Acts 13:41 - De Beebaa Dabu

⁴¹ ‘Tilo, goodou de gau doo mee, gi llele oodou mouli ma de maakau; go hiidinga au e hai naa dahi hegau i oodou laangi, gai goodou e dee hagadonu naa donu, e dee galemu donu de daalaa adu a dahi gi goodou!’ ”

Acts 13:41 Referans Kwoze

Habakkuk 1:5

“Galo ange diiloo dagodo o denga huaahenua, gi kona ai de llele oodou mouli. Go hiidinga au e hai naa dahi hegau i doodou masavaa, gai goodou e dee hagadonusia naa donu, e dee galemu donu dagu tala adu gi goodou.

1 Peter 4:17

Gai gu dae mai de masavaa e daamada ai de hagamodu muna o dangada o de Maadua; gai noo de hagamodu muna e daamada i gidaadeu, gai aahee ai naa dagodo o dangada e dee hagallongo ange gi de longo danuaa a de Maadua?

Proverbs 5:12

koe ne hagadaba, “Au ne kino mmao i dogu agoagona, gai au ne hagangadi mee dogu haelenga!

1 Thessalonians 2:16

De gau nei ne hagammahi donu ga buibui gimaadeu gi dee agoagona ange denga Gentile, gi dee hagamouli ai gilaadeu. Gai gilaadeu e hai gi kii ange de hoohonu olaadeu haisala i delaadeu hai mee nei. Gai de bole ⌊o de Maadua⌋ gu duu ange donu gi gilaadeu iainei!

Acts 13:47

Go hiidinga deenei de mee a Tagi Maolunga gu tala mai gi gidaadeu, e hagadaba: ‘Au gu hai goe gi se maalama ange gi denga Gentile, gai koe ga kave ai de hagaola gi de bido laa o henua i lalo.’ ”

Acts 22:21

Aagai ia ne hai mai gi de au, ‘Hannoo, au e hai goe gi hano gi daho denga Gentile i de mommee mmao.’ ”

Luke 16:14

Gai denga Pharisee, e nnoo ange laa gi sseene lagolago, ne langona e gilaadeu muna nei, gai gilaadeu ga doo mee i Iesu.

Isaiah 65:15

Gai doodou ingoo e hai naa ga se mee hagamalaia ange gi dangada aagu gu hili; gai de Ia Aamua go Iahweh e daa naa goodou ga maakau, aagai ia e gaavange naa dahi ingoo hoou moo ogu dangada hai hegau.

Isaiah 5:24

Deenei ai, e bei de ahi ula e dudu ai laa denga helii mmasa gai denga helii mmasa e dudu ga odi i lo te ahi ula, gai olaadeu aga e hulo ga pobo; olaadeu huaala e ilihia e de madangi bei de mama o denga gelegele, go hiidinga gilaadeu gu tili de hainga a Tagi o denga hagabuulinga hebagi, ma de hagangadi mee muna a de Ia Dabu o Israel.

Acts 3:23

Gai dangada alodahi e dee hagallongo ange gi muna a de pelaabisi e daa naa gi maakau ga aau gee mai i daho dangada.’

Acts 6:14

gimaadeu gu langona ia e hagadaba bolo Iesu taane Nazareth e oha naa de mommee nei, ma de sui denga dahulinga a Moses gu gaamai gi gidaadeu.”

Luke 23:35

Aagai dangada ne tuu ga haaina ia, gai dagi o de gau Ssuu ga doo mee i de ia, ga hagataba, “Ia ne hagaola dangada ange laa; ia gi hagaola ina ia, noo go ia de Klisdo a de Maadua, de ia aana gu hili!”

Ezekiel 33:9

Aagai noo koe e hakana ange tangada baubau ia gi dahuli gee i ana hegau baubau, gai ia e dee dahuli gee ai, gai ia e magau naa donu i hiidinga ono haisala, aagai koe e hagaola naa donu goe.