Acts 15:25 - De Beebaa Dabu

²⁵ Gai gimaadeu ne maanadu bolo e danuaa demaadeu hilihili hanu daane gi loadu gi oodou daha madali luoodaadeu daane e aaloha ai go Barnabas ma Paul,

Acts 15:25 Referans Kwoze

2 Peter 3:15

Goodou manadua bolo de golomagi lodo o taadeu Dagi Maolunga e hagamouli dangada. Deenei hogi de mee a taadeu daina hagamogomogo go Paul gu sisi adu ai, i de heiangi a de Maadua gu gaavange laa gi de ia.

Acts 15:22

Aagai de gau tala ma denga dagi ma de nohoanga dabu alodahi ne maanadu bolo e danuaa de hilihili hanu i olaadeu magavaa gi hulo gi Antioch madali a Paul ma Barnabas. Gai gilaadeu ne hili Judas, e hagaingoo ange laa hogi go Barsabbas, ma Silas, gilaau ni dagi i daho denga daina,

Acts 15:2

Gai gu kona de hagadaumee ange o Paul ma Barnabas gi denga daane laa. Deelaa ai, gilaadeu ne hili a Paul ma Barnabas aama hanu dangada i kilaa gi hulo gi Jerusalem, i daho de gau tala ma denga dagi gi siilia ai dagodo o de mee laa.

Acts 1:14

Gilaadeu nei alodahi ne hagabuni i de lodo daudahi ga dalodalo, madali hanu haahine ma Mary tinana o Iesu, aama denga daina daane o Iesu.

Luke 1:3

Deenei ai, tangada aamua go Theophilus, au ne maanadu bolo se mee danuaa hogi dagu sisi adu mee nei gi de goe, go hiidinga gu lava donu i dogu hai hegau ange ma gu ssala gi iloo danuaa e au dagodo o mee nei mai i taamada,

Philemon 1:16

Iainei ia gu dee se dangada hai hegau donu huu, aagai gu kii ange i tangada hai hegau, ia gu se daina hagamogomogo. Ia e dee se daina hagamogomogo mai donu huu gi de au, gai e kii ange naa donu doo aloha i de ia, i hiidinga ia se dangada hai hegau niiou, gai se daina hogi i lodo o Tagi Maolunga.

Colossians 4:9

Au ne hai hogi Onesimus gi hanadu madali ia, ia se daina hagamogomogo e hai hegau i de mee abodonu, gai se daane donu mai i oodou daha. Gai gilaau ga tala adu ai dagodo o mee alodahi gu hai i kinei.

Colossians 4:7

Tychicus e tala adu naa gi goodou ogu dagodo alodahi. Ia se daina hagamogomogo, gai se dangada hai hegau hogi e hai hegau i de muna abodonu madali au i lodo o Tagi Maolunga.

Ephesians 6:21

Gai Tychicus, taina hagamogomogo gai se daane hai hegau i de muna abodonu niio Tagi Maolunga, ga tala adu ai gi goodou mee alodahi, gi iloo ai e goodou ogu dagodo aama agu mee e hai.

Galatians 2:9

Gai ga gidee huu e James, ma Cephas, aama John, go gilaadeu e hagabinga laa bolo ni dagi, de abodonu o de Maadua gu gaamai laa gi de au, gai gilaadeu ga luuluu omaau lima ma Barnabas, ga hai gimaau gi hulo gi denga Gentile, gai gilaadeu ne hulo gi de gau Ssuu.

1 Corinthians 1:10

Denga daina, au e dangidangi adu i de ingoo o taadeu Dagi Maolunga go Iesu Klisdo, goodou gi hagadau hagaheloongoi i oodou magavaa, gai gi deai donu oodou mee e dee heloongoi ai, gai goodou gu buni i de lodo daudahi ma de maanadu daudahi.

Romans 16:12

Dagu hagaboo ange gi Tryphena ma Tryphosa, go luu hine e mmahi i de hai ange gi Tagi Maolunga. Dagu hagaboo ange gi ssoa hagamogomogo go Persis, go de hine e hagaduu ngae ma e hai hegau ange gi Tagi Maolunga.

Acts 15:35

Gai a Paul ma Barnabas ne nnoho i Antioch ga agoago ai, ma de tala ai muna a Tagi Maolunga, gai e soa ange dangada madali gilaau.

Acts 15:6

Gai de gau tala ma denga dagi ne hagabuni e hagasaele ange ai dagodo o de mee laa.

Acts 2:46

Laangi alodahi gilaadeu e hagabuni i de temple i de lodo daudahi, ma de hagabuni ga gaimee i olaadeu hale ma de malangilangi aama de hagadau abodonu,

Acts 2:1

De masavaa huu ne dae mai ai de laangi o de Pentecost, gai gilaadeu alodahi ga hagabuni i dahi mommee.

Matthew 11:26

Uaa, Tamana, aanei donu oo lodo.