Acts 23:15 - De Beebaa Dabu

¹⁵ Deenei ai, goodou ma de hagabuulinga hagasaele gi dangidangi ange gi tagi o de hebagi gi gaamai a Paul gi oodou daha, e dagodo be goodou e llodo ssili e hagadonu ono dagodo. Gai gimaadeu ga hagadabena e daa ia gi magau i mua dono dae mai gi kinei.”

Acts 23:15 Referans Kwoze

Isaiah 59:7

Gilaadeu e moolau donu delaadeu hai de baubau, gai e moolau hogi delaadeu daa dangada ga magau. Gai maanadu i olaadeu lodo e baubau; gai mee gu maoha ma de oohaa e gidee i haiava olaadeu e seesee ai.

Proverbs 1:16

go hiidinga e moolau donu delaadeu hai de baubau, gai e moolau hogi delaadeu daa dangada ga maakau.

Acts 22:30

Gai tagi o denga daane hebagi ne lodo gi iloo e ia hiidinga a de gau Ssuu ne hagabaubau ai laa a Paul. Deelaa ai, de laangi i ono dua, gai ia ga tala a Paul ga hagasao mai, ma de aalu ga hagabuni mai de gau haimeedabu maolunga aama de hagabuulinga hagasaele alodahi. Gai ia ga gaamai a Paul ga hagaduu i olaadeu mada i mua.

Proverbs 4:16

Go hiidinga gilaadeu e dee sseni naa donu ga dae ai gi delaadeu hai de baubau; gilaadeu e dee maua gi sseni ga dae ai gi delaadeu hai dahi dangada ga haisala.

Psalm 21:11

Noo gilaadeu e hagatau e hai baasi adu gi de goe ma de hai denga maanadu de vaivai daakodo, gai alaadeu hagatau e dee ssula donu.

Acts 25:3

gi balea ange gilaadeu e kave ai a Paul gi Jerusalem, go hiidinga gilaadeu gu nnoho e daa ia gi magau, i dono hano i honga de haiava.

John 18:12

Gai de hagabuulinga hebagi laa ma olaadeu dagi aama dagi o de gau Ssuu ne poo Iesu ga nnoa,

Acts 23:1

Gai a Paul ne haaina de hagabuulinga hagasaele laa, ga hai ange, “Denga daina, au ne hagassula agu hegau i tagi o de lodo e gilimalali laa, i mada luu mada o de Maadua ga dae mai ai gi anailaa nei.”

Acts 23:6

Gai ga iloo huu e Paul bolo hanu dangada i kilaa ni Sadducee, gai hanu ni Pharisee, gai ia ga hagaleo laumalie i mada i mua o de hagabuulinga hagasaele, ga hai ange, “Denga daina, au se Pharisee, gai se hagadiilinga niio denga Pharisee. Gai au gu hagamodu ogu muna i hiidinga dagu tali hagalodolodo ange gi de mouli age o de gau maakau.”

2 Samuel 13:5

Jonadab ne hai ange gi de ia, “Hannoo dagodo i honga oo moenga, ga hai bolo koe gu magi. Gai de masavaa naa huu o doo damana e humai ai e tilo goe, gai koe ga hai ange gi de ia, ‘Au e dangidangi adu, haia dogu daina hahine go Tamar gi humai gi haia mai agu gai. Ia gi hagadabena ina agu gai i de mommee aagu e maua ai i de tilo ia, gai ia ga haangai mai ai hogi au.’ ”