Acts 16:18 - De Beebaa Dabu

¹⁸ Gai ne lagolago laangi aana ne hai ai de hegau nei. Aagai a Paul gu daemaha, gai ia ga huli dua ga hai ange gi de hagasaalunga baubau, “Au e hai adu gi de goe i de ingoo o Iesu Klisdo, sao mai i ono daha.” Gai de hagasaalunga baubau gu sao mai i de masavaa laa donu huu.

Acts 16:18 Referans Kwoze

Mark 16:17

Gai denga hagailonga nei e hai i daho olaadeu e hagadonusia: gilaadeu e hai naa ga hulo denga hagasaalunga baubau i dogu ingoo; gilaadeu e pasa naa i muna henua gee;

Acts 9:34

Gai Peter ga hai ange gi de ia, “Aeneas, Iesu Klisdo e hagaieiangi goe, hidi age heedua doo moenga.” Gai taane laa gu hidi age i de masavaa laa donu huu.

Acts 3:6

Aagai Peter ga hai ange gi de ia, “Au e deai donu agu selevaa be ni goolo, gai au e gaavadu gi de goe de mee e dahi i ogu daha: i de ingoo o Iesu Klisdo o Nazareth, hidi age seesee!”

Mark 1:34

Gai Iesu ga hagaieiangi denga magi alodahi ma de hai gi hulo denga hagasaalunga baubau. Aagai ia tee dugu ange denga hagasaalunga baubau gi pasa, go hiidinga gilaadeu e iloo be go ia goai.

Colossians 2:15

Ia ne kave gee ssauaa o denga dagi ma gilaadeu iai ssauaa e dagi ai, ga hagangadi mee gilaadeu i madamada o dangada, ma de hagadee kii gilaadeu i de laagau lui.

Luke 9:1

Iesu ne hagahi ga hagabuni mai ana dangada agoago ga gaavange gi gilaadeu de mmahi ma ssauaa e hai ai gi hulo gee denga hagasaalunga baubau alodahi, ma de hagaieiangi ai denga magi,

Matthew 14:24

gai de boose laa gu mmao gee mai i de henua, gai e hagailiilihia saele i denga beau, go hiidinga de madangi mmahi e humai i madaa moni.