Acts 20:35 - De Beebaa Dabu

³⁵ Au ne hagaago adu gi goodou i mee alodahi bolo e heohi doodou hai hegau ga bale ai hogi gilaadeu e baageaa, ma de hagamaanadu muna a Tagi Maolunga go Iesu ne hagadaba ai laa, ‘E kii ange de laumalie de manuuia i de ngadi gaavange i taadeu kave dahi mee.’ ”

Acts 20:35 Referans Kwoze

Hebrews 13:16

Goodou gi dee ngalo de hai tanuaa ma de ngadi gaavange mee gi dangada, go hiidinga aanei denga hagadaagangaa sigidaumaha o de Maadua e malangilangi ai.

Proverbs 19:17

Be goai e abodonu ange gi de gau hagaau aloha, e gaavange ana mee gi Tagi Maolunga, gai Tagi Maolunga e hagao ange naa donu ana hegau.

Matthew 10:8

Gai goodou ga hagaieiangi magi, ga hagamouli age gilaadeu gu maakau, ma de hagaieiangi denga lebelaa, ma de hai gi hulo denga hagasaalunga baubau. Goodou tee hagao mee gu gaavadu naa gi goodou, deenei ai, goodou ngadi gaavange hogi gi dangada.

2 Corinthians 8:9

Gai goodou gu iloo dagodo de abodonu o Iesu Klisdo taadeu Dagi Maolunga, ia e lava mmao, gai ia ne hai gi se dangada hagaau aloha i oodou hiidinga, gi maua ai e goodou i de hai gi ni dangada e lava i dono hagaau aloha.

1 Thessalonians 5:14

Denga daina, gimaadeu e dangidangi adu goodou gi agoagona ange gilaadeu e vaiduu, ma de hagaaneane ange gilaadeu e daemaha olaadeu lodo, aama de bale ange gilaadeu e baageaa, gai golomagi ina oodou lodo i dangada alodahi.

Romans 15:1

Gidaadeu e mmahi laa i de gai gi golomagi ina odaadeu lodo i gilaadeu e baageaa, gai gi dee hagamalangilangi ina donu huu gidaadeu.

Acts 20:27

go hiidinga au tee hagammuni donu dahi mee i goodou, gai ne tala adu gi goodou lodo alodahi o de Maadua.

Isaiah 35:3

Hagammahi ina oodou lima gu ngadi daudau naa, gai hagammahi ina oodou duli gu baageaa naa;

Hebrews 13:3

Goodou manadua gilaadeu e nnoho i lodo hale pono, e dagodo be go goodou e nnoho donu madali gilaadeu i lo te hale pono, ma gilaadeu e vaivai haia, e dagodo be go goodou donu e vaivai haia.

Ephesians 4:28

Tangada gaiaa gi dee gaiaa, aagai ia gi hai hegau, ma de hai mee danuaa i luoono lima, gi maua ai e ia i de bale ange gilaadeu e duasala.

Acts 20:20

Gai au tee hagammuni donu dahi mee, gai ne agoago adu goodou i mee e haigamaiana adu gi goodou, ma de agoago adu goodou i de mommee iai dangada soa aama oodou hale,

Isaiah 32:8

Aagai tangada abodonu e hai denga hagatau abodonu; gai ia e duudagi de abodonu.

2 Corinthians 12:13

Gai se aha aagu tee hai adu laa gi goodou, gai ne hai ange donu huu gi denga nohoanga dabu ange laa? De mee donu huu aagu tee hai, go tee hai goodou gi balea mai au i hanu sseene. Gai goodou ga degi mai ai i dogu dee heohi!

2 Corinthians 11:9

Gai de masavaa oogu ne duasala ai i dogu noho i oodou daha, gai au tee hagahai ngadaa donu dahi goodou, gai go denga daina ne loomai laa i Macedonia ne balea mai au i mee alodahi oogu ne duasala ai. Deenei ai, au ne hagamade donu i mua ma iainei gi dee hagahai ngadaa ina e au dahi goodou i dahi mee.

1 Thessalonians 4:11

Aagai goodou haia gi dee lagolago oodou muna e tala; gai kana iho mage diiloo oodou dagodo aama de hai hegau bei demaadeu hai gu agoago adu ai goodou.

2 Corinthians 11:12

Gai au e duudagi naa donu huu de hai agu mee e hai nei, e hai ai gi dee maua e gilaadeu e llodo naa e tala bolo alaadeu hegau e bei donu amaadeu hegau e hai nei.

1 Corinthians 9:12

Noo de gau ange laa e dahi olaadeu heohi e kave ai de bale mai i oodou daha, gai e aha, e dee kii gimaadeu i de dahi omaadeu heohi e kave ai de bale mai i oodou daha? Gai gimaadeu tee hai donu de mee nei. Aagai ne golomagi omaadeu lodo gi dee buibuia ai e gimaadeu de longo danuaa o Klisdo.

Acts 20:34

Gai goodou e iloo bolo au ne hai hegau i luoogu lima ga hagadanuaa ai au aama dangada madali au.

Acts 20:36

Aagai ga lava huu i dana tala ange muna laa gi gilaadeu, gai ia ga duuduli ga dalodalo madali gilaadeu alodahi.

3 John 1:7

Gilaadeu ne hulo i hiidinga de ingoo o Klisdo, gai gilaadeu tee kave donu dahi bale mai i daho denga Gentile.