Acts 2:32 - De Beebaa Dabu

³² Deenei Iesu a de Maadua ne hagamouli age laa, gai gimaadeu alodahi e tala hagadonu mee nei.

Acts 2:32 Referans Kwoze

Acts 3:15

Goodou ne daa ga magau Tagi o de mouli, gai de Maadua ne hagamouli age ia mai i de magau. Gai gimaadeu ni dangada e daalaa hagadonu dagodo o mee nei.

Acts 1:8

Aagai goodou e kave naa ssauaa i dua de hano iho o de Hagasaalunga Dabu gi oodou elunga; gai goodou e hai naa ga ni dangada e daalaa hagadonu ogu dagodo i Jerusalem, ma Judea alodahi, aama Samaria, ga dae ai loo gi de bido laa o henua i lalo.”

Acts 4:33

Gai de gau tala ne duudagi de tala hagadonu dagodo de mouli age o Tagi Maolunga go Iesu i ssauaa laumalie. Gai de abodonu laumalie o de Maadua gu dagodo i olaadeu daha alodahi.

Acts 1:22

mai i de masavaa a John ne babudaisi ai ga dae ai gi de laangi o Iesu ne gaavee gee ai i odaadeu daha ga gaavage gi lunga — dahi gilaadeu nei e hai gi se dangada e daalaa hagadonu dagodo o dono mouli age madali gidaadeu.”

Acts 2:24

Aagai de Maadua gu hagamouli age hogi ia ma de hagaola ia mai i ssauaa o de magau, go hiidinga de magau e dee maua donu i de daohi ia.

John 15:27

Gai goodou ga tala hagadonu ai hogi ogu dagodo, go hiidinga goodou gu nnoho mai huu madali au i taamada.

Acts 3:26

De masavaa a de Maadua ne hagamouli age ai dono dangada hai hegau, gai ia ne hai ia gi humai gi goodou i mua e hagamanuuia ai goodou, gai ia ga hai ai gi hulo gee goodou alodahi i oodou hegau baubau.”

Acts 4:10

gai goodou alodahi i kinei aama dangada o Israel alodahi gi iloo bolo taane nei ne hagaieiangi i de ingoo o Iesu Klisdo taane Nazareth. Deenei taane oodou ne daudau laa i de laagau lui, gai de Maadua ne hagamouli age ia mai i de magau.

Acts 5:30

De Maadua o odaadeu dubuna madagidagi gu hagamouli age Iesu, de ia oodou ne daa laa ga daudau i de laagau lui.

Acts 13:30

Aagai de Maadua ne hagamouli age ia mai i de magau;

Acts 13:33

ia gu hagassula donu i odaadeu daha, denga dama, i dana hagamouli age Iesu. Bei de hai gu sisi ai laa i de lua Psalm: ‘Go koe dagu Dama Daane; anailaa nei gai go au doo Damana.’

Acts 17:31

Go hiidinga ia gu hagatau dahi laangi e hagamodu ai muna o dangada i henua i lalo i de heohi, i daho tangada aana gu hili. Ia ne hagadonu de mee nei i madamada o dangada i dana hagamouli age ia i de magau.”

1 Corinthians 6:14

De Maadua ne hagamouli ina age laa Tagi Maolunga, e hagamouli age naa hogi gidaadeu i dono sauaa.

1 Corinthians 15:15

Gai e bei ai hogi, gimaadeu gu hadu muna donu, i demaadeu tala hagadonu dagodo o Maadua, go hiidinga gimaadeu gu tala hagadonu bolo de Maadua ne hagamouli age Klisdo i de magau. Aagai ia tee hagamouli age donu ia, noo se muna abodonu bolo de gau maakau e dee mouli age donu.

2 Corinthians 4:14

go hiidinga gimaadeu e iloo bolo de Maadua ne hagamouli age laa Tagi Maolunga go Iesu, e hagamouli age naa hogi gimaadeu madali Iesu, ga hagaago ange gimaadeu madali goodou i mada luoono mada.

Galatians 1:1

Mai i daho Paul, dahi dangada tala — tee hili laa i daho dangada aabe go ssauaa o dangada, aagai ne hili i daho Iesu Klisdo ma de Maadua Tamana, ne hagamouli ina age laa Iesu i de magau,

Ephesians 1:20

aana ne hagahai hegau laa i dana masavaa ne hagamouli age ai Klisdo i de magau, ga haganoho ia i dono baasi madau i denga mommee i de langi,

Colossians 2:12

Gai de masavaa oodou ne babudaisi ai gai e bei goodou gu maakau ma de danu madali Klisdo, aagai gu mouli age ange hogi i doodou kai ange gi ssauaa o de Maadua, go de ia ne hagamouli ina age Klisdo i de magau.

Hebrews 13:20

De Maadua o de baba, go de ia ne hagamouli ina Iesu taadeu Dagi Maolunga, de Ia Hagaloosi Maolunga o denga ssiibi, i dodo o de hagatoo donu hagaheloongoi e deai laa se ngado mai,

1 Peter 1:21

Gai go ono hiidinga oodou ne hagadonusia ai de Maadua, de ia ne hagamouli ina age ia mai i de magau ga hagamahamaha ia; deenei ai, tagelo o oodou kai ma oodou tali hagalodolodo go de Maadua.