Acts 18:7 - De Beebaa Dabu

⁷ Gai ia ga hano gee mai i kilaa ga hano gi de hale o taane dono ingoo laa go Titius Justus, se daane e daumaha ange gi de Maadua, gai dono hale e baa ange gi synagogue.

Acts 18:7 Referans Kwoze

Acts 16:14

Gai e dahi hahine i kilaa ne langona amaadeu agoago, dono ingoo go Lydia. Ia se hine e hagao ina denga malo purple, gai se hine mai i Thyatira e daumaha ange gi de Maadua. Gai Tagi Maolunga ne hhuge ono lodo gi hagalaangona ai e ia muna a Paul.

Colossians 4:11

Taane go Iesu e hagaingoo ange laa hogi go Justus, e gaavadu hogi dana hagaboo gi goodou. Aanei donu huu de gau Ssuu e hai hegau ange gi de nohoanga hodooligi o de Maadua madali au gai gilaadeu gu hagaaneane donu ogu lodo.

Acts 17:4

Gai hanu gilaadeu ne hagadonusia ana muna ga hagabuni ange gi a Paul ma Silas; gai ne soa hogi dangada Greek gu daumaha ange laa gi de Maadua, ma hanu haahine maolunga ne hagadonusia.

Acts 13:42

Gai de masavaa olaau ne ssao ai gi haho, gai dangada ga dangidangi ange gilaau gi aahe mai ange gi daalaa ange muna laa gi gilaadeu i Sabbath e mua mai.

Acts 10:22

Gai gilaadeu ga hai ange, “Cornelius, dahi dagi o de lau, se daane heohi ma de madagu i de Maadua, ma de tuhi i daho de huaahenua o de gau Ssuu, dahi dangada de langi dabu ne hai ange ia gi alumia mai goe gi hanadu gi dono hale, gai ia ga hagallongo ai au muna e tala ange.”

Acts 10:2

gai gilaadeu ma dangada alodahi i dono hale e maatagu i de Maadua, gai e abodonu ange gi de gau hagaau aloha, ma de dalodalo ange gi de Maadua i masavaa alodahi.

John 9:31

Gidaadeu e iloo bolo de Maadua e dee hagallongo dalodalo a de gau baubau, gai ia e hagallongo dangidangi a dangada e daumaha ange gi de Maadua ma de daudali ono lodo.

Acts 13:43

Gai de masavaa huu ne mavaevae ai dangada, gai de gau Ssuu ma denga Gentile soa gu daumaha ange laa gi de Maadua ne daudali ange i a Paul ma Barnabas, gai gilaau ga agoago ange gilaadeu ga hagammahi ange gilaadeu gi duudagi ina donu huu delaadeu seesee i de abodonu o de Maadua.

Acts 13:50

Aagai de gau Ssuu ga hagabasa denga haahine maolunga e daumaha ange laa gi de Maadua, ma denga dagi o de aduhale laa, gai gilaadeu ga vaivai hai a Paul ma Barnabas ga alualu gilaau gi hulo gee mai i delaadeu ungaamee.