Acts 13:51 - De Beebaa Dabu

⁵¹ Aagai Paul ma Barnabas ga luuluu gelegele i olaau vae e hai baasi ange ai gi gilaadeu, gai gilaau ga hulo gi Iconium.

Acts 13:51 Referans Kwoze

Matthew 10:14

Gai noo e deai dangada e abodonu adu gi goodou, aabe hagalaangona oodou agoago, gai goodou luuluuia gelegele i oodou vae, i de masavaa oodou e ssao ai e hulo gee i de hale aabe go de aduhale laa.

Acts 18:6

Gai de masavaa huu a dangada i kilaa ne hai baasi ange ai ma de hagabaubau ia, gai ia ga luuluu gelegele i ono malo, ga hai ange gi gilaadeu, “Doodou maakau e dau donu huu gi goodou! Au e dee haisala ai donu. Dua iainei gai au e hano naa e agoago ange denga Gentile.”

Luke 9:5

Gai be goai naa huu e dee abodonu adu gi goodou, gai de masavaa naa huu oodou e hulo gee ai i de aduhale laa, gai goodou ga luuluu gelegele i oodou vae e hagakana ange ai gilaadeu.”

Acts 14:21

Gai de masavaa alaau ne agoago ai de longo danuaa i de aduhale laa, gai gu soa dangada ne hagadonusia. Gai gilaau ga aahe ange hogi gi Lystra ma Iconium aama Antioch,

Acts 14:19

Aagai de gau Ssuu ne loomai laa i Antioch ma Iconium ne hagabasa dangada, gai gilaadeu ga maga a Paul i hadu ga dada ia ga tili gi tua de aduhale; gilaadeu ne maanadu bolo ia gu magau.

Acts 14:1

De masavaa o Paul ma Barnabas e nnoho ai i Iconium, gai gilaau ne hulo gi lo te synagogue ga agoago hagammahi ai, gai de gau Ssuu ma de gau Greek soa gu hagadonusia hogi.

Mark 6:11

Gai de mommee naa huu e dee abodonu adu gi goodou aabe hagallongo oodou agoago, gai de masavaa naa huu oodou e hulo gee ai i kilaa, gai goodou ga luuluu gi too gelegele i oodou vae e hai baasi ange ai gilaadeu!”

Acts 16:2

Gai ia se dama daane e duuhia i daho denga daina i Lystra ma Iconium.

2 Timothy 3:11

ma dogu vaivai haia ma dogu hagaduasala ina — go mee ne hai mai gi de au i Antioch, ma Iconium, aama Lystra, gai au ne lodo mmahi i dogu vaivai haia. Gai Tagi Maolunga ne hagaola mai au i mee nei alodahi.

Luke 10:11

‘Gimaadeu e luuluu donu hogi denga gelegele o doodou aduhale gu pigi mai laa gi omaadeu vae, e hai baasi adu ai gi goodou; gai goodou gi iloo bolo de nohoanga hodooligi o de Maadua gu baa mai donu!’