Acts 15:22 - De Beebaa Dabu

²² Aagai de gau tala ma denga dagi ma de nohoanga dabu alodahi ne maanadu bolo e danuaa de hilihili hanu i olaadeu magavaa gi hulo gi Antioch madali a Paul ma Barnabas. Gai gilaadeu ne hili Judas, e hagaingoo ange laa hogi go Barsabbas, ma Silas, gilaau ni dagi i daho denga daina,

Acts 15:22 Referans Kwoze

Acts 15:27

Deenei ai, gimaadeu gu hai gi loadu Judas ma Silas gi daalaa adu ai gi goodou muna mau.

Acts 15:40

aagai a Paul ne hili Silas ga kave madali ia. Gai ia ne dalodalo ga dugu ange denga daina gi de abodonu o Tagi Maolunga.

1 Peter 5:12

Gai go Silvanus, de ia aagu e hagabinga laa bolo se daina e hai hegau i de mee abodonu, ne balea mai au ga sisi ai de leda bodobodo nei. Au ne lodo e hagammahi adu goodou ma de tala adu bolo deenei donu de abodonu o de Maadua. Goodou tuu gi makaga i de mee nei.

2 Thessalonians 1:1

Mai i daho Paul, ma Silvanus, aama Timothy. Ange gi de nohoanga dabu o de gau Thessalonica, i lodo o de Maadua taadeu Damana aama Tagi Maolunga go Iesu Klisdo.

1 Thessalonians 1:1

Mai i daho Paul, ma Silvanus aama Timothy. Ange gi de nohoanga dabu o de gau Thessalonica, e seesee laa i lodo o de Maadua Tamana aama Tagi Maolunga go Iesu Klisdo. De abodonu ma de baba gi dagodo i oodou daha.

Acts 18:5

De masavaa o Silas ma Timothy ne tae mai ai i Macedonia, gai a Paul gu dee saohia i de agoago ma de tala hagadonu ange gi de gau Ssuu, bolo Iesu go de Klisdo donu.

Acts 15:32

Gai luu daane pelaabisi go Judas ma Silas, ne daulooloa hogi delaau pasa ange ga hagammahi ange lodo o denga daina.

Acts 1:23

Gai gilaadeu ga hili Joseph e hagaingoo ange laa hogi go Barsabbas (e hagaingoo ange laa hogi go Justus), aama Matthias.

Acts 17:14

Aagai denga daina ne hagamoolau ga hai a Paul gi hano gi tagudai; gai Silas ma Timothy ne nnoho i Berea.

Acts 17:10

Gai denga daina ne hagamoolau ga hai gi hulo a Paul ma Silas i de boo gi Berea. Gai ga tae huu gilaau gi kilaa, gai gilaau ga hulo hogi gi de synagogue o de gau Ssuu.

Acts 17:4

Gai hanu gilaadeu ne hagadonusia ana muna ga hagabuni ange gi a Paul ma Silas; gai ne soa hogi dangada Greek gu daumaha ange laa gi de Maadua, ma hanu haahine maolunga ne hagadonusia.

Acts 16:29

Gai taane laa ga hagahi gi gaamai dahi laama, gai ia ga ulu gi lodo gu bolebole ma de madagu ga duuduli ga ino gi lalo i mada i mua o Paul ma Silas,

Acts 16:25

Aagai lo te boo huu gai a Paul ma Silas ga dalodalo, ma de daahili ange gi de Maadua, gai dangada i lo te hale pono ne hagallongo delaau daahili ma de dalodalo.

Acts 16:19

Aagai de masavaa huu a ono dangada aamua ne gidee ai bolo gu deai se mee e hai ai gi lagolago alaadeu sseene, gai gilaadeu ga poo a Paul ma Silas ga dada gi mada i mua o denga dagi i de mommee e hagabuni ai dangada;

Acts 15:25

Gai gimaadeu ne maanadu bolo e danuaa demaadeu hilihili hanu daane gi loadu gi oodou daha madali luoodaadeu daane e aaloha ai go Barnabas ma Paul,

Acts 15:23

ma de sisi dahi leda ga hai ange: “Gimaadeu de gau tala ma denga dagi aama denga daina i kinei e gaavadu demaadeu hagaboo gi goodou denga daina i kinaa, go denga Gentile e nnoho laa i Antioch ma Syria aama Cilicia.

Acts 11:22

Gai longo o mee laa gu tae hogi gi de nohoanga dabu i Jerusalem, aagai gilaadeu ga hai gi hano Barnabas gi Antioch.

Acts 8:14

Gai de masavaa huu a de gau tala i Jerusalem ne langona ai bolo Samaria gu kave hogi muna a de Maadua, gai gilaadeu ga hai Peter ma John gi hulo gi kilaa.

2 Chronicles 30:12

Gai de Maadua ne bale ange hogi dangada e nnoho i Judah, ga hai gilaadeu gi buni i de hai mee alodahi a Tagi Maolunga gu tala i daho de hodooligi ma denga dagi o de henua.

2 Chronicles 30:4

Gai de hodooligi ma hagabuulingaa dangada alodahi ne maanadu bolo se hegau danuaa i de hai.

2 Samuel 3:36

Gai dangada alodahi gu malangilangi i delaadeu gidee de hegau nei; gai dangada alodahi gu malangilangi hogi i hegau alodahi a de hodooligi ne hai.

Acts 11:19

Gai dangada ne mavaevae saele laa i hiidinga de vaivai haia o dangada ne daamada laa i Stephen, ne hulo loo ga tae gi Phoenicia, ma Cyprus, aama Antioch. Gai gilaadeu tee agoago ange muna a de Maadua gi hanu dangada gee, go de gau Ssuu donu huu.

Acts 11:20

Gai hanu gilaadeu mai i Cyprus ma Cyrene, ne hulo hogi gi Antioch ga agoago ange ai de gau Greek de longo danuaa o Tagi Maolunga go Iesu.

Acts 11:27

Laangi laa gai hanu pelaabisi ne loomai i Jerusalem gi Antioch.

Acts 15:3

Gai ga haia huu e de nohoanga dabu gilaadeu gi hulo, gai gilaadeu ga hulo laa Phoenicia ma Samaria, ga tala ai dagodo de daahuli lodo o denga Gentile. Gai denga daina alodahi i kilaa gu malangilangi mmao.

Acts 15:30

Gai denga daane laa ne hulo ga tae gi Antioch, ga hagabuni de nohoanga dabu alodahi, ga gaavange de leda laa gi gilaadeu.

2 Corinthians 1:19

Gai Tama Daane a de Maadua, go Iesu Klisdo, amaadeu ma Silvanus ma Timothy gu agoago ai laa i oodou magavaa, e dee hai adu “uaa” gai e “deai,” aagai masavaa alodahi e “uaa” i ono lodo.