Acts 11:23 - De Beebaa Dabu

²³ Dono masavaa ne dae ai gi kilaa, gai ia gu gidee mee a de Maadua gu hai i kilaa i dono abodonu, gai ia gu malangilangi, ga hagammahi ange gilaadeu alodahi gi hai hegau ange gi Tagi Maolunga i de mee abodonu ma de lodo mmahi.

Acts 11:23 Referans Kwoze

1 Corinthians 15:58

Deenei ai, ogu daina hagamogomogo, goodou tuu gi makaga, gu dee maua gi ngalungaalue, gai gu llodo mmahi i de hai hegau a Tagi Maolunga i masavaa alodahi, i hiidinga goodou e iloo bolo oodou hegau i lodo o Tagi Maolunga e dee ni ngadi hegau.

Acts 14:22

ga hagammahi ange ai lodo o denga dangada agoago gilaadeu gi duudagina de daohi de gai, ga hai ange, “Gidaadeu e tuu ange naa donu gi denga hagaduasala lagolago, gi maua ai e gidaadeu i de ulu i de hodooligi o de Maadua.”

Acts 13:43

Gai de masavaa huu ne mavaevae ai dangada, gai de gau Ssuu ma denga Gentile soa gu daumaha ange laa gi de Maadua ne daudali ange i a Paul ma Barnabas, gai gilaau ga agoago ange gilaadeu ga hagammahi ange gilaadeu gi duudagi ina donu huu delaadeu seesee i de abodonu o de Maadua.

1 John 2:28

Agu dama, goodou gi duudagi ina de nnoho i ono lodo, gi llodo mmahi ai goodou ma tee dookaa, i ono mada i mua i dono masavaa e hagasula mai ai.

2 Timothy 3:10

Gai koe gu iloo donu dagodo o agu agoago alodahi, ma dogu mouli, ma dagu hagatau, ma dogu gai, ma de golomagi ogu lodo, ma dogu aloha, ma dogu hagaduu ngae i de lodo mmahi,

Colossians 1:6

gu dae adu naa hogi gi goodou. Gai go de longo danuaa hogi gu hagadili ina laa hua lagolago aama de hagadagadaga age i henua i lalo alodahi — bei de hai gu hagadili ai naa hogi ono hua i oodou magavaa, mai i de laangi oodou ne langona ai ga tonu ange gi de abodonu o de Maadua.

Acts 20:24

Aagai au e dee hagamogomogo donu dogu mouli, aabe e hai gi se mee e dau, gi maua ai e au i de hagalava de hagatau ma dagu duuhanga hegau mai i daho Tagi Maolunga go Iesu, go de tala hagadonu de longo danuaa, go dagodo de abodonu o de Maadua.

3 John 1:4

Gai e deai ange donu se mee e kii ange dogu hagamalangilangi, bei dagu langona bolo agu dama e seesee i de mee abodonu.

Acts 14:26

Gai gilaau ne maalanga mai i kilaa ga ahe gi Antioch, go de mommee alaadeu ne dugu ange ai gilaau gi de abodonu o de Maadua, ange gi de hegau alaau gu lava laa i de hai.

Joshua 23:8

Aagai goodou ga hagapigi ange gi Tagi Maolunga doodou Maadua, bei doodou hai gu hai hegau ai laa ga dae mai ai i iainei.

Deuteronomy 30:20

ma de aaloha i Tagi Maolunga doodou Maadua, ga hagallongo ange gi ana muna, ma de hagapigi ange gi de ia. Go hiidinga Tagi Maolunga go doodou mouli, gai ia e hai naa gi lagolago oodou laangi e mouli ai, i honga de henua aana gu hagatoo donu ange gi oodou dubuna madagidagi, go Abraham, ma Isaac, aama Jacob.

Deuteronomy 10:20

Goodou gi maatagu i Tagi Maolunga doodou Maadua, gai daumaha ange donu huu gi de ia, ma de hagapigi ange gi de ia, aama de hagatoo donu donu huu i dono ingoo.

John 15:4

Goodou nnoho i ogu lodo, gai au i oodou lodo. E deai donu se laa e maua gi hua, noo e dee somo mai i de grapevine. Goodou e dee maua hogi gi hanu oodou hua, noo goodou e dee nnoho i ogu lodo.

Matthew 16:24

Iesu ne hai ange hogi gi ana dangada agoago, “Be goai e lodo e daudali mai i de au, gai ia gi hagangadi mee ina ia, ga saabai dono laagau lui ga daudali mai ai i de au.

