Acts 13:45 - De Beebaa Dabu

⁴⁵ Gai de masavaa huu a de gau Ssuu ne gidee ai dangada soa laa, gai gilaadeu gu llodo gaiaa, gai gilaadeu ne hagadaumee ange gi muna a Paul e tala laa ma de hagahadu muna ana muna.

Acts 13:45 Referans Kwoze

Jude 1:10

Aagai de gau naa e pasa hagangadi mee i alaadeu mee e dee tonu ange aagena, gilaadeu e bei dagodo o denga manu e deai laa hagasaele, gai e hai donu huu maanadu e loage i olaadeu lodo, gai aalaa donu mee e daia gilaadeu ga maakau.

Acts 18:6

Gai de masavaa huu a dangada i kilaa ne hai baasi ange ai ma de hagabaubau ia, gai ia ga luuluu gelegele i ono malo, ga hai ange gi gilaadeu, “Doodou maakau e dau donu huu gi goodou! Au e dee haisala ai donu. Dua iainei gai au e hano naa e agoago ange denga Gentile.”

1 Thessalonians 2:16

De gau nei ne hagammahi donu ga buibui gimaadeu gi dee agoagona ange denga Gentile, gi dee hagamouli ai gilaadeu. Gai gilaadeu e hai gi kii ange de hoohonu olaadeu haisala i delaadeu hai mee nei. Gai de bole ⌊o de Maadua⌋ gu duu ange donu gi gilaadeu iainei!

Acts 19:9

Aagai hanu ne hagamakaga olaadeu lodo; gilaadeu tee llodo e hagadonu, gai ne hagabaubau dagodo o de Haiava i madamada o dangada. Gai a Paul ne hano gee i olaadeu daha, ga kave denga dangada agoago madali ia, gai laangi alodahi gilaadeu ne hagabuni ga madaangudu i de mommee hagabuni o Tyrannus.

Acts 5:17

Gai tangada haimeedabu maolunga ne hidi age aama gilaadeu alodahi madali ia (go de hagabuulinga o denga Sadducee), gilaadeu gu kona mmao de llodo gaiaa,

1 Peter 4:4

Gai iainei gilaadeu gu llele mouli i doodou dee hagabuni ma gilaadeu e hai ai denga dahulinga baubau, gai gilaadeu gu hagabaubau goodou.

1 Corinthians 3:3

go hiidinga goodou goi hai donu huu lodo o de angaanga. Gai e dee anaa hiidinga oodou e llodo gaiaa ai naa ma de hagadaumee i oodou magavaa: goodou e dee nnoho naa huu i lodo o de angaanga, ma de hai hegau bei dagodo o dangada?

Acts 17:5

Aagai de gau Ssuu gu magiaa, gai gilaadeu ga gaamai hanu dangada baubau i de mommee e hagabuni ai dangada, ga hai dangada gi haia gi hellumi de aduhale. Gai gilaadeu ga saavini gi de hale o Jason e saalaa ai a Paul ma Silas, e hagassao mai ai gilaau gi daho de gau soa laa.

Matthew 27:18

Gai Pilate gu iloo bolo, dagi o de gau Ssuu ne gaavange Iesu, i hiidinga delaadeu llodo gaiaa.

James 4:5

Goodou e maanadu bolo ni ngadi muna e sisi laa i de Beebaa Dabu, e hai ange, “De Maadua e lodo gaiaa ange mmao i de hagasaalunga aana gu hai laa gi noho i odaadeu lodo”?

Galatians 5:21

ma de lodo gaiaa, ma de llodo e unu gi ssenga, ma de hai daonga e unu ai ga ssenga dangada ga hagalongaa ai, aama de hai dahulinga alodahi bei mee nei. Au e tala adu gi goodou, bei dagu hai gu tala adu ai i mua, bolo dangada e haia mee nei e dee ulu donu i de nohoanga hodooligi o de Maadua.

Romans 1:29

Gai alaadeu maanadu gu hoohonu i denga hagadaagangaa dahulinga dee heohi, ma de baubau, ma de nnoo hagamau mee, ma de maanadu baubau. Gilaadeu e llodo gaiaa mmao, ma de daa tangada gi magau, ma de hagadaumee, ma de daahanga dangada, ma de alasala, ma de kave muna hagabaubau,

Matthew 23:13

“E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e pono de nohoanga hodooligi o de langi i dangada. Goodou e dee ulu ai, aagai goodou e buibui hogi dangada e llodo laa e ulu ai! [

Ecclesiastes 4:4

Au ne gidee hogi bolo hegau alodahi ma denga hegau labagau alodahi ne hai i hiidinga de lodo gaiaa o tangada i tangada ange laa. De mee nei e deai hogi ono haigamaiana, gai e bei de ngadi doolohi a tangada de madangi.

Numbers 11:29

Gai Moses ga hai ange gi de ia, “Koe gu magiaa ange naa gi gilaau i ogu hiidinga? Mee naa dangada alodahi o Tagi Maolunga gi ni pelaabisi gai Tagi Maolunga gi haia gi humai dono Hagasaalunga gi olaadeu elunga!”

Genesis 37:11

Gai ono daina daane gu magiaa ange gi de ia, gai dono damana ne daohi mee nei i ono lodo.

Isaiah 26:11

Tagi Maolunga, doo lima gu hagaabo aagai gilaadeu e dee gidee. Haia gi gidee e gilaadeu doo lodo mmahi i hiidinga o oo dangada, ma de hai gilaadeu gi dookaa; haia de ahi gu baba ange laa gi oo hagadaumee gi duungia gilaadeu.

Acts 13:50

Aagai de gau Ssuu ga hagabasa denga haahine maolunga e daumaha ange laa gi de Maadua, ma denga dagi o de aduhale laa, gai gilaadeu ga vaivai hai a Paul ma Barnabas ga alualu gilaau gi hulo gee mai i delaadeu ungaamee.

Acts 14:2

Aagai de gau Ssuu e dee hagadonusia laa ga hagabasa denga Gentile ga hai gilaadeu gi hai baasi ange gi dangada gu hagadonusia laa.

Acts 14:4

Aagai dangada o de aduhale laa gu dee heloongoi; hanu ne buni ange gi de gau Ssuu, gai hanu gilaadeu ne buni ange gi de gau tala.

Acts 14:5

Gai denga Gentile ma de gau Ssuu madali olaadeu dagi gu nnoho e vaivai hai gilaau, ma de maga gilaau i denga hadu.

Acts 14:19

Aagai de gau Ssuu ne loomai laa i Antioch ma Iconium ne hagabasa dangada, gai gilaadeu ga maga a Paul i hadu ga dada ia ga tili gi tua de aduhale; gilaadeu ne maanadu bolo ia gu magau.

2 Corinthians 11:26

Dogu hagadaga saele i hanonga lagolago, gai au ne duu ange gi mee hagamanavasaa i honga denga saalingaa vai, ma daho de gau gaiaa, ma daho ogu dangada donu, ma mee hagamanavasaa i daho denga Gentile, ma mee hagamanavasaa i lo te aduhale, ma de vao, ma honga tai, ma daho dangada e dee ni daina abodonu;

2 Timothy 3:11

ma dogu vaivai haia ma dogu hagaduasala ina — go mee ne hai mai gi de au i Antioch, ma Iconium, aama Lystra, gai au ne lodo mmahi i dogu vaivai haia. Gai Tagi Maolunga ne hagaola mai au i mee nei alodahi.