Acts 13:16 - De Beebaa Dabu

¹⁶ Gai Paul ne hidi age ga daodaohi ange dono lima ga hai ange, “Denga daane o Israel, ma goodou e maatagu i de Maadua, goodou nnoho mai hagalaangona!

Acts 13:16 Referans Kwoze

Acts 12:17

Gai Peter ga daodaohi ange dono lima, ga hai gilaadeu gi dee pasa, gai ia ga tala ange gi gilaadeu de hai a Tagi Maolunga ne hagasao mai ai ia i lo te hale pono. Ia ne hai ange hogi gi gilaadeu, “Goodou hulo daalaa ange gi James ma denga daina ange laa mee nei.” Aagai ia ga hano gee mai i kilaa ga hano gi dahi mommee gee.

Acts 13:26

Denga daina, go dangada de aamuli o Abraham, aama dangada alodahi e maatagu i de Maadua, muna o de hagamouli nei ne gaamai gi gidaadeu.

Acts 10:2

gai gilaadeu ma dangada alodahi i dono hale e maatagu i de Maadua, gai e abodonu ange gi de gau hagaau aloha, ma de dalodalo ange gi de Maadua i masavaa alodahi.

Revelation 2:29

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu.

Revelation 2:17

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii, gai au e gaavange naa gi de ia hanu manna e doange laa. Au e gaavange naa gi de ia dahi hadu tea e sisi ai dahi ingoo hoou, gai go tangada donu huu ne gaavange laa aagena e iloo de ingoo laa.

Revelation 2:11

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii e dee duu ange donu gi de lua magau.

Revelation 2:7

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii, gai au e dugu ange naa ia gi gaina hua o de manu o de mouli i lo te veelenga a de Maadua.

Acts 22:22

Gai dangada ne hagallongo ana muna ga dae ai gi dana tala de mee nei. Aagai gilaadeu ga hevaalogi ga hagataba, “Daia gi magau taane naa! E dee danuaa donu dono mouli!”

Acts 21:40

Gai de masavaa huu a tagi laa ne dugu ange ai dono masavaa, gai a Paul ga duu i honga de gaagenga ga daodaohi ange dono lima gi dangada. Gai dangada gu dee mmuu, gai ia ga basa ange gi gilaadeu i muna Aramaic, ga hai ange:

Acts 19:33

Gai de gau Ssuu ne usu Alexander gi mada i mua, gai hanu i magavaa o dangada ne tala ange ana mee e hai. Gai Alexander ga daohi age dono lima ga hai gilaadeu gi dee hagalongaa, gi maua ai e ia i de tala ange dono donu ange gi dangada.

Acts 13:46

Gai Paul ma Barnabas ne pasa ange gi gilaadeu i de lo taane, ga hai ange, “Ne heohi donu de tala adu gi goodou muna a de Maadua i mua, gai go hiidinga goodou ne kino ai, ma de maanadu bolo goodou e dee heohi ange gi de mouli e dee ngado mai, deenei ai, iainei gimaau ga hulo gi denga Gentile.

Acts 10:35

aagai e abodonu ange gi dangada i denga huaahenua alodahi e maatagu i de ia, ma de hai hegau i de mee heohi.

Acts 3:12

Gai ga gidee huu e Peter mee nei, gai ia ga hai ange gi dangada, “Denga daane o Israel, gu aha gu llele ai naa oodou mouli i mee nei? Gai gu aha gu haaina ai naa goodou gimaau, e dagodo be go gimaau ne haia ga seesee taane nei i omaau sauaa ma omaau danuaa donu huu?

Acts 2:22

De gau Israel, nnoho mai hagalaangona muna nei: Iesu taane Nazareth gu lava i de hagaago danuaa adu a de Maadua gi goodou i denga hegau sauaa ma mee hagalele mouli, aama hagailonga, i mee a de Maadua ne hagahai hegau i ono daha i oodou magavaa, bei doodou hai gu iloo ai naa.

Acts 2:14

Aagai Peter ga duu age madali tinoangahulu ma dogodahi, ga oo ga hai ange gi gilaadeu, “Goodou de gau Ssuu ma dangada alodahi e nnoho i Jerusalem, nnoho mai hagalaangona agu muna gi tonu ange ai goodou.

Luke 1:50

Gai ia e degi ange gi gilaadeu e maatagu i de ia, mai i dahi atangada ma dahi atangada.

Matthew 11:15

Be goai e hanu ono dalinga, gai ia gi hagalaangona.

Psalm 135:20

De aamuli o Levi, hagadegi ina Tagi Maolunga; goodou e maatagu i Tagi Maolunga, hagadegi ina Tagi Maolunga!

Psalm 85:9

Ni muna abodonu, dana hagaola e dee mmao gee donu i gilaadeu e maatagu i de ia, gi dagodo ai de mahamaha o Tagi Maolunga i honga taadeu henua.

Psalm 67:7

De Maadua e hagamanuuia naa gidaadeu; gai henua i lalo alodahi e maatagu naa i de ia!

1 Kings 8:40

gi maatagu ai gilaadeu i de goe i taulooloa delaadeu mouli i de henua aau ne gaavange gi omaadeu dubuna madagidagi.

Luke 23:40

Aagai taane ange laa ga hagasee dono soa, ga hai ange, “Koe e dee madagu naa donu i de Maadua, i hiidinga koe ne hagamodu oo muna e hagaduasala bei dagodo o taane nei?

Luke 1:22

Gai de masavaa huu oona ne sao mai ai, gai ia gu dee maua i de basa ange gi dangada, gai gilaadeu gu iloo bolo ia gu gidee dahi midi hagaago ange i lo te temple. Aagai Zechariah ne hagatale de tala ange ana muna i luoono lima, ia gu dee maua i de basa.