Acts 13:14 - De Beebaa Dabu

¹⁴ Gai gilaadeu ne maalanga mai i Perga ga hulo gi Antioch i Pisidia. Gai de laangi huu o Sabbath gai gilaadeu ne ulu i synagogue ga nnoho gi lalo.

Acts 13:14 Referans Kwoze

Acts 16:13

Gai de laangi huu o Sabbath, gai gimaadeu ga hulo gi tua de aduhale i gaogao dahi vai, gimaadeu ne maanadu bolo e dahi mommee e dalodalo ai i kilaa; gai gimaadeu ne nnoho ga madaangudu ange gi denga haahine gu hagabuni mai laa gi kilaa.

Acts 17:2

Gai a Paul e hano gi lo te synagogue bei ana hegau i de laa tubua, gai ia ne madaangudu ange gi gilaadeu i muna a de Beebaa Dabu i e dolu Sabbath,

Acts 14:19

Aagai de gau Ssuu ne loomai laa i Antioch ma Iconium ne hagabasa dangada, gai gilaadeu ga maga a Paul i hadu ga dada ia ga tili gi tua de aduhale; gilaadeu ne maanadu bolo ia gu magau.

Acts 13:5

Gai ga tae huu gilaau gi Salamis, gai gilaau ga agoago hogi muna a de Maadua i denga synagogue o de gau Ssuu i kilaa. Gai gilaau ne kave hogi a John Mark gi balea ange ai gilaau.

Acts 18:4

Gai denga Sabbath alodahi gai Paul ne madaangudu ange i synagogue ma de usuusu ange de gau Ssuu ma de gau Greek gi daahuli.

Acts 19:8

Paul ne hano hogi gi de synagogue i e dolu malama, ga agoago ai i de lo taane ma de usuusu ange dangada i dagodo de nohoanga hodooligi o de Maadua.

Acts 13:44

Gai de laangi huu o Sabbath i ono dua, gai gu dai odi mai donu dangada i de aduhale laa e hagallongo muna a de Maadua.

Acts 13:42

Gai de masavaa olaau ne ssao ai gi haho, gai dangada ga dangidangi ange gilaau gi aahe mai ange gi daalaa ange muna laa gi gilaadeu i Sabbath e mua mai.

Acts 9:20

Gai ia ne moolau donu de daamada de agoago i dagodo o Iesu i denga synagogue ga tala bolo Iesu go Tama Daane donu a de Maadua.

Luke 4:16

Ia ne hano hogi gi Nazareth, go de mommee oona ne madua ai. Gai ia ne hano gi synagogue i de laangi o Sabbath, bei ana hegau e hai i de laa tubua. Gai ia ne duu age e dau de Beebaa Dabu,

Acts 13:46

Gai Paul ma Barnabas ne pasa ange gi gilaadeu i de lo taane, ga hai ange, “Ne heohi donu de tala adu gi goodou muna a de Maadua i mua, gai go hiidinga goodou ne kino ai, ma de maanadu bolo goodou e dee heohi ange gi de mouli e dee ngado mai, deenei ai, iainei gimaau ga hulo gi denga Gentile.

2 Timothy 3:11

ma dogu vaivai haia ma dogu hagaduasala ina — go mee ne hai mai gi de au i Antioch, ma Iconium, aama Lystra, gai au ne lodo mmahi i dogu vaivai haia. Gai Tagi Maolunga ne hagaola mai au i mee nei alodahi.