Acts 16:15 - De Beebaa Dabu

¹⁵ Aagai dua huu dono babudaisi madali dangada alodahi i dono hale, gai ia ne dangidangi mai gimaadeu, ga hai mai, “Noo goodou e hagataba bolo au gu hagadonusia abodonu Tagi Maolunga, gai goodou loomai nnoho i dogu hale.” Gai ia ne usuusu mai gimaadeu ga dae ai gi demaadeu uaa ange.

Acts 16:15 Referans Kwoze

Acts 11:14

Gai ia ga tala adu ai gi de goe ma dangada i doo hale alodahi doo hai e hagamouli ai.’

Hebrews 13:2

Goodou gi dee ngalo de abodonu ange gi de gau henua gee, go hiidinga deenei de hai a hanu ne abodonu ange ai gi hanu dangada de langi, gai gilaadeu tee iloo donu.

Acts 16:33

Gai taane hagaloosi ne kave gilaau i de masavaa laa donu huu ga hhui olaau maanuga; gai gilaadeu ma dangada alodahi i dono hale ne babudaisi i de masavaa laa.

Luke 24:29

Gai luu daane laa ga usuusu ange ia ga hai ange, “Noho i omaau daha, go hiidinga gu ahiahi de mee, gai gu dai gohu hogi de mee.” Deelaa ai, ia ne noho i olaau daha.

Genesis 19:3

Aagai ia ne hagammahi ange gilaau, gai gilaau ga hulo ai loo madali ia gi dono hale. Gai Lot ne hai hanu gai e gaimee ai gilaau; ia ne dao hanu pelaoaa dee hagahua, gai luu daane laa ga nnoho ga gaimee.

3 John 1:8

Deenei ai, e heohi donu taadeu bale ange de gau bee nei, gi maua ai e gidaadeu i de hai hegau madali gilaadeu i de mee abodonu.

3 John 1:5

Dogu soa hagamogomogo, se hegau danuaa mmao dau bale ange denga daina, e dee galemu donu gilaadeu ni dangada henua gee.

1 Peter 5:12

Gai go Silvanus, de ia aagu e hagabinga laa bolo se daina e hai hegau i de mee abodonu, ne balea mai au ga sisi ai de leda bodobodo nei. Au ne lodo e hagammahi adu goodou ma de tala adu bolo deenei donu de abodonu o de Maadua. Goodou tuu gi makaga i de mee nei.

Philemon 1:17

Gai noo koe e hagabinga bolo au se dangada hai hegau madali goe, gai koe abodonu ange gi de ia bei doo hai e abodonu mai ai laa gi de au.

Philippians 1:7

Gai de heohi donu dagu maanadu goodou alodahi i tagodo nei, go hiidinga goodou e hagamogomogo donu i ogu daha, gai goodou alodahi gu kave tuuhanga hegau nei madali au, i dogu masavaa e nnoho ai i lo te hale pono, aama dagu tala hagadonu dagodo o de longo danuaa.

Ephesians 1:1

Mai i daho Paul, tangada tala o Klisdo Iesu, bei dagodo de hagatau a de Maadua. Ange gi dangada o de Maadua i Ephesus, e hai hegau laa i de mee abodonu i lodo o Klisdo Iesu.

Galatians 6:10

Deenei ai, noo gu dahi masavaa danuaa, gai gidaadeu gi haia ange tanuaa gi dangada alodahi, gai go huaabodu donu o dangada gu hagadonusia e hai ange mee nei aagena.

2 Corinthians 12:11

Au ne basa be se dangada lodo senga! Gai go goodou donu ne hidi ai. De mee heohi, go goodou donu e duuhia ngau. Go hiidinga au e dee maolalo ange donu i dangada e hagataba naa bolo gilaadeu ni dangada tala maolunga, e dee galemu donu au se dangada e dee dau.

2 Corinthians 5:14

Go hiidinga de aloha o Klisdo e usuusu mai gimaadeu, i hiidinga gimaadeu gu iloo de mee nei: e dahi ne magau i hiidinga o dangada alodahi, deelaa ai, dangada alodahi gu maakau madali ia.

Romans 16:23

Gaius, taane gu abodonu mai nei gi de au ma de nohoanga dabu alodahi i kinei, e gaavadu dana hagaboo gi goodou. Erastus, tangada doange o de aduhale ma taadeu daina daane go Quartus e gaavadu delaau hagaboo gi goodou. [

2 John 1:10

Noo dahi dangada gu hanadu gi oodou daha, gai ia e dee agoago bei dagodo agoago nei, aagai goodou gi dee abodonu ange gi de ia i oodou hale, aabe gi hagaboo ange gi de ia,

Acts 18:8

Gai Crispus, tagi o synagogue gu hagadonusia hogi Tagi Maolunga, madali dangada alodahi i dono hale, gai gu soa hogi dangada Corinth ne hagadonusia i delaadeu langona muna a Paul, gai gilaadeu gu babudaisi.

Acts 8:38

Gai de eunuch ga haganoho de hada, gai a Philip ma de eunuch ga iho ga hulo gi lo te vai, gai a Philip ga babudaisi ia.

Acts 8:12

Gai de masavaa huu a dangada ne hagadonu ai agoago a Philip, i dana tala de longo danuaa o de nohoanga hodooligi o de Maadua, ma de ingoo o Iesu Klisdo, aagai denga daane ma haahine gu babudaisi.

Luke 14:23

Gai dono dangada aamua ga hai ange hogi gi de ia, ‘Hannoo gi honga haiava ma dao haiava i tua de aduhale, usuusuhia ange ai dangada gi loomai, gi haoa gi honu dogu hale.

Matthew 10:41

Be goai e abodonu ange gi de pelaabisi i hiidinga ia se pelaabisi, e kave naa hogi de hagaoanga o de pelaabisi; gai be goai e abodonu ange gi tangada heohi i hiidinga ia se dangada heohi, e kave naa hogi de hagaoanga o tangada heohi.

2 Kings 4:8

Dahi laangi gai Elisha ne hano gi Shunem, gai e dahi hahine lava e noho laa i kilaa. Ia ne gauna ange ia gi humai gi gaimee. Deelaa ai, masavaa alodahi oona e humai ai gi de mommee laa, gai ia e hano gi kilaa ga gaimee ai.

1 Samuel 28:23

Gai a Saul tee lodo, ga hai ange, “Au e dee gaimee.” Gai ono daane hai hegau aama de hine laa ne usuusu ange ia, gai ia ga hagallongo ange gi gilaadeu. Ia ne hidi age mai i honga de gelegele ga noho i honga de moenga ga gaimee ai.

Genesis 33:11

Aude haihaia, gaavee dagu mee ngadi gaavange gu gaamai nei gi de goe, go hiidinga de Maadua gu abodonu mai gi de au, ma gu gaamai gi de au mee alodahi oogu e mouli ai.” Gai ia ga usuusu ange ia, gai Esau ga kave mee laa.

Matthew 3:6

ga babudaisi i daho John i ssaalingaa vai go Jordan ma de tala olaadeu haisala.

Acts 16:31

Gai Paul ma Silas ne hai ange, “Koe gi hagadonusia Tagi Maolunga go Iesu, gai koe aama dangada alodahi i doo hale gu hagamouli.”

Acts 16:34

Ia ne kave hogi gilaau gi dono hale, ga haangai gilaau. Aagai ia ma dangada alodahi i dono hale gu malangilangi, go hiidinga gilaadeu gu hagadonusia de Maadua.