Acts 2:46 - De Beebaa Dabu

⁴⁶ Laangi alodahi gilaadeu e hagabuni i de temple i de lodo daudahi, ma de hagabuni ga gaimee i olaadeu hale ma de malangilangi aama de hagadau abodonu,

Acts 2:46 Referans Kwoze

Acts 5:42

Gai gilaadeu tee helui donu delaadeu agoago ma de tala i de temple aama hale o dangada bolo Iesu go de Klisdo donu.

Acts 2:42

Gai gilaadeu nei ne hagaduu ngae ga daudali i agoago a de gau tala ma de hagabuni madali gilaadeu ga gaimee ma de dalodalo.

Acts 20:7

Aagai tahi laangi o de uvigi, gai gimaadeu ne hagabuni ga gaimee. Gai Paul ne agoago dangada ga dae ai gi lo te boo, go hiidinga ia ne maanadu bolo gimaadeu e malanga i de laangi i ono dua.

Psalm 86:11

Tagi Maolunga, agoagona mai au i oo lodo, gai au ga seesee ai i de muna abodonu; haia gi madagu au i de goe i ogu lodo alodahi.

2 Corinthians 1:12

Gai deenei demaau mee e tala tuhi ai, ma de tala hagadonu o tagi i omaau lodo: bolo gimaau ne hai hegau i de mee heohi i henua i lalo ma adu hogi gi goodou, i de lodo se muna abodonu, gai e dee se mee ne hai i de heiangi o henua i lalo, aagai mai i de abodonu o de Maadua.

Acts 16:34

Ia ne kave hogi gilaau gi dono hale, ga haangai gilaau. Aagai ia ma dangada alodahi i dono hale gu malangilangi, go hiidinga gilaadeu gu hagadonusia de Maadua.

Colossians 3:22

De gau hai hegau, goodou hagallongo ange gi oodou dangada aamua i mee alodahi. Gai goodou gi dee hagallongo ange donu huu i de masavaa alaadeu e gidee ai goodou, gi malangilangi ai gilaadeu i goodou, aagai goodou hai hegau i de lodo se muna abodonu i doodou maatagu i Tagi Maolunga.

Romans 12:8

tangada e hagammahi ina lodo o dangada, gi hagammahi ina ange lodo o dangada; tangada e ngadi gaavange mee, gi lodo mmahi i de ngadi gaavange mee; tangada se dagi gi hagaduu ngae gi dagina; gai tangada e abodonu ange laa gi dangada, gi abodonu ange gi dangada i de malangilangi.

Nehemiah 8:10

Gai ia ne hai ange gi gilaadeu, “Goodou hulo gaina gai moomuna ma de unu uvaini maimai, ma de duha ange gai gi gilaadeu tigi ai alaadeu mee gu hagadabena, go hiidinga anailaa nei se laangi e dabu ange gi taadeu Ia Aamua. Goodou aude llodo baubau, go hiidinga de malangilangi o Tagi Maolunga e hagammahi goodou.”

Luke 24:53

Gai gilaadeu ne duudagi de nnoho i de temple ga tuhi ai de Maadua.

Ecclesiastes 9:7

Hannoo, gaina au gai ga malangilangi, ma de unu au uvaini ga lodo danuaa, go hiidinga de Maadua e malangilangi i dau hai mee nei.

Deuteronomy 16:11

Gai goodou ga hai ai taonga ma de malangilangi i mada luu mada o Tagi Maolunga doodou Maadua; go goodou alodahi ma oodou dama daane, ma oodou damaa hine, ma oodou daane ma haahine hai hegau, madali de aamuli o Levi i doodou aduhale, ma de gau henua gee, ma denga gauligi e deai olaadeu damana, aama haahine gu maakau olaadeu bodu, i de mommee a Tagi Maolunga doodou Maadua ne hili e dugu ai dono ingoo.

2 Corinthians 11:3

Aagai au e manavasaa kana hagasengalia goodou, bei de hai a de labodo ne daahanga ai laa Eve i dono heiangi vaivai dagodo, gai oodou lodo abodonu ma de gilimalali ga daahuli gee i Klisdo.

Acts 5:21

Gai ga langona huu e gilaadeu muna laa, gai gilaadeu ga hulo ga ulu gi lo te buibui o de temple i de ao de mee ga agoago ai. Aagai ga dae mai huu tangada haimeedabu maolunga ma gilaadeu alodahi madali ia, gai gilaadeu ga hagahi de hagabuulinga hagasaele, go de hagabuulinga o dagi o de gau Israel, ga hai hanu gi hulo gi gaamai de gau tala i de hale pono.

Acts 3:1

Dahi laangi gai Peter ma John ne hulo gi de temple i de daa tolu i muli de hualaangi, go de masavaa e dalodalo ai.

Luke 24:30

De masavaa oona ne nnoho ange ai e gaimee madali gilaau, gai Iesu ga poo mai dahi pelaoaa, ga hagaahe ange de abodonu, gai ia ga dohidohi ga gaavange gi gilaau.

Matthew 6:22

“De ganomada go de laama donu o de angaanga. Deenei ai, noo e danuaa luoo ganomada, gai doo angaanga alodahi e maalama;

Deuteronomy 12:12

Gai goodou ga malangilangi ai i mada luu mada o Tagi Maolunga doodou Maadua, madali oodou dama daane ma oodou damaa hine, ma oodou daane ma haahine hai hegau, ma dangada de aamuli o Levi i oodou aduhale, teai laa se mommee ne vvae ange gi gilaadeu madali goodou.

Ephesians 6:5

De gau hai hegau, goodou hagallongo ange gi oodou dangada aamua i henua i lalo nei, i de maatagu ma de bolebole, i de lodo se muna abodonu, bei doodou hagallongo ange gi Klisdo.

Luke 11:41

Aagai goodou ngadi gaavange mee i lodo oodou ubu gi de gau hagaau aloha, gai tilo, mee alodahi e odi naa i de gilimalali adu gi goodou.

Deuteronomy 12:7

Gai go kilaa oodou ma oodou huaabodu e gaimee ai i mee oodou e sigidaumaha ai, i mada luu mada o Tagi Maolunga doodou Maadua, ga malangilangi ai i oodou mee gu hai hegau ange aagena, go hiidinga Tagi Maolunga doodou Maadua gu hagamanuuia goodou.

1 Corinthians 10:16

E aha, de ubu adaadeu e hagaahe ange ai nei de abodonu, e dee go taadeu hagadau kave dodo o Klisdo? Gai e aha, de pelaoaa adaadeu e dohidohi nei, e dee go taadeu hagadau kave de angaanga o Klisdo?