Acts 18:2 - De Beebaa Dabu

² Gai ia ne hedae ange gi dahi daane Ssuu, dono ingoo go Aquila, se daane mai i Pontus, gai gilaau ma dono bodu go Priscilla se goodo loomai donu huu i Italy, go hiidinga Claudius ne alualu de gau Ssuu alodahi gi hulo gee mai i Rome. Gai Paul ne hano ga hedae ange gi gilaau,

Acts 18:2 Referans Kwoze

2 Timothy 4:19

Dagu hagaboo ange gi Priscilla ma Aquila, aama de huaabodu o Onesiphorus.

1 Corinthians 16:19

Denga nohoanga dabu i Asia e gaavadu delaadeu hagaboo gi goodou. Aquila ma Priscilla e gaavadu hogi delaau hagaboo i lodo o Tagi Maolunga, aama de nohoanga dabu e daumaha laa i delaau hale.

Acts 18:26

Gai ia tee madagu i de agoago i lo te synagogue. Gai de masavaa huu a Priscilla ma Aquila ne langona ai ana agoago, gai gilaau ga kave ia ga agoago ange, gi kii ange ai dono donu ange gi dagodo o de haiava o de Maadua.

Acts 11:28

Gai e dahi daane i olaadeu magavaa, dono ingoo go Agabus, ne hidi age ga basa pelaabisi i ssauaa o de Hagasaalunga ⌊Dabu⌋ bolo dahi onge laumalie gu dai dae mai gi henua i lalo alodahi; gai de mee nei ne hai i de masavaa o Claudius e dagi ai.

Acts 18:18

Dua mee laa gai a Paul ne noho i Corinth i dahi masavaa daulooloa. Muli mai gai ia ne dugu hogi denga daina i kilaa, gai ia ga dele ga hano gi Syria madali Priscilla ma Aquila. Gai ia ne dahi dono biho i Cenchrea, go hiidinga ia gu hai dahi hagatoo donu soe.

Acts 2:9

Go muna a de gau Parthia ma de gau Media, ma de gau Elam, ma de gau Mesopotamia, ma de gau Judea ma Cappadocia, ma de gau Pontus ma Asia,

1 Peter 1:1

Mai i daho Peter, tangada tala o Iesu Klisdo. Ange gi dangada a de Maadua gu hili, gai gu mavaevae saele i denga ungaamee o Pontus, ma Galatia, ma Cappadocia, ma Asia, aama Bithynia,

Acts 27:1

Gai de masavaa huu ne modu ai bolo gimaadeu ga maalanga e hulo gi Italy, gai gilaadeu ga dugu ange a Paul ma hanu dangada gu noonoodia laa gi Julius, ia se dagi niio de lau, mai i de hagabuulinga hebagi o Caesar.

Acts 27:6

Gai tagi o de lau ne gidee dahi vaga o Alexandria i kilaa gu baba ange e hano gi Italy, gai ia ga hai gimaadeu gi kage ange gi de vaga laa.

Hebrews 13:24

Dagu hagaboo ange gi oodou dagi alodahi ma dangada alodahi o de Maadua. Dangada ne loomai laa i Italy e gaavadu hogi delaadeu hagaboo gi goodou.