Acts 18:15 - De Beebaa Dabu

¹⁵ aagai go hiidinga o hanu muna ma hanu ingoo aama oodou hainga donu, deelaa ai, goodou hagamodu ina donu huu ono muna; e dee go au e hagamodu ina mee naa.”

Acts 18:15 Referans Kwoze

Acts 23:29

Gai au gu iloo bolo ia ne hagabaubau ina donu huu i hanu alaadeu hainga, aagai alaadeu mee e hagabaubau ai ia ni mee donu e dee heohi ai dono magau, aabe go dono hhao gi lo te hale pono.

Acts 25:19

Aagai gilaadeu ne hagabaubau donu huu ia i dagodo o alaadeu hai daumaha, aama dagodo o Iesu, taane ne magau laa, gai a Paul e hagadaba bolo ia gu mouli age.

1 Timothy 6:4

gai ia se dangada hagasoenga hagamaolunga ma teai donu ana mee e iloo. Ia se dangada e lodo e hagadau gaavange ma de hagadaumee i hagadoonunga o denga muna, go mee e hidi mai ai de hagadau llodo gaiaa, ma de hagadau kino, ma de hagadau hagabaubau, ma de hagadau dee hagadonu,

Titus 3:9

Aagai koe huli gee i denga ngadi mee e dee heloongoi ai dangada, ma hagatau o denga aamuli, ma mee o de hainga e hagadaumee ai ma de hebagi ai dangada, i hiidinga mee nei e deai donu olaadeu haigamaiana.

2 Timothy 2:23

Koe gi dee anga ange gi ngadi muna ma muna llodo ssenga e dee heloongoi ai dangada, go hiidinga koe e iloo bolo mee nei e hidi mai ai de hagadaumee o dangada.

1 Timothy 1:4

gilaadeu gi dee anga ange gi denga daalanga hhadu ma hagatau o denga atangada. Mee nei e hai gi dee buni dangada, e dee bale ange hegau a de Maadua e daamada mai laa i de gai.

Acts 26:3

Go hiidinga hogi koe e donu ange gi dahulinga alodahi a de gau Ssuu, ma mee olaadeu e hagadaumee mai ai. Deenei ai, au e dangidangi adu koe gi golomagi ina oo lodo ma gi hagalaangona agu muna.

Acts 25:11

Gai noo au se dangada e haia de baubau, ma de hai dahi mee e heohi ai dogu daa gi magau, aagai au e dee ssala donu gi ola mai au i de magau. Aagai noo e dee se mee abodonu alaadeu e hagabaubau ai nei au, gai e deai donu se dangada e maua i de gaavange au gi gilaadeu. Au e dangidangi i de hagamodu ogu muna i mada i mua o Caesar.”

Matthew 27:24

Gai ga gidee huu e Pilate bolo gu deai donu ana mee e hai, aagai dangada gu hellumi, gai ia ga hhui luoono lima i madamada o de gau soa laa, ga hai ange, “Au e dee haisala donu i de magau o taane heohi nei; go goodou e diiloo e haia de hegau nei!”

John 18:31

Pilate ne hai ange gi gilaadeu, “Goodou gaavee donu huu ia mage hagamodu ina ono muna i oodou hainga.” De gau Ssuu laa ne hai ange gi de ia, “E dee alaange demaadeu daa dahi dangada gi magau.”

Matthew 27:4

ga hai ange, “Au gu haisala i dagu gaavange tangada e deai ono haisala e daa gi magau.” Gilaadeu ne hai ange gi de ia, “Gai ni aha amaadeu e hai ai? Diiloo be dee hee dau hai e hai ai!”

Acts 18:13

ga hai ange, “Taane nei ne usuusu ange dangada gi daumaha ange gi de Maadua i de hai e hai baasi ange gi de hainga.”