Acts 16:13 - De Beebaa Dabu

¹³ Gai de laangi huu o Sabbath, gai gimaadeu ga hulo gi tua de aduhale i gaogao dahi vai, gimaadeu ne maanadu bolo e dahi mommee e dalodalo ai i kilaa; gai gimaadeu ne nnoho ga madaangudu ange gi denga haahine gu hagabuni mai laa gi kilaa.

Acts 16:13 Referans Kwoze

Acts 13:14

Gai gilaadeu ne maalanga mai i Perga ga hulo gi Antioch i Pisidia. Gai de laangi huu o Sabbath gai gilaadeu ne ulu i synagogue ga nnoho gi lalo.

Colossians 1:23

noo goodou e duudagi de daohi de gai ma de tuu gi makaga gu dee ngalungaalue, goodou gu dee llodo lagolago i doodou tali hagalodolodo, gu hagatoo donu laa i de longo danuaa oodou gu langona laa, gai gu tala ange hogi gi dangada alodahi i lalo de langi. Gai au gu hai hogi gi se dangada hai hegau niio de longo danuaa nei.

Galatians 3:28

Gu deai donu se dangada Ssuu, be se dangada Greek, be se dangada hai hegau, be se dangada ilaage, be se daane aabe se hine; i hiidinga goodou gu se dagodo daudahi i lodo o Klisdo Iesu.

Acts 21:5

Gai ga odi huu laangi omaadeu ne nnoho ai i kilaa, gai gimaadeu ga hiihidi age e hulo, gai gilaadeu alodahi ma olaadeu bodu ma alaadeu dama ne daudali mai i gimaadeu ga hulo ai gi tua de aduhale. Gai gimaadeu ne duuduli i honga de gelegele ga dalodalo.

Acts 20:7

Aagai tahi laangi o de uvigi, gai gimaadeu ne hagabuni ga gaimee. Gai Paul ne agoago dangada ga dae ai gi lo te boo, go hiidinga ia ne maanadu bolo gimaadeu e malanga i de laangi i ono dua.

Acts 18:4

Gai denga Sabbath alodahi gai Paul ne madaangudu ange i synagogue ma de usuusu ange de gau Ssuu ma de gau Greek gi daahuli.

Acts 17:2

Gai a Paul e hano gi lo te synagogue bei ana hegau i de laa tubua, gai ia ne madaangudu ange gi gilaadeu i muna a de Beebaa Dabu i e dolu Sabbath,

Acts 16:6

Gai gilaadeu ne hagadaga hogi i mommee i Phrygia ma Galatia, go hiidinga de Hagasaalunga Dabu tee dugu ange gilaadeu gi agoago ina de longo danuaa i Asia.

Acts 13:42

Gai de masavaa olaau ne ssao ai gi haho, gai dangada ga dangidangi ange gilaau gi aahe mai ange gi daalaa ange muna laa gi gilaadeu i Sabbath e mua mai.

John 8:2

Gai boo taiao donu huu gai ia ne ahe gi de temple. Gai dangada alodahi gu loomai gi ono daha, gai ia ga noho i kilaa ga agoago ange ai gilaadeu.

Luke 13:10

Dahi laangi o Sabbath gai Iesu e agoago i dahi synagogue.

Mark 16:15

Gai ia ga hai ange gi gilaadeu, “Goodou hulo gi henua i lalo alodahi ga agoago ange ai de longo danuaa gi dangada alodahi.

Matthew 13:2

Gai dangada soa ga hagabuni mai gi ono daha, gai ia ga gage ga noho i honga dahi boose; gai dangada e tuu i gaogao de vai.

Acts 9:20

Gai ia ne moolau donu de daamada de agoago i dagodo o Iesu i denga synagogue ga tala bolo Iesu go Tama Daane donu a de Maadua.

Acts 16:16

Dahi laangi gai gimaadeu ne hulo gi de mommee dalodalo, gai gimaadeu ne hedae ange gi dahi damaa hine gu noho ai dahi hagasaalunga baubau, e daalaa laa mee tigi loomai. Gai ne hai ga lagolago sseene a dono dangada aamua i dana tala mee tigi loomai.