Acts 17:17 - De Beebaa Dabu

¹⁷ Deelaa ai, ia ne hagadaumee ange gi de gau Ssuu i lo te synagogue ma denga Gentile gu daumaha ange laa gi de Maadua, aama dangada i de mommee e hagabuni ai dangada i de laa tubua.

Acts 17:17 Referans Kwoze

Acts 13:16

Gai Paul ne hidi age ga daodaohi ange dono lima ga hai ange, “Denga daane o Israel, ma goodou e maatagu i de Maadua, goodou nnoho mai hagalaangona!

Acts 9:20

Gai ia ne moolau donu de daamada de agoago i dagodo o Iesu i denga synagogue ga tala bolo Iesu go Tama Daane donu a de Maadua.

Luke 12:3

Gai mee alodahi oodou gu tala i lo te gohu e tala naa ga langona i de maalama, gai mee alodahi oodou gu musumusu i de aabi i lodo e tala naa i tua denga hale.

Mark 16:15

Gai ia ga hai ange gi gilaadeu, “Goodou hulo gi henua i lalo alodahi ga agoago ange ai de longo danuaa gi dangada alodahi.

Proverbs 8:34

E manuuia tangada e hagalaangona agu muna, ma de dagitilo i ogu haitoga, ma de tali i ma togu haitoga.

2 Timothy 3:5

gilaadeu e hagaago donu huu de hai lodo o de Maadua, aagai gilaadeu e hagangadi mee donu ssauaa o de Maadua. Gai koe gi dee hagabuni ange gi gilaadeu e haia mee nei.

2 Timothy 3:2

Dangada e aaloha naa donu huu i gilaadeu, ma de nnoo ange gi sseene, ma de pasa hagamaolunga, ma de llodo maolunga, ma de hai samu o dangada, ma tee hagallongo ange gi olaadeu maadua, ma tee llodo e hagaahe ange de abodonu, ma tee dabu,

Acts 10:2

gai gilaadeu ma dangada alodahi i dono hale e maatagu i de Maadua, gai e abodonu ange gi de gau hagaau aloha, ma de dalodalo ange gi de Maadua i masavaa alodahi.

Acts 8:2

Gai gilaadeu gu hagadonusia laa ne kave de angaanga o Stephen ga danu ma de tangi i de ia.

Jeremiah 6:11

Aagai au gu honu i de bole o Tagi Maolunga, au gu dee maua i de golomagi dogu bole. ⌊Gai e hagadaba Tagi Maolunga,⌋ “Haia gi hano iho lili gi denga gauligi i honga de haiava, ma denga dama daane gu hagabuni laa; gai e duu ange naa hogi gi taane ma dono bodu, ma de gau maatua, aama de gau madumaatua.

Acts 13:43

Gai de masavaa huu ne mavaevae ai dangada, gai de gau Ssuu ma denga Gentile soa gu daumaha ange laa gi de Maadua ne daudali ange i a Paul ma Barnabas, gai gilaau ga agoago ange gilaadeu ga hagammahi ange gilaadeu gi duudagi ina donu huu delaadeu seesee i de abodonu o de Maadua.

Acts 13:50

Aagai de gau Ssuu ga hagabasa denga haahine maolunga e daumaha ange laa gi de Maadua, ma denga dagi o de aduhale laa, gai gilaadeu ga vaivai hai a Paul ma Barnabas ga alualu gilaau gi hulo gee mai i delaadeu ungaamee.