Acts 2:30 - De Beebaa Dabu

³⁰ Gai ia se pelaabisi, deenei ai, ia ne iloo bolo de Maadua gu lava i de hagatoo donu bolo ia e hai naa dahi dangada mai i dono aamuli gi noho i honga dono nohoanga hodooligi.

Acts 2:30 Referans Kwoze

2 Samuel 23:2

De Hagasaalunga o Tagi Maolunga ne hai au gi daalaa ana muna; gai ana muna e daakodo i lo togu ngudu.

2 Peter 1:21

Go hiidinga teai donu se muna pelaabisi ne daamada mai i daho tangada aabe go lodo donu huu o tangada, aagai go de Hagasaalunga Dabu ne hagangaalue ina lodo o dangada, gai gilaadeu ga tala muna mai i daho de Maadua.

2 Timothy 2:8

Manadua dagodo o Iesu Klisdo, ia ne mouli age mai i de magau, gai se hagadiilinga niio David, bei de hai gu tala ai i de longo danuaa oogu e agoago ai nei.

Romans 1:3

go de longo danuaa e tala ai laa dagodo o dana Dama Daane, gai ne haanau mai i de aamuli o David,

Mark 12:36

Gai David ne hagadaba hogi, i ssauaa o de Hagasaalunga Dabu, ‘Tagi Maolunga ne hai ange gi dogu Ia Aamua: Noho i dogu baasi madau ga dae ai gi dagu hai oo hagadaumee gi nnoho i oo lalo.’

Revelation 19:16

Gai honga dono malo ma honga dono dege e sisi ange aagena de ingoo nei: “De Hodooligi o denga hodooligi ma Tagi Maolunga o denga dagi”.

Revelation 17:14

Gai gilaadeu e hulo naa ga hebagi ange gi Ssiibi Gauligi, aagai Ssiibi Gauligi e hagadee kii naa gilaadeu, go hiidinga go ia Tagi Maolunga o denga dagi, ma de Hodooligi o denga hodooligi. Gai dangada madali ia gu lava i de hagahi, ma de hili, gai gilaadeu e hai hegau i de mee abodonu.”

Hebrews 7:21

Aagai taane nei ne hai ga se dangada haimeedabu i dahi hagatoo donu soe, i hiidinga o de ia ne hai ange laa gi de ia: “Tagi Maolunga gu hagatoo donu gai e dee sui naa donu dana maanadu, ‘Koe se dangada haimeedabu ga hano ai.’ ”

Hebrews 6:17

Gai e bei ai hogi, de masavaa a de Maadua ne lodo ai e hagaago ange gi gilaadeu aana gu hagatoo donu ange aagena, bolo dana hagatoo donu e dee sui donu, gai ia ne hagadonu de mee nei i dahi hagatoo donu soe,

Hebrews 4:7

Gai de Maadua gu hagailonga hogi dahi laangi, ma gu hagaingoo ange go “anailaa nei”. Ia ne hagadaba hogi i daho David i muli mai, bei muna gu lava laa i de tala, “Anailaa nei, noo goodou gu langona dono leo, aagai goodou gi dee hagamakaga ina oodou lodo.”

Hebrews 3:7

Deenei ai, e hagadaba de Hagasaalunga Dabu, “Anailaa nei, noo goodou gu langona dono leo,

Romans 15:12

Gai Isaiah gu hagadaba hogi, “De mogobuna o Jesse e humai naa, ia e hanage naa ga dagi denga Gentile; gai go ia de tali hagalodolodo a denga Gentile.”

Acts 1:16

“Denga daina, muna a de Beebaa Dabu gu hai donu ma gu bei, aanei muna a de Hagasaalunga Dabu gu tala i daho David madagidagi, i dagodo o Judas, taane ne dagina mai dangada ne boogia Iesu.

Luke 24:44

Iesu ne hai ange hogi gi gilaadeu, “Aanei agu muna gu lava laa i de tala adu gi goodou i de masavaa oogu nogo noho ai i oodou daha: mee alodahi gu sisi ai ogu dagodo i hainga a Moses ma denga pelaabisi aama denga Psalm e hagassula naa donu.”

Matthew 27:35

Gai ga lava huu i delaadeu daudau ia, gai gilaadeu ga dada ga duha ai ono malo i olaadeu magavaa.

Matthew 22:43

Iesu ne ssili ange hogi gi gilaadeu, “Gai gu aha David gu hagahi ange ai laa ia go ‘de Ia Aamua’, i ssauaa o de Hagasaalunga ⌊Dabu⌋? Ia ne hagadaba,

Micah 5:2

Aagai koe, Bethlehem Ephrathah, koe e damaa mee ange i denga aamuli o Judah, aagai dahi dagi e sula age naa i oo daha, ia e dagi naa i Israel, gai ia ne daamada mai huu i denga masavaa gu hulo, gai ne daamada mai loo madagidagi.

Isaiah 7:14

Deenei ai, de Ia Aamua e gaavadu naa gi goodou dahi hagailonga. Tilo, dahi bua moe e hai dama naa ga haanau dahi dama daane, gai ia e hagaingoo ange naa ia go Immanuel.

Jeremiah 30:9

Aagai gilaadeu e hai hegau ange naa gi Tagi Maolunga delaadeu Maadua, ma delaadeu hodooligi go David, go de ia aagu e gaamai e hai ai delaadeu hodooligi.

Hebrews 1:1

Madagidagi gai de Maadua ne basa ange gi odaadeu dubuna i daho denga pelaabisi, i hanonga lagolago ma hagadagodo lagolago,