Acts 11:26 - De Beebaa Dabu

²⁶ gai ga gidee huu e ia a Saul, gai ia ga kave ia gi Antioch. Gai gilaau ne hagabuni madali de nohoanga dabu i kilaa i dahi ngadau ga agoago ange dangada soa. Gai dangada agoago ne daamada de hagaingoo ange go denga Christian.

Acts 11:26 Referans Kwoze

1 Peter 4:16

Gai noo dahi dangada gu hagaduasala i hiidinga dana hagadonusia de ingoo o Klisdo, gai ia gi dee dogaa, aagai ia gi duuhia de Maadua i hiidinga ia e hagauda de ingoo laa.

Acts 26:28

Gai Agrippa ga hai ange gi a Paul, “E momo ange huu koe gu hai au gi se Christian, i dahi masavaa bodobodo donu huu!”

1 John 2:27

Aagai de hagadabu i de lolo oodou gu kave naa i daho Klisdo gu noho donu i oodou lodo, deenei ai, e deai ange donu se dangada e agoagona adu goodou i de mee heohi. Aagai go de hagadabu i de lolo oodou gu kave naa e agoagona adu goodou i mee alodahi, gai ni muna abodonu, e dee ni muna hhadu — goodou nnoho i ono lodo bei doodou hai gu agoago ai naa.

1 Peter 4:14

Noo goodou e hagadookaa ina i hiidinga de ingoo o Klisdo, gai goodou gu manuuia, go hiidinga de Hagasaalunga o de mahamaha, e bei go de Hagasaalunga o de Maadua, e noho i oodou elunga.

Ephesians 3:15

go de ia o denga huaabodu alodahi i de langi ma henua i lalo ne hagaingoo ai,

1 Corinthians 14:23

Deenei ai, noo de nohoanga dabu alodahi gu hagabuni, gai dangada alodahi e pasa i denga hagadaagangaa muna, gai hanu dangada gee aabe ni dangada tigi hagadonusia e ulu mai, gai gilaadeu e dee hagataba naa bolo goodou gu ssenga ange?

1 Corinthians 12:12

Gai e bei dagodo o de angaanga, e dahi donu huu angaanga, aagai e lagolago donu diba o de angaanga daudahi, gai e bei ai hogi dagodo o Klisdo.

1 Corinthians 11:18

Gai deenei tahi mee oodou e hai: de masavaa o de nohoanga dabu e hagabuni ai, gai au gu langona bolo e hanu hagabuulinga i oodou magavaa e hagadau hai baasi; gai au e dai hagadonusia donu muna nei.

1 Corinthians 4:17

Aanei hiidinga aagu ne hai ai naa Timothy gi hanadu gi oodou daha, ia se dama hagamogomogo gai e hai hegau i de mee abodonu i lodo o Tagi Maolunga. Gai ia ga hagamaanadu adu ai gi goodou dagodo o dogu mouli i lodo o Klisdo, bei dagu hai ne agoago ai laa mee nei i denga nohoanga dabu i mommee alodahi.

Acts 14:27

Gai de masavaa olaau ne tae ai gi kilaa, gai gilaau ga hagabuni de nohoanga dabu, gai gilaau ga tala ange mee alodahi a de Maadua gu hai i olaau daha, ma dana hhuge ange de haitoga o de gai gi denga Gentile.

Matthew 28:19

Deenei ai, goodou hulo haia gi hanu agu dangada agoago i denga huaahenua alodahi, ga babudaisi gilaadeu i de ingoo o Tamana ma Tama aama de Hagasaalunga Dabu,

Revelation 3:18

Deenei ai, au e hai adu koe gi hagao ina hanu goolo gu lava laa i de hagadanuaa i de ahi i ogu daha, gi lava ai goe, ma de gahu i malo tea, gi dee hagadookaa ai oo dagodo i teai oo malo. Hagao ina hogi hanu valaai e hai ai luoo ganomada gi gide ai goe.

Acts 14:23

Gai gilaau ga hili denga dagi i dahi nohoanga dabu ma dahi nohoanga dabu, i de dalodalo ma de hagahiikai, ga gaavange gilaadeu gi Tagi Maolunga, de ia olaadeu e kai ange laa aagena.

Acts 11:27

Laangi laa gai hanu pelaabisi ne loomai i Jerusalem gi Antioch.

Acts 11:22

Gai longo o mee laa gu tae hogi gi de nohoanga dabu i Jerusalem, aagai gilaadeu ga hai gi hano Barnabas gi Antioch.

Acts 11:20

Gai hanu gilaadeu mai i Cyprus ma Cyrene, ne hulo hogi gi Antioch ga agoago ange ai de gau Greek de longo danuaa o Tagi Maolunga go Iesu.

