Acts 2:10 - De Beebaa Dabu

¹⁰ ma de gau Phrygia ma Pamphylia, ma de gau Egypt, ma dangada o hanu ungaamee o Libya e paa ange laa gi Cyrene; ma muna a dangada ne loomai i Rome

Acts 2:10 Referans Kwoze

Acts 16:6

Gai gilaadeu ne hagadaga hogi i mommee i Phrygia ma Galatia, go hiidinga de Hagasaalunga Dabu tee dugu ange gilaadeu gi agoago ina de longo danuaa i Asia.

Zechariah 8:23

E hagadaba Tagi o denga hagabuulinga hebagi: laangi laa gai e dinoangahulu naa dangada mai i denga huaahenua, e pasa laa i muna henua gee, e poo naa de malo laa daha o dahi dangada Ssuu, ga hai ange, ‘Gimaadeu e hulo madali goe, go hiidinga gimaadeu gu langona bolo de Maadua e noho i oo daha.’ ”

Acts 18:23

Dua dono noho i kilaa i hanu laangi, gai ia ne hano hogi laa Galatia ma Phrygia ga hagammahi ange ai lodo o dangada alodahi gu hagadonusia.

Acts 15:38

aagai a Paul ne maanadu bolo e dee danuaa delaau kave ia, go hiidinga ia ne tili gilaau i Pamphylia, tee noho madali gilaau ga dae ai gi de lava alaau hegau.

Acts 13:43

Gai de masavaa huu ne mavaevae ai dangada, gai de gau Ssuu ma denga Gentile soa gu daumaha ange laa gi de Maadua ne daudali ange i a Paul ma Barnabas, gai gilaau ga agoago ange gilaadeu ga hagammahi ange gilaadeu gi duudagi ina donu huu delaadeu seesee i de abodonu o de Maadua.

Acts 13:13

Gai a Paul ma ono soa ne dele mai i Paphos ga hulo gi Perga i Pamphylia, go kilaa o John ne hano gee ai i olaadeu daha ga ahe gi Jerusalem.

Zechariah 8:20

E hagadaba Tagi o denga hagabuulinga hebagi: “Denga huaahenua ma dangada e nnoho i aduhale lagolago e loomai naa;

2 Timothy 1:17

gai de masavaa oona ne dae mai ai gi Rome, gai ia ne hagammahi ga ssala gi gidee ia ngau.

Romans 1:15

Deenei ai, au gu lodo mmao hogi e agoago adu de longo danuaa gi goodou e nnoho i Rome.

Acts 27:5

Gai gimaadeu ne dele ga hulo laa gaogao o Cilicia ma Pamphylia ga hulo gu tae gi Myra i Lycia.

Acts 14:24

Aagai Paul ma Barnabas ne hagadaga i Pisidia ga hulo ai gi Pamphylia.

Acts 11:20

Gai hanu gilaadeu mai i Cyprus ma Cyrene, ne hulo hogi gi Antioch ga agoago ange ai de gau Greek de longo danuaa o Tagi Maolunga go Iesu.

Mark 15:21

Gai dahi daane mai i Cyrene ne humai i dahi mommee i tua de aduhale, dono ingoo go Simon, go tamana o Alexander ma Rufus; gai gilaadeu ne hai gi de mahi ia gi sabaia de laagau lui.

Matthew 27:32

Gai de masavaa huu olaadeu e ssao ai e hulo gi tua de aduhale, gai gilaadeu gu hedae ange gi dahi daane Cyrene, dono ingoo go Simon. Gai gilaadeu ga hai ia gi sabaia de laagau lui o Iesu.

Hosea 11:1

“De masavaa o Israel e gauligi ai, gai au ne aloha i de ia; au ne hagahi dagu dama ga hagasao mai ia i Egypt.

Daniel 11:43

Ia e dagi naa i mommee iai goolo ma selevaa hagamogomogo, ma goloa hagamogomogo alodahi o Egypt. Gai de gau Libya ma de gau Ethiopia e daudali ange naa i de ia.

Ezekiel 30:5

Ethiopia, ma Put, ma Lud, ma Arabia alodahi, ma Libya, aama dangada i denga henua o de hagatoo donu hagaheloongoi e daia naa ga maakau i de gadilaasa.

Jeremiah 46:9

Denga hoosa, goodou saavini! Denga hada hebagi, goodou hakemo! Gai daane dau o de hebagi gi seesee gi hulo; denga daane o Ethiopia ma Put e sabaia laa denga mee hungihungi, ma daane o Lydia e dilia laa denga mee hholu.

Genesis 12:10

Gai gu onge honga de henua, gai Abram ne hano gi Egypt ga noho ai, go hiidinga gu kona de laumalie de onge i honga de henua.

