Acts 17:28 - De Beebaa Dabu

²⁸ Go hiidinga ‘go ia odaadeu e mouli ai ma de ngalungalue aama de nnoho ai nei’. Bei de hai a hanu oodou dangada e haia denga dau gu tala ai laa, ‘Gidaadeu go dono hagadiilinga.’

Acts 17:28 Referans Kwoze

De Beebaa go Job 12:10

Ia e daohi mouli o mee alodahi, ma manava o dangada alodahi.

Colossians 1:17

Gai Klisdo gu mouli huu i mua de hai mee alodahi, gai go ia e daohia mee alodahi.

Hebrews 1:3

Gai Tama go de maalama o de mahamaha o de Maadua, ia go hagadulagi donu o de Maadua, gai ia e daohi mee alodahi i ssauaa o ana muna. Gai dua huu dana hagagilimalali denga haisala, gai ia gu noho i de baasi madau o de Ia Maolunga Mmao laa i mommee maolunga.

Psalm 36:9

Go koe e daamada mai ai de mouli; gai go doo maalama amaadeu e gidee ai de maalama.

Luke 20:38

Ia e dee se Maadua niio de gau maakau, aagai se Maadua niio dangada e mouli; gai alodahi e mouli ange gi de ia.”

John 5:26

Go hiidinga de mouli go daho Tamana iai, deenei ai, ia gu hai hogi gi dagodo de mouli i daho Tama,

John 11:25

Iesu ne hai ange gi de ia, “Go au donu de mouli age aama de mouli. Be goai e gai mai gi de au e mouli donu, e dee galemu donu ia gu magau;

Psalm 66:9

ia ne hagaola omaadeu mouli, gai ne daohi gimaadeu gi dee baakuu.

Hebrews 12:9

E dahi ange mee: odaadeu damana donu e haele gidaadeu, gai gidaadeu e hagadubu gilaadeu. Gai e kii ange mmao de hagamogomogo taadeu hagallongo ange, gi Tamana o denga hagasaalunga gi mouli ai gidaadeu!

1 Samuel 25:29

Gai noo dahi dangada e doolohi goe e daa gi magau, gai Tagi Maolunga doo Maadua gi buibui ina de mouli o dogu dangada aamua, bei de mee hagamogomogo e saabini laa. Aagai mouli o oo hagadaumee e maga naa gi daha, bei de hadu i lo te buada.

Daniel 5:23

Aagai koe ne hagamaolunga ma de hai baasi ange gi de Ia Aamua o de langi. Koe ne gaamai denga ubu o dono temple gi oo mada i mua, gai goodou ma oo dangada aamua, ma oo bodu, aama oo bodu laa daha ga unu ai denga uvaini. Gai koe ga tuhi ai denga diinonga selevaa, ma goolo, ma bronze, ma iron, ma laagau aama hadu, go diinonga e dee gidee laa be e langona, aabe e iloo hanu mee. Aagai koe tee hagadubu de Maadua abodonu e daohia naa doo mouli aama au mee alodahi e hai.

Luke 3:38

Kenan go tama daane a Enos, Enos go tama daane a Seth, Seth go tama daane a Adam, gai Adam go tama daane a de Maadua.

Titus 1:12

Gai e hagadaba dahi pelaabisi o de gau Crete, “De gau Crete ni dangada e hadu muna i masavaa alodahi, gilaadeu e bei dagodo o denga manu alasala baubau, gai e aagai ma de vaiduu.”

Deuteronomy 30:20

ma de aaloha i Tagi Maolunga doodou Maadua, ga hagallongo ange gi ana muna, ma de hagapigi ange gi de ia. Go hiidinga Tagi Maolunga go doodou mouli, gai ia e hai naa gi lagolago oodou laangi e mouli ai, i honga de henua aana gu hagatoo donu ange gi oodou dubuna madagidagi, go Abraham, ma Isaac, aama Jacob.

Jeremiah 38:16

Aagai de hodooligi go Zedekiah ga hagatoo donu hagammuni ange gi Jeremiah, ga hai ange, “Au e hagatoo donu i de mouli o Tagi Maolunga, go de ia ne haia odaadeu hagasaalunga: au e dee daa donu goe gi magau aabe e dugu ange goe gi denga daane e saalaa naa goe e daa gi magau.”

Hebrews 2:11

Gai de ia ne haia ga dabu dangada ma gilaadeu ne hai ga dabu ne loomai i se huaabodu daudahi. Deelaa ai, ia e dee dogaa i de hagadaba bolo gilaadeu ni daina niiona,