Joshua 22:5

Aagai goodou kana ange daohia muna ma de daudali i hainga a Moses, tangada hai hegau o Tagi Maolunga gu tala adu gi goodou, ma de aaloha i Tagi Maolunga doodou Maadua, ma de hai ono lodo alodahi, ga hagallongo ange gi ana muna, ma de hagapigi ange gi de ia ga daumaha ange gi de ia i oodou lodo alodahi aama oodou hagasaalunga alodahi.”

2 Corinthians 1:17

E aha, au ne lodo lagolago laa i de masavaa aagu ne hai ai de hagatau nei? Aabe au ne hai dagu hagatau bei dagodo hagatau o henua i lalo; au e hagadaba “Uaa, uaa” gai e “Deai, deai” i de hanonga daudahi?

Acts 20:32

Aagai iainei au e dugu ange goodou gi de Maadua gi diiloo ange, aama dono abodonu, go ia e maua i de hagatuu goodou gi makaga, ma de hai gi maua e goodou de manuuia madali dangada alodahi gu lava i de vvae gee.

Acts 15:40

aagai a Paul ne hili Silas ga kave madali ia. Gai ia ne dalodalo ga dugu ange denga daina gi de abodonu o Tagi Maolunga.

Mark 2:5

Gai ga gidee huu e Iesu dagodo o olaadeu kai, gai ia ga hai ange gi taane balagelage laa, “Dagu dama, gu maatala oo haisala.”

Daniel 1:8

Aagai Daniel ne baba dana maanadu bolo ia e dee hai gi hakino gee ia, i dana gai ma de unu uvaini a de hodooligi. Deelaa ai, ia ne dangidangi ange gi tagi o denga eunuch, gi dugua ange ia gi maua i tee gai mee e haia ga hakino gee ia.

Proverbs 23:28

Ia e bei tangada gaiaa e mmuni laa ma e tali ai, ia e hai naa ga soa dangada e dee hai hegau i de mee abodonu.

Proverbs 23:15

Dagu dama, noo koe e heiangi oo lodo, gai au e lodo danuaa donu;

Psalm 17:3

Koe gu hagatale dagodo o ogu lodo, gai ga hagataalea naa donu e goe ogu dagodo i de boo, gai koe e dee gidee dahi mee daudahi; au gu hagatau bolo au e dee haisala donu i agu muna e tala.

Acts 4:36

Gai Joseph, taane e hagaingoo ange laa go Barnabas (e bei go “taane e hagammahi ina ange lodo o dangada”) gai se dangada de aamuli o Levi mai i Cyprus,

Romans 12:8

tangada e hagammahi ina lodo o dangada, gi hagammahi ina ange lodo o dangada; tangada e ngadi gaavange mee, gi lodo mmahi i de ngadi gaavange mee; tangada se dagi gi hagaduu ngae gi dagina; gai tangada e abodonu ange laa gi dangada, gi abodonu ange gi dangada i de malangilangi.

2 Corinthians 6:1

Gimaadeu ni dangada e hai hegau hagabuni madali de Maadua, deenei ai, gimaadeu e dangidangi adu goodou gi dee hagangadi mee ina, de abodonu o de Maadua oodou gu kave naa.

1 Peter 5:12

Gai go Silvanus, de ia aagu e hagabinga laa bolo se daina e hai hegau i de mee abodonu, ne balea mai au ga sisi ai de leda bodobodo nei. Au ne lodo e hagammahi adu goodou ma de tala adu bolo deenei donu de abodonu o de Maadua. Goodou tuu gi makaga i de mee nei.

Jude 1:4

Go hiidinga hanu dangada gu ulu hagammuni adu gi oodou magavaa, aanei gilaadeu gu sisi laa madagidagi bolo e hagaduasala. Gilaadeu ni dangada baubau, gilaadeu e hagahadu muna de abodonu o taadeu Maadua gi maua ai e gilaadeu i de hai denga dahulinga hakino gee, gai ga hagangadi mee taadeu Ia Aamua ma Tagi Maolunga e dahi laa donu huu, go Iesu Klisdo.

2 Kings 18:6

Ia ne hagaduu ngae ga daudali i Tagi Maolunga; ia tee huli gee donu i de ia, aagai ne kana ange ga daohi muna a Tagi Maolunga gu tala ange gi Moses.