Acts 14:19 - De Beebaa Dabu

¹⁹ Aagai de gau Ssuu ne loomai laa i Antioch ma Iconium ne hagabasa dangada, gai gilaadeu ga maga a Paul i hadu ga dada ia ga tili gi tua de aduhale; gilaadeu ne maanadu bolo ia gu magau.

Acts 14:19 Referans Kwoze

2 Timothy 3:11

ma dogu vaivai haia ma dogu hagaduasala ina — go mee ne hai mai gi de au i Antioch, ma Iconium, aama Lystra, gai au ne lodo mmahi i dogu vaivai haia. Gai Tagi Maolunga ne hagaola mai au i mee nei alodahi.

2 Corinthians 11:25

Ne dolu ogu hanonga ne hagailiilihia ai i denga laagau, gai ne dahi ogu hanonga ne magaa ina ai i denga hadu. E dolu hanonga ne maoha ai de vaga oogu ne hano ai, gai e dahi boo ma e dahi laangi oogu ne dahedahea ai i de moana.

Acts 14:5

Gai denga Gentile ma de gau Ssuu madali olaadeu dagi gu nnoho e vaivai hai gilaau, ma de maga gilaau i denga hadu.

Acts 13:45

Gai de masavaa huu a de gau Ssuu ne gidee ai dangada soa laa, gai gilaadeu gu llodo gaiaa, gai gilaadeu ne hagadaumee ange gi muna a Paul e tala laa ma de hagahadu muna ana muna.

2 Corinthians 11:23

Noo gilaadeu ni dangada hai hegau niio Klisdo, gai au e danuaa ange donu i gilaadeu — au e basa adu bei dagodo o dahi dangada senga. Agu hegau e maolunga ange, gai ne lagolago ange ogu hanonga ne tili ange ai gi lo te hale pono, gai e dee maua i de dau ogu hanonga ne hagailiilihia ai, ne dee modu dogu duu ange gi de magau.

Acts 7:58

Gai gilaadeu ga kave ia gi tua de aduhale ga maga ia gu magau i denga hadu. Gai de gau hagadonu ne dugu olaadeu malo i gaogao luu vae o dahi dama daane, dono ingoo laa go Saul.

1 Corinthians 15:31

Denga daina, au e tala adu de muna abodonu, go hiidinga o dogu malangilangi i goodou i lodo o Klisdo Iesu taadeu Dagi Maolunga: au e duu ange gi de magau i laangi alodahi.

Acts 17:13

Aagai de masavaa huu a de gau Ssuu i Thessalonica ne langona ai bolo a Paul gu agoago hogi muna a de Maadua i Berea, gai gilaadeu ga hulo hogi gi kilaa ga hai ai gi dee buni, ma de hellumi dangada soa i kilaa.

Acts 9:16

gai au e hagaago ange naa gi de ia de lagolago mee oona e hagaduasala ai i hiidinga dogu ingoo.”

Acts 22:20

Gai de masavaa a doo dangada tala hagadonu go Stephen ne daia ai ga magau, gai au ne duu hogi i kilaa ma de buni ange gi de hegau laa, gai go au ne diiloo ange malo o dangada ne daia ia ga magau.’

Acts 14:21

Gai de masavaa alaau ne agoago ai de longo danuaa i de aduhale laa, gai gu soa dangada ne hagadonusia. Gai gilaau ga aahe ange hogi gi Lystra ma Iconium aama Antioch,

Jeremiah 22:19

Ia e danu naa bei dagodo o dahi donkey, ma de dada ga kave ga tili gi tua denga haitoga o Jerusalem.”

Acts 13:14

Gai gilaadeu ne maalanga mai i Perga ga hulo gi Antioch i Pisidia. Gai de laangi huu o Sabbath gai gilaadeu ne ulu i synagogue ga nnoho gi lalo.

Acts 14:1

De masavaa o Paul ma Barnabas e nnoho ai i Iconium, gai gilaau ne hulo gi lo te synagogue ga agoago hagammahi ai, gai de gau Ssuu ma de gau Greek soa gu hagadonusia hogi.

Acts 14:2

Aagai de gau Ssuu e dee hagadonusia laa ga hagabasa denga Gentile ga hai gilaadeu gi hai baasi ange gi dangada gu hagadonusia laa.

Acts 14:4

Aagai dangada o de aduhale laa gu dee heloongoi; hanu ne buni ange gi de gau Ssuu, gai hanu gilaadeu ne buni ange gi de gau tala.

Acts 14:18

Gai alaau muna ne dai dee maua donu i de hai dangada gi dee ssigidaumaha ange gi gilaau.

Acts 14:26

Gai gilaau ne maalanga mai i kilaa ga ahe gi Antioch, go de mommee alaadeu ne dugu ange ai gilaau gi de abodonu o de Maadua, ange gi de hegau alaau gu lava laa i de hai.

Acts 15:26

gilaau ni daane ne dai maakau i hiidinga de ingoo o taadeu Dagi Maolunga go Iesu Klisdo.

2 Corinthians 11:26

Dogu hagadaga saele i hanonga lagolago, gai au ne duu ange gi mee hagamanavasaa i honga denga saalingaa vai, ma daho de gau gaiaa, ma daho ogu dangada donu, ma mee hagamanavasaa i daho denga Gentile, ma mee hagamanavasaa i lo te aduhale, ma de vao, ma honga tai, ma daho dangada e dee ni daina abodonu;

1 Thessalonians 2:14

Denga daina, goodou gu bei dagodo o denga nohoanga dabu o de Maadua i lodo o Klisdo Iesu i Judea. Goodou ne vaivai haia hogi i daho dangada doodou henua, bei delaadeu hai ne vaivai haia ai i daho de gau Ssuu,