Acts 2:27 - De Beebaa Dabu

²⁷ Go hiidinga koe e dee tili naa donu au i de mommee o de gau maakau, be e dugu ange de angaanga o dau Ia Dabu gi bobo.

Acts 2:27 Referans Kwoze

Psalm 16:10

Go hiidinga koe e dee tili donu au i de mommee o de gau maakau, aabe dugu ange dau ia dabu gi gidee de geelonga laa.

Acts 2:31

David ne gidee i mua gai ia ga tala dagodo o de mouli age o de Klisdo, ga hagadaba, bolo ia tee tili donu huu i de mommee o de gau maakau, aabe ne dugu dono angaanga gi bobo.

Revelation 1:18

go au de ia e mouli laa; au ne magau, gai tilo, au gu mouli ga hano ai e dee ngado mai! Gai go au e daohia de gii o de magau aama de mommee o de gau maakau.

Revelation 20:13

Gai gu mouli age de gau maakau i lo te dai, gai gu mouli age hogi de gau maakau i de mommee o de Magau ma Hades, gai gu hagamodu olaadeu muna, gi bei dagodo o alaadeu hegau ne hai.

1 Corinthians 15:55

“De magau, i hee iai doo kii? De magau, i hee iai doo sauaa e hagammae ai?”

1 Corinthians 15:52

i dahi masavaa bodobodo, bei de daba o de ganomada, i de masavaa e ili ai de trumpet hagaodi. Gai de trumpet e ili naa donu, gai de gau maakau e mouli age naa donu, gu dee maua ange gi maakau, gai gidaadeu e sui naa donu.

John 11:39

Iesu ne hai ange, “Aaua gee de hadu.” Gai Martha, taina hahine o taane gu magau laa, ga hai ange gi de ia, “Tagi Maolunga, iainei gai de angaanga gu pilo donu, go hiidinga gu haa laangi ne dagodo ai i kilaa.”

Psalm 86:13

Go hiidinga oo abodonu mai gi de au e laumalie mmao; koe gu hagaola mai au i lo te mommee gelo iai de gau maakau.

Revelation 3:7

“Gai siia ange muna nei gi tangada de langi o de nohoanga dabu i Philadelphia: Aanei muna a de ia dabu laa, go de ia e hai hegau laa i de muna abodonu, go de ia e daohia de gii a David; dana mee e hhuge e deai donu e maua i de pono, gai dana mee e pono e deai donu e maua i de hhuge.

1 John 2:20

Aagai doodou hagadabu i de lolo se mee mai i daho de Ia Dabu laa, gai goodou alodahi gu iloo donu de muna abodonu.

Luke 4:34

“Ni aha oou e lodo ai i omaadeu daha, Iesu tangada Nazareth? Koe ga humai naa e daa gimaadeu gi maakau? Au e iloo be go koe goai: koe go de Ia Dabu a de Maadua!”

Luke 1:35

Tangada de langi laa ne hai ange gi de ia, “De Hagasaalunga Dabu e humai naa gi oo elunga, gai ssauaa o de Ia Maolunga Mmao laa e haoli naa goe. Deelaa ai, Tama e haanau mai i oo daha e hagabinga naa bolo e dabu, go Tama Daane a de Maadua.

Mark 1:24

“Ni aha oou e lodo ai i omaadeu daha, Iesu tangada Nazareth? Koe e humai naa e daa gimaadeu gi maakau? Au e iloo be go koe goai: koe go de Ia Dabu a de Maadua!”

Matthew 11:23

Gai koe, Capernaum, koe e hai naa gi maolunga goe bei de maolunga o de langi? Gai koe e tili iho naa donu gi Hades! Go hiidinga noo denga sauaa ne hai i oo daha ne hai i Sodom, gai goi duu donu huu ga dae mai ai gi anailaa nei.

Jonah 2:6

Au ne abulu ga baa i de tagelo o denga mounga, gelegele i tagelo o de moana gu daohi au ga hano ai; gai koe, Tagi Maolunga dogu Maadua, ne hagaola dogu mouli mai i de mommee o de magau.

Psalm 116:3

Denga daula o de magau gu vini au; de hagaduasala o de magau gu haoli au; gai au gu dee baba ma de manavasaa.

Psalm 89:19

Madagidagi gai koe ne hai ange gi oo dangada dabu i de midi hagaago ange, “Au gu bale ange dahi daane dau i de hebagi; Au gu hagaamua dahi dama daane i magavaa o dangada.

Psalm 49:15

Aagai de Maadua e hagaola mai au i de mommee o de gau maakau, ia e kave naa au gi noho i ono daha. Selah

Acts 4:27

Ni muna abodonu, Herod ma Pontius Pilate, ma denga Gentile aama de gau Israel ne hagabuni i de aduhale nei, e hai baasi ange gi doo dangada hai hegau dabu go Iesu, go de ia aau gu hagadabu laa i de lolo.

Acts 3:14

Aagai goodou ne hagangadi mee de Ia Dabu ma de Ia Heohi laa, gai ne dangidangi ange gi hagasao ina mai gi goodou dahi daane daa dangada.

Luke 16:23

aagai ia ne galo age i lo te ahi, i de masavaa oona e hagammae ai, gai ia gu gidee Abraham i de mommee mmao ma Lazarus i dono gaogao.

Luke 24:44

Iesu ne hai ange hogi gi gilaadeu, “Aanei agu muna gu lava laa i de tala adu gi goodou i de masavaa oogu nogo noho ai i oodou daha: mee alodahi gu sisi ai ogu dagodo i hainga a Moses ma denga pelaabisi aama denga Psalm e hagassula naa donu.”

Acts 2:26

Deenei ai, ogu lodo gu malangilangi, gai dogu alelo gu tuhi; gai e dahi agu tali i de mouli nei.

Acts 2:28

Koe gu hagaago mai gi de au de haiava o de mouli, gai koe e hagamalangilangi au i doo noho madali au.’