Acts 18:9 - De Beebaa Dabu

⁹ Gai Tagi Maolunga ne hai ange gi a Paul i de midi hagaago ange i dahi boo, “Aude madagu donu, aagai koe duudagina ina de agoago, aude hagapunidia doo ngudu;

Acts 18:9 Referans Kwoze

Acts 23:11

De boo laa, gai Tagi Maolunga ne duu i gaogao o Paul, ga hai ange gi de ia, “Koe gi lo taane! Koe e tala hagadonu naa hogi ogu dagodo i Rome, bei dau hai gu tala hagadonu ai naa ogu dagodo i Jerusalem.”

Acts 16:9

De boo laa gai Paul ne hai dahi midi hagaago ange; ia ne gidee dahi dangada Macedonia e duu ma e dangidangi ange gi de ia ma e hai ange, “Humai gi Macedonia balea mai ai gimaadeu.”

1 Thessalonians 2:2

Gai goodou ne iloo hogi dagodo o demaadeu vaivai haia aama de hagadookaa ina i Philippi i mua demaadeu loadu gi oodou daha. Gai de Maadua ne gaamai gi gimaadeu de lo taane i de tala adu de longo danuaa gi goodou, e dee galemu de soa dangada e buibuia amaadeu hegau.

Micah 3:8

Aagai ogu dagodo, au gu hhao ma gu honu i de mmahi ma de Hagasaalunga o Tagi Maolunga, ma de hagamodu heohi, aama de mmahi, e tala ange ai gi Jacob ono haisala, ma de tala ange gi Israel ono baubau.

Jeremiah 1:17

Aagai koe hagadabena ina oo mee hannoo daalaa ange gi gilaadeu muna alodahi aagu e tala adu gi de goe. Aude madagu donu i gilaadeu, kana haia e au goe gi kona doo madagu i gilaadeu.

Jonah 3:2

“Hidi age hannoo gi de aduhale laumalie go Nineveh ma gi daalaa ange ai agu muna e tala adu gi de goe.”

Isaiah 58:1

“Oo daalaa, aude haganoho ina. Hagaleo laumalie bei de leo o de hanga manu. Daalaa ange gi ogu dangada olaadeu baubau, gai daalaa ange gi dangada o Jacob olaadeu haisala.

Acts 22:18

gai au ne gidee Tagi Maolunga e hai mai gi de au, ‘Hagamoolau hano gee i Jerusalem, go hiidinga dangada i kinei e dee hagadonu naa donu au muna e tala hagadonu ange ai au.’

Acts 9:10

Aagai e dahi daane gu hagadonusia laa e noho i Damascus, dono ingoo go Ananias. Gai Tagi Maolunga ne hai ange gi de ia i de midi hagaago ange, “Ananias!” Gai ia ga hai ange, “Tagi Maolunga, deenei au.”

Acts 18:10

go hiidinga au e noho madali goe, gai e deai naa donu se dangada e maua i de hagammae aabe go de hagaduasala goe; go hiidinga e soa donu ogu dangada i de aduhale nei.”

1 Corinthians 9:1

E aha, au e dee se dangada ilaage? Gai au e dee se dangada tala? Gai e aha, tee gidee e au Iesu taadeu Dagi Maolunga? Gai e dee goodou hua o agu hegau i lodo o Tagi Maolunga?

Lamentations 3:57

Koe ne hagabaa mai gi de au i de masavaa aagu ne hagahi adu ai goe; koe ne hai mai, “Aude madagu!”