Acts 13:50 - De Beebaa Dabu

⁵⁰ Aagai de gau Ssuu ga hagabasa denga haahine maolunga e daumaha ange laa gi de Maadua, ma denga dagi o de aduhale laa, gai gilaadeu ga vaivai hai a Paul ma Barnabas ga alualu gilaau gi hulo gee mai i delaadeu ungaamee.

Acts 13:50 Referans Kwoze

2 Timothy 3:11

ma dogu vaivai haia ma dogu hagaduasala ina — go mee ne hai mai gi de au i Antioch, ma Iconium, aama Lystra, gai au ne lodo mmahi i dogu vaivai haia. Gai Tagi Maolunga ne hagaola mai au i mee nei alodahi.

Acts 14:19

Aagai de gau Ssuu ne loomai laa i Antioch ma Iconium ne hagabasa dangada, gai gilaadeu ga maga a Paul i hadu ga dada ia ga tili gi tua de aduhale; gilaadeu ne maanadu bolo ia gu magau.

Acts 14:2

Aagai de gau Ssuu e dee hagadonusia laa ga hagabasa denga Gentile ga hai gilaadeu gi hai baasi ange gi dangada gu hagadonusia laa.

Acts 13:45

Gai de masavaa huu a de gau Ssuu ne gidee ai dangada soa laa, gai gilaadeu gu llodo gaiaa, gai gilaadeu ne hagadaumee ange gi muna a Paul e tala laa ma de hagahadu muna ana muna.

Acts 21:27

Aagai ga odi ange ai huu denga laangi e hidu laa, gai hanu Ssuu ne loomai laa i Asia ne gidee e gilaadeu a Paul i de temple, gai gilaadeu ga hai gi hellumi dangada soa i kilaa, gai gilaadeu ga poo a Paul,

Acts 17:13

Aagai de masavaa huu a de gau Ssuu i Thessalonica ne langona ai bolo a Paul gu agoago hogi muna a de Maadua i Berea, gai gilaadeu ga hulo hogi gi kilaa ga hai ai gi dee buni, ma de hellumi dangada soa i kilaa.

Romans 10:2

Go hiidinga au e tala donu bolo gilaadeu e kona mmao de kana ange i hegau a de Maadua, aagai gilaadeu tigi tonu ange donu.

Acts 13:43

Gai de masavaa huu ne mavaevae ai dangada, gai de gau Ssuu ma denga Gentile soa gu daumaha ange laa gi de Maadua ne daudali ange i a Paul ma Barnabas, gai gilaau ga agoago ange gilaadeu ga hagammahi ange gilaadeu gi duudagi ina donu huu delaadeu seesee i de abodonu o de Maadua.

Acts 8:1

Gai a Saul ne buni ange donu gi de magau o Stephen. Gai go de laangi laa ne daamada ai de vaivai haia o de nohoanga dabu i Jerusalem. Gai dangada alodahi gu mavaevae saele gi denga mommee i Judea ma Samaria, go de gau tala donu huu e doe.

Acts 6:12

Gai gilaadeu ga hagabasa dangada, ma denga dagi aama de gau sisi, gai gilaadeu ga poo Stephen ga kave gi mada i mua o de hagabuulinga hagasaele.

Acts 2:5

Laangi laa gai gu nnoho i Jerusalem de gau Ssuu mai i denga huaahenua alodahi, go gilaadeu e daohia hainga a Moses.

Mark 5:17

Gai dangada ga dangidangi ange gi Iesu ia gi hano gee mai i delaadeu henua.

Matthew 10:23

De masavaa naa huu oodou e vaivai haia ai i dahi aduhale, gai goodou saavini hulo gi de aduhale e mua ange. Ni muna abodonu aagu e hai adu nei gi goodou, Tama a Tangada e dae mai naa i mua doodou hulo gi aduhale hugadoo o Israel.

