Acts 13:26 - De Beebaa Dabu

²⁶ Denga daina, go dangada de aamuli o Abraham, aama dangada alodahi e maatagu i de Maadua, muna o de hagamouli nei ne gaamai gi gidaadeu.

Acts 13:26 Referans Kwoze

Colossians 1:5

i hiidinga de tali hagalodolodo gu hagadabena adu laa gi goodou i de langi. Gai goodou gu langona dagodo o de tali nei i de agoago abodonu, go de longo danuaa,

Ephesians 1:13

Goodou gu dau hogi madali Klisdo, i de masavaa oodou ne langona ai de muna abodonu, go de longo danuaa oodou ne hagamouli ai, ma doodou hagadonusia ia, ga hagailonga i de Hagasaalunga Dabu gu lava laa i de hagatoo donu ai,

Romans 1:16

Go hiidinga au e dee dogaa donu i de longo danuaa nei, i hiidinga deenei ssauaa o de Maadua e hagamouli ai dangada alodahi e hagadonusia; ange gi de gau Ssuu i mua gai ange hogi gi denga Gentile.

Luke 1:77

ma de hai gi iloo e ono dangada dagodo o de hagaola, i hiidinga dono degi ange gi olaadeu haisala,

Luke 1:69

ia gu gaamai gi gidaadeu dahi Ia Hagaola mmahi, mai i de aamuli o dono dangada hai hegau go David,

Isaiah 46:13

au e hai gi baa mai dogu heohi, gai e dee mmao donu; gai dagu hagaola mai e dee mmule donu. Au e hai dagu hagaola gi dagodo i Zion, gai dogu mahamaha i Israel.

Acts 13:46

Gai Paul ma Barnabas ne pasa ange gi gilaadeu i de lo taane, ga hai ange, “Ne heohi donu de tala adu gi goodou muna a de Maadua i mua, gai go hiidinga goodou ne kino ai, ma de maanadu bolo goodou e dee heohi ange gi de mouli e dee ngado mai, deenei ai, iainei gimaau ga hulo gi denga Gentile.

Acts 13:43

Gai de masavaa huu ne mavaevae ai dangada, gai de gau Ssuu ma denga Gentile soa gu daumaha ange laa gi de Maadua ne daudali ange i a Paul ma Barnabas, gai gilaau ga agoago ange gilaadeu ga hagammahi ange gilaadeu gi duudagi ina donu huu delaadeu seesee i de abodonu o de Maadua.

Acts 10:35

aagai e abodonu ange gi dangada i denga huaahenua alodahi e maatagu i de ia, ma de hai hegau i de mee heohi.

Acts 5:20

“Goodou hulo gi lo te temple mage daalaa ange ai gi dangada muna o de mouli.”

Acts 4:12

E deai ange donu se hagamouli i daho dahi dangada ange, gai e deai ange donu se ingoo ne gaavange gi dangada o henua i lalo e maua i de hagamouli gidaadeu.”

Luke 24:47

gai de dahuli o de lodo ma de degi ange gi haisala, e agoago ange naa gi denga huaahenua alodahi i dono ingoo, gai e daamada mai i Jerusalem.

Matthew 10:6

Gai goodou hulo donu huu gi denga ssiibi i magavaa o dangada o Israel gu dee maaleva laa.

Matthew 3:9

Gai goodou aude hagataba, ‘Gimaadeu ni dama nii Abraham’. Au e hai adu gi goodou, de Maadua e maua donu i de hai hadu nei e hai ai dama a Abraham!

Acts 16:17

Aagai tamaa hine laa ne daudali mai i gimaadeu ma Paul, gai ia ne oo ga hagadaba, “Denga daane nei ni dangada hai hegau niio de Maadua Maolunga Mmao laa. Gilaadeu e tala adu doodou hai e hagamouli ai.”

Acts 3:26

De masavaa a de Maadua ne hagamouli age ai dono dangada hai hegau, gai ia ne hai ia gi humai gi goodou i mua e hagamanuuia ai goodou, gai ia ga hai ai gi hulo gee goodou alodahi i oodou hegau baubau.”

Acts 28:28

Deenei ai, au e lodo goodou gi iloo bolo de hagaola a de Maadua gu agoago ange hogi gi denga Gentile, gai gilaadeu e hagallongo naa donu!” [

Isaiah 48:1

Dangada o Jacob, goodou hagalaangona muna nei, go goodou gu hagaingoo ange go Israel, gai ne hagadili i daho Judah, goodou e hagatoo donu i de ingoo o Tagi Maolunga, ma de dagudagu de Maadua o Israel, aagai e dee se muna abodonu aabe e hai i de heohi.

Psalm 105:6

De aamuli o Abraham, dono dangada hai hegau, de hagadiilinga o Jacob, go dangada aana gu hili!

Isaiah 41:8

Israel, go koe dogu dangada hai hegau, Jacob, go de ia aagu ne hili, goodou go hagadiilinga o dogu soa go Abraham.

2 Chronicles 20:7

Demaadeu Maadua, e aha, e dee go koe ne aaua gee dangada nogo nnoho i de henua nei i mada i mua o oo dangada, go de gau Israel, gai ga gaavange de henua gi hagadiilinga o doo soa go Abraham gi henua ai ga hano ai?

John 6:68

Simon Peter ne hai ange gi de ia, “Tagi Maolunga, gai go daho ai ange naa omaadeu e hulo aagena? Gai go oo daha iai muna o de mouli e dee ngado mai.

Acts 10:2

gai gilaadeu ma dangada alodahi i dono hale e maatagu i de Maadua, gai e abodonu ange gi de gau hagaau aloha, ma de dalodalo ange gi de Maadua i masavaa alodahi.

Acts 22:5

Gai tangada haimeedabu maolunga ma de hagabuulinga hagasaele e maua donu i de hagadonu agu muna, go hiidinga gilaadeu ne gaamai hanu leda au gi gaavee gi olaadeu soa i Damascus. Aagai au ne hano gi kilaa e noonooa ai dangada e nnoho i kilaa e gaamai gi Jerusalem e hagaduasala ai gilaadeu.