Acts 17:25 - De Beebaa Dabu

²⁵ Gai e dee ni dangada e hai hegau ange gi de ia, e dagodo be ia e duasala i dahi mee. Aagai go ia donu e gaavange gi dangada alodahi de mouli, ma de madangi olaadeu e manamanava ai aama mee ange alodahi.

Acts 17:25 Referans Kwoze

Genesis 2:7

Gai Tagi Maolunga go de Maadua ga hagaholi tangada mai i bela o de gelegele, gai ia ga busi ange de madangi o de mouli gi lodo luoono bongaa usu, gai taane laa gu se dangada e mouli.

Romans 11:35

Gai goai ne gaavange dahi mee gi de Maadua, gai ia ga hagao ange ai ia?”

Acts 17:28

Go hiidinga ‘go ia odaadeu e mouli ai ma de ngalungalue aama de nnoho ai nei’. Bei de hai a hanu oodou dangada e haia denga dau gu tala ai laa, ‘Gidaadeu go dono hagadiilinga.’

Isaiah 42:5

Aanei muna a de Maadua, Tagi Maolunga e tala, go de ia ne hagadau ina de langi ga doha gi daha, gai go ia ne hoolaa henua i lalo ma mee alodahi ne loomai ai, ma de hai gi manavanava dangada e nnoho ai, ma de gaavange de manava o de mouli gi dangada i kilaa:

De Beebaa go Job 33:4

De Hagasaalunga o de Maadua ne hai au, gai de madangi o de manava o de Ia Mmahi Mmao laa ne hai au gi mouli.

De Beebaa go Job 22:2

“E aha, e hanu haigamaiana o tangada ange gi de Maadua? Gai e hanu haigamaiana o tangada iloo mee ange gi de ia?

1 Timothy 6:17

Aagai koe daalaa ange gi de gau lava o henua i lalo, gilaadeu gi dee llodo maolunga aabe gi tali hagalodolodo ange gi de lava e dee maua laa gi dagodo daulooloa, aagai gi haia go de Maadua delaadeu tali hagalodolodo, go de ia e gaamai mee alodahi odaadeu e mouli ai ma de malangilangi ai.

De Beebaa go Job 27:3

taulooloa o dogu mouli, gai de manava o de Maadua i lodo luoogu bongaa usu,

Zechariah 12:1

Muna hagadaemaha a Tagi Maolunga i dagodo o Israel. E hagadaba Tagi Maolunga, go de ia ne hoolaa laa de langi ma de hai henua i lalo, gai go de ia ne haia de hagasaalunga o tangada:

Psalm 16:2

Au e hai ange gi Tagi Maolunga, “Go koe donu dogu Ia Aamua; e deai sagu mee danuaa daudahi noo e deai goe.”

De Beebaa go Job 12:10

Ia e daohi mouli o mee alodahi, ma manava o dangada alodahi.

Acts 14:17

Aagai ia ne hai donu gi dahi mee e hagadonu ai ono dagodo: ia ne abodonu adu gi goodou i dana gaavadu gi goodou de langi pala mai i de langi ma denga huamanu i de masavaa e hhua ai; ia ne hai gi boobosu goodou i de gaimee ma de hai gi malangilangi oodou lodo.”

Matthew 9:13

Goodou hulo haia gi iloo e goodou de hagadoonunga o muna a de Beebaa Dabu e hai ange laa, ‘Au e lodo i de degi, e dee go ssigidaumaha.’  Go hiidinga au tee humai e hagahi gilaadeu e heohi, aagai go gilaadeu e haisala.”

Matthew 5:45

gi ni dama ai goodou nii doodou Damana i de langi laa. Ia e hai gi dii de laa i honga o de gau baubau ma gilaadeu e danuaa, gai e hai gi pala iho de langi gi honga olaadeu e heohi, ma gilaadeu e dee heohi.

Isaiah 57:16

Au e dee hagabaubau donu ga hano ai, aabe e lili i masavaa alodahi, kana haia e au ga baageaa lodo o tangada — go de hagasaalunga o tangada aagu ne hai.

De Beebaa go Job 34:14

Noo de Maadua e hagaahe dono hagasaalunga ma de hagaahe de madangi o dana manava,

Numbers 27:16

“Tagi Maolunga, de Maadua e gaavange laa de hagasaalunga o de mouli gi dangada alodahi, gi hilia dahi dangada gi dagina de hagabuulingaa dangada nei,

Numbers 16:22

Gai gilaau ga ino ga hagapaa olaau mada gi honga de gelegele, ga hai ange, “De Maadua, go de Maadua o hagasaalunga o dangada alodahi, koe ga daohi naa donu huu doo lili i de hagabuulingaa dangada nei, i hiidinga haisala o dahi dangada sogosogo?”

Deuteronomy 30:20

ma de aaloha i Tagi Maolunga doodou Maadua, ga hagallongo ange gi ana muna, ma de hagapigi ange gi de ia. Go hiidinga Tagi Maolunga go doodou mouli, gai ia e hai naa gi lagolago oodou laangi e mouli ai, i honga de henua aana gu hagatoo donu ange gi oodou dubuna madagidagi, go Abraham, ma Isaac, aama Jacob.

Jeremiah 38:16

Aagai de hodooligi go Zedekiah ga hagatoo donu hagammuni ange gi Jeremiah, ga hai ange, “Au e hagatoo donu i de mouli o Tagi Maolunga, go de ia ne haia odaadeu hagasaalunga: au e dee daa donu goe gi magau aabe e dugu ange goe gi denga daane e saalaa naa goe e daa gi magau.”