Acts 17:13 - De Beebaa Dabu

¹³ Aagai de masavaa huu a de gau Ssuu i Thessalonica ne langona ai bolo a Paul gu agoago hogi muna a de Maadua i Berea, gai gilaadeu ga hulo hogi gi kilaa ga hai ai gi dee buni, ma de hellumi dangada soa i kilaa.

Acts 17:13 Referans Kwoze

Acts 21:27

Aagai ga odi ange ai huu denga laangi e hidu laa, gai hanu Ssuu ne loomai laa i Asia ne gidee e gilaadeu a Paul i de temple, gai gilaadeu ga hai gi hellumi dangada soa i kilaa, gai gilaadeu ga poo a Paul,

Acts 17:5

Aagai de gau Ssuu gu magiaa, gai gilaadeu ga gaamai hanu dangada baubau i de mommee e hagabuni ai dangada, ga hai dangada gi haia gi hellumi de aduhale. Gai gilaadeu ga saavini gi de hale o Jason e saalaa ai a Paul ma Silas, e hagassao mai ai gilaau gi daho de gau soa laa.

Acts 14:2

Aagai de gau Ssuu e dee hagadonusia laa ga hagabasa denga Gentile ga hai gilaadeu gi hai baasi ange gi dangada gu hagadonusia laa.

Acts 6:12

Gai gilaadeu ga hagabasa dangada, ma denga dagi aama de gau sisi, gai gilaadeu ga poo Stephen ga kave gi mada i mua o de hagabuulinga hagasaele.

Matthew 23:13

“E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e pono de nohoanga hodooligi o de langi i dangada. Goodou e dee ulu ai, aagai goodou e buibui hogi dangada e llodo laa e ulu ai! [

Proverbs 28:25

Tangada nnoo hagamau mee e hai naa ga dee heloongoi dangada, aagai tangada e hagadonusia Tagi Maolunga e hagadagadaga age naa.

Luke 12:51

Goodou e maanadu bolo au ne humai e gaamai de baba gi henua i lalo? E deai, au e hai adu gi goodou, au ne humai e vvae magavaa o dangada.

Proverbs 15:18

Tangada e moolau laa de lili e hai ga hagadaumee dangada, aagai tangada e golomagi ina ono lodo e hai ga tuu de hagadaumee o dangada.

1 Kings 21:25

(Gai teai ange donu se dangada ne bei dagodo o Ahab, ia ne dugu ange ia gi de baubau i mada luu mada o Tagi Maolunga, gai dono bodu go Jezebel ne usuusu ange ia.

Acts 17:1

Aagai gilaau ne hagadaga i Amphipolis ma Apollonia ga hulo ai gu tae gi Thessalonica, se mommee iai dahi synagogue o de gau Ssuu.

Acts 17:10

Gai denga daina ne hagamoolau ga hai gi hulo a Paul ma Silas i de boo gi Berea. Gai ga tae huu gilaau gi kilaa, gai gilaau ga hulo hogi gi de synagogue o de gau Ssuu.

Acts 20:4

Gai Sopater taane Berea, tama daane a Pyrrhus, ma Aristarchus ma Secundus luu daane mai i Thessalonica, ma Gaius taane Derbe, ma Timothy, aama Tychicus ma Trophimus, luu daane mai i Asia, ne hulo hogi madali ia.

2 Corinthians 11:26

Dogu hagadaga saele i hanonga lagolago, gai au ne duu ange gi mee hagamanavasaa i honga denga saalingaa vai, ma daho de gau gaiaa, ma daho ogu dangada donu, ma mee hagamanavasaa i daho denga Gentile, ma mee hagamanavasaa i lo te aduhale, ma de vao, ma honga tai, ma daho dangada e dee ni daina abodonu;