Amos 7:12

Gai Amaziah ne hai ange gi Amos, “Taane e daalaa mee e loomai, savini hannoo gi de henua o Judah, ga gaimee ai, ma de basa pelaabisi ai i kilaa;

Isaiah 66:5

Hagalaangona muna a Tagi Maolunga, goodou e bolebole i doodou maatagu i ana muna: “Oodou daina e kino i goodou, ma de vvae gee goodou i hiidinga dogu ingoo, gu hagataba: ‘Goodou hagamahamaha ina Tagi Maolunga, gi gidee ai e gimaadeu doodou malangilangi!’ Aagai gilaadeu e dookaa naa donu.

1 Kings 21:25

(Gai teai ange donu se dangada ne bei dagodo o Ahab, ia ne dugu ange ia gi de baubau i mada luu mada o Tagi Maolunga, gai dono bodu go Jezebel ne usuusu ange ia.

Mark 15:43

gai Joseph taane Arimathea, go dahi daane hagadubu i daho de hagabuulinga hagasaele, gai se daane hogi e daalia de nohoanga hodooligi o de Maadua, ia ne lodo mmahi i de hano gi daho Pilate, ga dangidangi ange i de angaanga o Iesu.

Acts 14:4

Aagai dangada o de aduhale laa gu dee heloongoi; hanu ne buni ange gi de gau Ssuu, gai hanu gilaadeu ne buni ange gi de gau tala.

Acts 14:5

Gai denga Gentile ma de gau Ssuu madali olaadeu dagi gu nnoho e vaivai hai gilaau, ma de maga gilaau i denga hadu.

Acts 16:14

Gai e dahi hahine i kilaa ne langona amaadeu agoago, dono ingoo go Lydia. Ia se hine e hagao ina denga malo purple, gai se hine mai i Thyatira e daumaha ange gi de Maadua. Gai Tagi Maolunga ne hhuge ono lodo gi hagalaangona ai e ia muna a Paul.

Acts 17:4

Gai hanu gilaadeu ne hagadonusia ana muna ga hagabuni ange gi a Paul ma Silas; gai ne soa hogi dangada Greek gu daumaha ange laa gi de Maadua, ma hanu haahine maolunga ne hagadonusia.

Acts 17:12

Deelaa ai, gu soa gilaadeu ne hagadonusia. E hanu hogi haahine maolunga ma dangada Greek soa ne hagadonusia.

Acts 17:17

Deelaa ai, ia ne hagadaumee ange gi de gau Ssuu i lo te synagogue ma denga Gentile gu daumaha ange laa gi de Maadua, aama dangada i de mommee e hagabuni ai dangada i de laa tubua.

Acts 18:7

Gai ia ga hano gee mai i kilaa ga hano gi de hale o taane dono ingoo laa go Titius Justus, se daane e daumaha ange gi de Maadua, gai dono hale e baa ange gi synagogue.

Acts 28:17

Dua e dolu laangi gai Paul ne aalu dagi o de gau Ssuu gi loomai gi ono daha. De masavaa olaadeu ne tae mai ai, gai ia ga hai ange gi gilaadeu, “Ogu daina, tigi ai donu agu mee ne hai e baasi ange ai gi odaadeu dangada, aabe go dahulinga a odaadeu dubuna madagidagi; aagai gilaadeu ne poo au i Jerusalem ga gaavange gi de gau Rome.

2 Corinthians 11:26

Dogu hagadaga saele i hanonga lagolago, gai au ne duu ange gi mee hagamanavasaa i honga denga saalingaa vai, ma daho de gau gaiaa, ma daho ogu dangada donu, ma mee hagamanavasaa i daho denga Gentile, ma mee hagamanavasaa i lo te aduhale, ma de vao, ma honga tai, ma daho dangada e dee ni daina abodonu;

1 Thessalonians 2:14

Denga daina, goodou gu bei dagodo o denga nohoanga dabu o de Maadua i lodo o Klisdo Iesu i Judea. Goodou ne vaivai haia hogi i daho dangada doodou henua, bei delaadeu hai ne vaivai haia ai i daho de gau Ssuu,