Acts 11:19 - De Beebaa Dabu

¹⁹ Gai dangada ne mavaevae saele laa i hiidinga de vaivai haia o dangada ne daamada laa i Stephen, ne hulo loo ga tae gi Phoenicia, ma Cyprus, aama Antioch. Gai gilaadeu tee agoago ange muna a de Maadua gi hanu dangada gee, go de gau Ssuu donu huu.

Acts 11:19 Referans Kwoze

Acts 21:2

Gai gimaadeu ne gidee dahi vaga gu dai malanga e hano gi Phoenicia, gai gimaadeu ga kage ga hulo ai.

Acts 15:35

Gai a Paul ma Barnabas ne nnoho i Antioch ga agoago ai, ma de tala ai muna a Tagi Maolunga, gai e soa ange dangada madali gilaau.

Acts 15:22

Aagai de gau tala ma denga dagi ma de nohoanga dabu alodahi ne maanadu bolo e danuaa de hilihili hanu i olaadeu magavaa gi hulo gi Antioch madali a Paul ma Barnabas. Gai gilaadeu ne hili Judas, e hagaingoo ange laa hogi go Barsabbas, ma Silas, gilaau ni dagi i daho denga daina,

Acts 15:3

Gai ga haia huu e de nohoanga dabu gilaadeu gi hulo, gai gilaadeu ga hulo laa Phoenicia ma Samaria, ga tala ai dagodo de daahuli lodo o denga Gentile. Gai denga daina alodahi i kilaa gu malangilangi mmao.

Acts 4:36

Gai Joseph, taane e hagaingoo ange laa go Barnabas (e bei go “taane e hagammahi ina ange lodo o dangada”) gai se dangada de aamuli o Levi mai i Cyprus,

Galatians 2:11

Gai de masavaa huu o Cephas ne humai ai gi Antioch, gai au ga hagasee ia i madamada o dangada, go hiidinga ia gu dee heohi.

Acts 21:16

Gai hanu dangada agoago mai i Caesarea ne loomai madali gimaadeu gi de hale o Mnason, go de mommee omaadeu ne nnoho ai. Mnason se daina mai i Cyprus ne hagadonusia i taamada age.

Acts 18:22

Gai dono masavaa huu ne dau ai i Caesarea, gai ia ga doo age e hagaboo ange gi de nohoanga dabu i kilaa, i mua dono hano gi Antioch.

Acts 15:39

Gai gu kona delaau dee heloongoi, deelaa ai, gilaau gu mavaevae. Barnabas ga kave a Mark madali ia ga hulo gi Cyprus,

Acts 13:46

Gai Paul ma Barnabas ne pasa ange gi gilaadeu i de lo taane, ga hai ange, “Ne heohi donu de tala adu gi goodou muna a de Maadua i mua, gai go hiidinga goodou ne kino ai, ma de maanadu bolo goodou e dee heohi ange gi de mouli e dee ngado mai, deenei ai, iainei gimaau ga hulo gi denga Gentile.

Acts 13:4

Gai de Hagasaalunga Dabu ne hai gilaau gi hulo gi Seleucia, gai gilaau ne dele mai i kilaa ga hulo gi Cyprus.

Acts 13:1

De masavaa laa gai e hanu pelaabisi ma dangada agoago i de nohoanga dabu o Antioch: go Barnabas, ma Simeon e hagaingoo ange laa hogi go Niger, ma Lucius taane Cyrene, ma Manaen (se dangada ne madua age madali Herod, de tetrarch), aama Saul.

Acts 3:26

De masavaa a de Maadua ne hagamouli age ai dono dangada hai hegau, gai ia ne hai ia gi humai gi goodou i mua e hagamanuuia ai goodou, gai ia ga hai ai gi hulo gee goodou alodahi i oodou hegau baubau.”

John 7:35

Gai de gau Ssuu ga hagadau ssili i olaadeu magavaa ga hagataba, “Go hee oona e hano aagena gi dee gidee ai e gidaadeu ia? Ia ga hano nei gi daho de gau Ssuu e nnoho saele laa i magavaa o de gau Greek e agoago ai de gau Greek?

Matthew 10:6

Gai goodou hulo donu huu gi denga ssiibi i magavaa o dangada o Israel gu dee maaleva laa.

Acts 6:5

Aagai dangada alodahi gu malangilangi i muna nei. Gai gilaadeu ga hili Stephen, ia se daane e honu i de gai ma de Hagasaalunga Dabu, madali a Philip, ma Procorus, ma Nicanor, ma Timon, ma Parmenas, ma Nicolaus taane Antioch gu daumaha laa bei de gau Ssuu.

Acts 11:20

Gai hanu gilaadeu mai i Cyprus ma Cyrene, ne hulo hogi gi Antioch ga agoago ange ai de gau Greek de longo danuaa o Tagi Maolunga go Iesu.

Acts 11:22

Gai longo o mee laa gu tae hogi gi de nohoanga dabu i Jerusalem, aagai gilaadeu ga hai gi hano Barnabas gi Antioch.

Acts 14:26

Gai gilaau ne maalanga mai i kilaa ga ahe gi Antioch, go de mommee alaadeu ne dugu ange ai gilaau gi de abodonu o de Maadua, ange gi de hegau alaau gu lava laa i de hai.

Acts 15:30

Gai denga daane laa ne hulo ga tae gi Antioch, ga hagabuni de nohoanga dabu alodahi, ga gaavange de leda laa gi gilaadeu.