaalunga o Tagi Maolunga, ne sao mai laa i ogu daha ga basa adu gi de goe?”

Acts 23:4

Gai dangada e tuu i gaogao o Paul ga ssili ange gi de ia, “Gu aha goe gu basa ange ai naa bee naa gi tangada haimeedabu maolunga o de Maadua?”