Acts 6:5

Aagai dangada alodahi gu malangilangi i muna nei. Gai gilaadeu ga hili Stephen, ia se daane e honu i de gai ma de Hagasaalunga Dabu, madali a Philip, ma Procorus, ma Nicanor, ma Timon, ma Parmenas, ma Nicolaus taane Antioch gu daumaha laa bei de gau Ssuu.

Isaiah 65:15

Gai doodou ingoo e hai naa ga se mee hagamalaia ange gi dangada aagu gu hili; gai de Ia Aamua go Iahweh e daa naa goodou ga maakau, aagai ia e gaavange naa dahi ingoo hoou moo ogu dangada hai hegau.

John 2:2

Gai Iesu ma ana dangada agoago ne saalaa hogi i taonga hagahai bodu laa.

Acts 1:15

Laangi laa gai Peter ne duu age i magavaa o dangada gu hagadonusia laa (taelodo o dangada i kilaa se 120) ga hai ange,

Acts 6:1

Gai de masavaa huu ne kii ange ai de soa dangada gu hagadonusia, gai denga daina e pasa Greek laa ne nnanu i denga daina e pasa Hebrew laa, i hiidinga gilaadeu e dee tilo danuaa ange alaadeu haahine gu maakau olaadeu bodu i de masavaa e duha ai gai i laangi alodahi.

Acts 9:19

gai ga bosu huu ia i de gaimee gai ia gu mmahi age. Aagai Saul ne noho i hanu laangi i daho dangada gu hagadonusia laa i Damascus.

Acts 9:38

Gai Lydda se mommee e baa ange gi Joppa, gai gilaadeu gu hagadonusia e nnoho laa i kilaa gu langona bolo Peter e noho i Lydda, gai gilaadeu ga hai gi hulo e dogolua daane gi dangidangi ange gi hai ange, “Aude haihaia, hagamoolau humai gi omaadeu daha.”

Acts 11:29

Gai gilaadeu gu hagadonusia i kilaa, ne hagamodu bolo e daohi age hanu mee e bale ange ai denga daina i Judea, i de mee a dahi ma dahi e mau.

Acts 14:20

Aagai de masavaa huu o dangada gu hagadonusia laa ne tuu ai ga duuli ia, gai ia ga hidi age ga ahe gi de aduhale. De laangi i ono dua, gai a Paul ma Barnabas ne hulo gi Derbe.

Acts 14:22

ga hagammahi ange ai lodo o denga dangada agoago gilaadeu gi duudagina de daohi de gai, ga hai ange, “Gidaadeu e tuu ange naa donu gi denga hagaduasala lagolago, gi maua ai e gidaadeu i de ulu i de hodooligi o de Maadua.”

Acts 14:28

Gai ne daulooloa delaau nnoho i daho dangada gu hagadonusia i kilaa.

Acts 18:27

De masavaa huu o Apollos ne lodo ai e hano gi Achaia, gai denga daina ga hagammahi ange ia gi hano, ma de sisi ange dahi leda gi denga daina i Achaia, gilaadeu gi abodonu ange gi de ia. De masavaa o Apollos ne dae ai gi kilaa, gai ia ne bale danuaa ange gilaadeu gu hagadonusia i de abodonu e dohu ange laa gi gilaadeu.

Acts 19:9

Aagai hanu ne hagamakaga olaadeu lodo; gilaadeu tee llodo e hagadonu, gai ne hagabaubau dagodo o de Haiava i madamada o dangada. Gai a Paul ne hano gee i olaadeu daha, ga kave denga dangada agoago madali ia, gai laangi alodahi gilaadeu ne hagabuni ga madaangudu i de mommee hagabuni o Tyrannus.

Acts 20:1

Dua huu de helui de hellumi laa, gai a Paul ne hagahi denga daina ga hagammahi ange olaadeu lodo ma de hagaboo ange gi gilaadeu, gai ia ga hano gi Macedonia.

Acts 20:30

Gai e hanu donu hogi dangada i oodou magavaa e hiihidi age ga hagahaisala de mee heohi ga dagi gee ai hanu daina.

Acts 21:4

Gai gimaadeu ne too age ga ssala denga daina i kilaa, ga nnoho i olaadeu daha i e hidu laangi. Gai gilaadeu ne usuusu ange a Paul i ssauaa o de Hagasaalunga ⌊Dabu⌋ ia gi dee hano gi Jerusalem.

James 2:7

Gai e dee go gilaadeu hogi e hagabaubau ina laa de ingoo dabu oodou gu hagaingoo ai naa?