Acts 2:25 - De Beebaa Dabu

²⁵ David ne tala dagodo o Tagi Maolunga, ga hagadaba, ‘Au ne gidee Tagi Maolunga i ogu mada i mua i masavaa alodahi. Go hiidinga ia e noho i dogu baasi madau, au e dee maua naa donu gi ngalungalue.

Acts 2:25 Referans Kwoze

Isaiah 41:13

Go hiidinga go au donu go Iahweh, doo Maadua, au e poo naa doo lima madau, ma de ga hai adu gi de goe, “Aude madagu, go au donu e balea adu goe.”

Psalm 62:6

Go ia dogu baba makaga ma dogu hagaola, go ia dogu mommee buibui makaga; au e dee ngalungalue donu.

Psalm 109:31

Ia e duu i de madau e bale ange ai tangada hagaaloha, e hagamouli ia mai i gilaadeu gu gaavange ia e daa gi magau.

Psalm 62:2

Go ia donu huu dogu baba makaga ma dogu hagaola; go ia dogu mommee buibui makaga; au e dee ngalungalue donu.

Psalm 110:5

De Ia Aamua e duu i doo baasi madau; ia e hagadee kii naa denga hodooligi i de laangi o dono lili.

Psalm 73:23

Aagai au e noho i oo daha ga hano ai; koe gi boogia dogu lima madau.

Psalm 30:6

De masavaa oogu e duadonu ai, gai au ne hagadaba, “Au e dee maua donu gi ngalungalue”.

Psalm 21:7

De hodooligi e hagadonu Tagi Maolunga, gai ia e dee baguu naa donu, i hiidinga o de lodo aloha o de Ia Maolunga Mmao laa e deai donu se helui.

John 16:32

E dae mai naa de aoaa, gai gu dae mai donu, de masavaa laa gai goodou e mavaevae saele naa, dahi ma dahi e ahe naa gi dono hale gai ga tili au. Gai au e dee daudahi donu, go hiidinga Tamana e noho madali au.

Luke 1:6

Gilaau ni dangada e heohi abodonu i mada luu mada o de Maadua, gai e honu delaau daudali i muna alodahi ma hainga a Tagi Maolunga gu hagasauaa.

Acts 2:26

Deenei ai, ogu lodo gu malangilangi, gai dogu alelo gu tuhi; gai e dahi agu tali i de mouli nei.