Revelation 11:8

ga tili olaau angaanga i honga de haiava o de aduhale e hagasengasenga ange laa gi Sodom ma Egypt, go de mommee o delaau Dagi Maolunga ne daudau ai i de laagau lui.

Romans 1:7

Ange gi dangada alodahi i Rome o de Maadua e aloha ai laa, gai gu hagahi e hai ai dangada o de Maadua: De abodonu ma de baba mai daho de Maadua taadeu Damana, aama mai i daho Tagi Maolunga go Iesu Klisdo gi dagodo i oodou daha.

Acts 28:15

Gai ga langona huu e denga daina bolo gimaadeu gu dai tae adu, gai gilaadeu ga loomai ga hedae mai gi gimaadeu i de Mommee Hagao Mee o Appius, ma denga Hale Gaainga e Dolu. Gai ga gidee huu e Paul gilaadeu, gai ia ga hagaahe ange de abodonu gi de Maadua, gai gu maamaane ono lodo.

Acts 18:2

Gai ia ne hedae ange gi dahi daane Ssuu, dono ingoo go Aquila, se daane mai i Pontus, gai gilaau ma dono bodu go Priscilla se goodo loomai donu huu i Italy, go hiidinga Claudius ne alualu de gau Ssuu alodahi gi hulo gee mai i Rome. Gai Paul ne hano ga hedae ange gi gilaau,

Acts 13:1

De masavaa laa gai e hanu pelaabisi ma dangada agoago i de nohoanga dabu o Antioch: go Barnabas, ma Simeon e hagaingoo ange laa hogi go Niger, ma Lucius taane Cyrene, ma Manaen (se dangada ne madua age madali Herod, de tetrarch), aama Saul.

Acts 6:9

Gai hanu dangada o synagogue e hagaingoo ange laa go synagogue o de gau ilaage, ma de gau Cyrene, ma de gau Alexandria, ma dangada mai i Cilicia aama Asia, ne hagadaumee ange gi Stephen.

Acts 6:5

Aagai dangada alodahi gu malangilangi i muna nei. Gai gilaadeu ga hili Stephen, ia se daane e honu i de gai ma de Hagasaalunga Dabu, madali a Philip, ma Procorus, ma Nicanor, ma Timon, ma Parmenas, ma Nicolaus taane Antioch gu daumaha laa bei de gau Ssuu.

Matthew 2:15

Gai ia ne noho i kilaa ga dae ai gi de magau o Herod. Mee nei ne hai e hagassula ai muna a Tagi Maolunga gu tala laa i daho de pelaabisi, e hagadaba, “Au ne hagahi dagu dama daane mai i Egypt.”

Jeremiah 9:26

go de gau Egypt, ma de gau Judah, ma de gau Edom, ma de gau Ammon, ma de gau Moab ma gilaadeu alodahi e nnoho i lodo henua, aama gilaadeu e dahi laa baasi o olaadeu biho. Go hiidinga denga huaahenua nei alodahi e dee tuu dagaholiage, gai e bei ai hogi de gau Israel alodahi, gilaadeu e dee tuu dagaholiage olaadeu lodo.”

Esther 8:17

Gai de gau Ssuu e nnoho laa i denga vaaenga ma denga aduhale alodahi ne kave laa aagena de hagailoo a de hodooligi, gu llodo danuaa ma de malangilangi, gai gilaadeu ga daonga ma de malangilangi. Gai dangada soa o de henua laa gu hai gi ni dangada Ssuu, i hiidinga gilaadeu gu maatagu i de gau Ssuu.

Acts 23:11

De boo laa, gai Tagi Maolunga ne duu i gaogao o Paul, ga hai ange gi de ia, “Koe gi lo taane! Koe e tala hagadonu naa hogi ogu dagodo i Rome, bei dau hai gu tala hagadonu ai naa ogu dagodo i Jerusalem.”

Matthew 23:15

E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e hulo gi mommee mmao i henua i lalo e hai ai dahi dangada gi daudali adu i goodou, gai goodou ga hai ia gi kii ange se dangada e baba ange gi de ahi i goodou.

Acts 2:11

(go de gau Ssuu ma denga Gentile alodahi gu dau laa i taumaha a de gau Ssuu); ma muna a de gau Crete, aama de gau Arab — gidaadeu e langona delaadeu tala dagodo o hegau hagalele mouli a de Maadua ne hai i amaadeu muna donu.”

Acts 17:21

(Gai de gau Athens ma de gau henua gee e nnoho laa i kilaa e deai donu alaadeu hegau e hai, aagai gilaadeu e hagabuni donu huu ma e madaangudu i longo ma de hagallongo mee hoou alaadeu gu langona.)