Acts 21:14 - De Beebaa Dabu

¹⁴ Gai ga dee maua huu e gimaadeu i de sui dana maanadu, gai gimaadeu ga hai ange, “Tagi Maolunga gi haia gi bei ono lodo!”

Acts 21:14 Referans Kwoze

Luke 22:42

ga hai ange, “Tamana, noo koe e lodo, gai gaavee gee de ubu nei mai i ogu daha. Aagai e dee go ogu lodo e hai, gai go oo lodo.”

Matthew 26:42

Gai ia ne ahe ange hogi ga dalodalo i de lua hanonga, ga hai ange, “Dogu Damana, noo e dee maua i de kave gee de ubu nei gai au e unu ai donu, gai haia gi bei oo lodo.”

Matthew 26:39

Gai ia ne damaa hanadu ange ga hagabaguu gi lalo ga hagabaa luoono mada gi honga de gelegele ga dalodalo, ga hai ange, “Dogu Damana, noo e maua, gai gaavee gee de ubu nei mai i ogu daha; aagai e dee go ogu lodo e hai, gai go oo lodo.”

Matthew 6:10

gi humai doo nohoanga hodooligi; gai gi hai oo lodo i henua i lalo, bei de hai e hai ai laa i de langi.

2 Kings 20:19

Gai Hezekiah ga hai ange gi Isaiah, “Muna a Tagi Maolunga aau gu tala mai naa e danuaa donu.” Go hiidinga Hezekiah ne maanadu, “E dee beaha donu, noo au e noho baba i de masavaa oogu e mouli ai.”

Luke 11:2

Iesu ne hai ange gi gilaadeu, “De masavaa naa huu oodou e dalodalo ai, gai goodou ga hai ange: ‘Tamana, gi dabu doo ingoo; gi humai doo nohoanga hodooligi.

1 Samuel 3:18

Gai Samuel ne tala ange mee alodahi gi de ia, teai donu sana mee daudahi ne hagammuni i de ia. Gai Eli ga hai ange, “Go ia Tagi Maolunga; ia gi haia be se aha aana e gidee bolo e danuaa.”

Genesis 43:14

Gai de Maadua Mmahi Mmao laa gi lodo aloha adu gi goodou, i mada i mua o taane laa, gai ia gi dugu adu doodou daina daane ange laa ma Benjamin gi aahe mai madali goodou. Gai noo au gu hinangalosaa i teai agu dama, gai au gu hinangalosaa.”

Ruth 1:18

Gai ga gidee huu e Naomi bolo a Ruth gu baba donu dana maanadu e hano madali ia, gai ia gu dee basa ange ai loo gi de ia.