Acts 22:3 - De Beebaa Dabu

³ “Au se dangada Ssuu ne haanau i Tarsus o Cilicia. Au ne agoago i daho Gamaliel i de aduhale nei, gai ne agoagona danuaa i dahulinga hai ngadaa o hainga a odaadeu dubuna madagidagi. Au ne lodo mmahi i de hai hegau a de Maadua, bei oodou dagodo anailaa nei.

Acts 22:3 Referans Kwoze

Acts 26:5

Gai gu daulooloa donu delaadeu iloo, gai e maua donu e gilaadeu de tala hagadonu adu ogu dagodo, bolo au se Pharisee e dau ange gi de hagabuulinga e kona laa alaadeu hainga ange gi amaadeu hai daumaha.

Acts 9:11

Gai Tagi Maolunga ga hai ange gi de ia, “Hidi age hannoo i de haiava e hagaingoo ange laa go de Haiava Soe, gai koe ga hano gi de hale o Judas ga ssili be i hee taane mai i Tarsus dono ingoo laa go Saul; ia e noho ma e dalodalo.

Acts 5:34

Aagai e dahi Pharisee i magavaa o de hagabuulinga hagasaele laa, dono ingoo go Gamaliel, ia se dangada e agoagona de hainga ma de hagadubu i daho dangada alodahi, ia ne duu age ga hai gi hulo de gau tala gi duaahaho i dahi damaa masavaa,

Acts 21:39

Paul ne hai ange, “Au se dangada Ssuu mai i Tarsus i Cilicia, gai se dangada niio dahi aduhale dau. Au e dangidangi adu, dugua mai e basa ange au gi dangada.”

Acts 21:20

Gai ga langona huu e gilaadeu de mee laa, gai gilaadeu ga tuhi de Maadua. Gai gilaadeu ga hai ange gi Paul: “Taina, koe e gidee bolo gu soa de gau Ssuu ne hagadonusia, gai gilaadeu alodahi e mmahi hogi i de daohi denga hainga.

2 Corinthians 11:22

Noo gilaadeu ni dangada Hebrew, gai au se dangada Hebrew hogi. Noo gilaadeu ni dangada Israel, gai ai se dangada Israel hogi. Noo gilaadeu ni hagadiilinga niio Abraham, gai au se hagadiilinga hogi niio Abraham.

Luke 10:39

Gai Martha e dahi ono daina hahine, dono ingoo go Mary. Mary ne humai ga noho i gaogao luu vae o Tagi Maolunga ga hagallongo ai ana agoago.

2 Kings 4:38

Gai Elisha ne ahe gi Gilgal, i de masavaa e onge ai honga de henua laa. Gai dahi hagabuulinga o denga pelaabisi ga loomai gi ono daha, gai ia ga hai ange gi dono dangada hai hegau, “Dugua ange de anibada laumalie gi honga de ahi mage haia dahi suba e gai de hagabuulingaa daane pelaabisi nei.”

Deuteronomy 33:3

Ni muna abodonu, koe e aloha i oo dangada; koe e daohi oo dangada dabu alodahi i doo lima. Gilaadeu alodahi e ino i gaogao luoo vae, ma de hagallongo muna mai i oo daha.

Romans 11:1

Gai au e ssili adu hogi: de Maadua gu tili laa donu ono dangada? E dee maua donu! Go hiidinga au donu se dangada Israel, go dahi hagadiilinga o Abraham, mai i de aamuli o Benjamin.

Acts 23:6

Gai ga iloo huu e Paul bolo hanu dangada i kilaa ni Sadducee, gai hanu ni Pharisee, gai ia ga hagaleo laumalie i mada i mua o de hagabuulinga hagasaele, ga hai ange, “Denga daina, au se Pharisee, gai se hagadiilinga niio denga Pharisee. Gai au gu hagamodu ogu muna i hiidinga dagu tali hagalodolodo ange gi de mouli age o de gau maakau.”

Acts 6:9

Gai hanu dangada o synagogue e hagaingoo ange laa go synagogue o de gau ilaage, ma de gau Cyrene, ma de gau Alexandria, ma dangada mai i Cilicia aama Asia, ne hagadaumee ange gi Stephen.

2 Samuel 21:2

Gai de hodooligi ga hagahi de gau Gibeon gi loomai gi ono daha. (De gau Gibeon e dee ni dangada Israel, aagai ni dangada e doe mai i de gau Amor. Gai de gau Israel ne hagatoo donu bolo gilaadeu e dee daa gi maakau de gau Gibeon, aagai a Saul ne hagatale de daa gilaadeu gi odi, i hiidinga dono lodo mmahi i de bale ange Israel ma Judah.)

Galatians 1:21

Dua mee laa gai au ne hano gi Syria ma Cilicia.

Galatians 1:14

Gai au ne kii ange donu dogu hagammahi i denga hai daumaha a de gau Ssuu i ogu soa ange laa, ma de daudali i tahulinga a odaadeu damana madagidagi.

Acts 23:34

Gai ga lava huu i de dau a de goobenaa de leda laa, gai ia ga ssili ange gi a Paul bee hee donu ungaamee ne humai ai. Gai ga iloo huu e ia bolo a Paul se dangada mai i Cilicia,

Acts 15:41

Gai a Paul ne hagadaga i Syria ma Cilicia ga hagammahi ange ai denga nohoanga dabu i kilaa.

Acts 15:23

ma de sisi dahi leda ga hai ange: “Gimaadeu de gau tala ma denga dagi aama denga daina i kinei e gaavadu demaadeu hagaboo gi goodou denga daina i kinaa, go denga Gentile e nnoho laa i Antioch ma Syria aama Cilicia.

Acts 11:25

Gai Barnabas ne hano gi Tarsus ga ssala ai a Saul,

Acts 9:30

Gai ga iloo huu e denga daina i kilaa, gai gilaadeu ga kave ia gi Caesarea, ga hai ia gi hano gi Tarsus.

Luke 8:35

Aagai dangada ne loomai e tilo mee gu hai laa, gai ga tae mai huu gilaadeu gi daho Iesu, gai gilaadeu gu gidee taane ne ssao mai laa denga hagasaalunga baubau i ono daha gu noho i gaogao luu vae o Iesu, ia gu gahu gai gu dee libolibo ange, gai gilaadeu gu maatagu.

Luke 2:46

Gai dua huu e dolu laangi, gai gilaau gu gidee ia i lo te buibui o de temple, ia e noho i daho de gau agoago o de hainga, ma e hagallongo ai alaadeu agoago, aama de ssili ange ana muna gi gilaadeu.

Acts 9:1

Aagai a Saul goi duudagi huu de hagamaatagu ma de daa gi maakau gilaadeu e hagadonusia Tagi Maolunga. Gai ia ne hano gi daho tangada haimeedabu maolunga,

Acts 26:9

Au ne hagadonusia hogi bolo au e hai mee alodahi aagu e mau e hai baasi ange ai gi de ingoo o Iesu taane Nazareth.