Acts 10:4 - De Beebaa Dabu

⁴ Gai ia ga haaina ia i dono madagu, ga ssili ange gi de ia, “Tagi Maolunga, se aha e hai?” Tangada de langi laa ne hai ange gi de ia, “Au dalodalo alodahi ma doo abodonu ange gi de gau hagaau aloha gu tae age, ma de hagamaanadu ai goe i mada luu mada o de Maadua.

Acts 10:4 Referans Kwoze

Philippians 4:6

Goodou gi dee manavasaa i dahi mee daudahi, aagai goodou dalodalo i mee alodahi ma de dangidangi i mee oodou e duasala ai, ma de hagaahe ange de abodonu, ga hai gi iloo e de Maadua oodou mee e duasala ai.

Hebrews 6:10

Gai de Maadua e dee haisala donu dana hagamodu; ia e dee ngalo naa donu oodou hegau danuaa, i doodou bale ange ono dangada dabu, i hiidinga doodou aaloha i de ia, gai goodou goi duudagi donu huu de bale ange gilaadeu iainei.

Malachi 3:16

Gai dangada e maatagu laa i Tagi Maolunga ne pasa i olaadeu magavaa, gai Tagi Maolunga ne anga ange ga hagallongo alaadeu muna. Gai gu sisi dahi beebaa hagamaanadu i mada luoono mada, i dagodo o dangada e maatagu i Tagi Maolunga ma de hagadubu dono ingoo.

Acts 10:31

gai ia ne hai mai gi de au, ‘Cornelius, de Maadua gu langona au dalodalo ma de manadua doo abodonu ange gi de gau hagaau aloha.

Revelation 8:4

Gai de useahi o mee maanongi laa gu buu age madali dalodalo a dangada o de Maadua, mai i lo te lima o tangada de langi e duu laa i mada luu mada o de Maadua.

Psalm 141:2

Dagu dalodalo gi bei mee maanongi e dudu laa i oo mada i mua, gai au gi haalo ina luoogu lima i talodalo bei ssigidaumaha i de ahiahi.

Philippians 4:18

Gai gu tae mai donu sseene alodahi oodou ne gaamai nei, gai gu tubu ange donu i mee oogu e hagadanuaa ai! Gai gu odi ange danuaa donu ogu mee e hagadanuaa ai, i dagu kave nei i daho Epaphroditus doodou mee ngadi gaavange ne gaamai nei. Mee e bei ssigidaumaha o mee maanongi e hagamalangilangi ina laa de Maadua.

Hebrews 13:16

Goodou gi dee ngalo de hai tanuaa ma de ngadi gaavange mee gi dangada, go hiidinga aanei denga hagadaagangaa sigidaumaha o de Maadua e malangilangi ai.

Luke 1:29

Aagai Mary gu madagu mmao i hiidinga o ana muna, gai ia ne hagasaele be se hagaboo bee hee deelaa.

Matthew 26:13

Ni muna abodonu aagu e hai adu nei gi goodou, be go hee naa huu e tala ai de longo danuaa nei i henua i lalo, aagai hegau a de hine nei e tala naa hogi, e hagamaanadu ai ia.”

Daniel 10:11

Gai ia ga hai mai, “Daniel, taane hagamogomogo mmao ⌊i daho de Maadua⌋, haia gi donu ange goe gi muna aagu e tala adu gi de goe; hidi age duu gi lunga, go hiidinga au ne hai gi humai gi oo daha.” Gai de masavaa aana e tala mai ai muna nei gi de au, gai au ne hidi ga duu gi lunga, gai au gu bolebole.

Isaiah 43:26

Ahe ange hagamaanadu ina mai gi de au mee gu hai i mua, gai gidaadeu ga hagadaumee ai; daalaa de mee oou e hai baasi ai, gi iloo ai bolo koe e heohi.

2 Chronicles 32:24

Laangi laa gai Hezekiah ne magi ga dai magau. Gai ia ga dalodalo ange gi Tagi Maolunga, gai ia ga basa ange gi dana dangidangi ga gaavange dahi hagailonga hagalele mouli gi de ia.

2 Chronicles 6:33

gai koe hagalaangona dana dalodalo mai i de langi, go doo mommee e noho ai, ga hai gi bei mee alodahi a tangada henua gee laa e dangidangi adu ai, gai gi iloo ai e denga huaadangada alodahi o henua i lalo doo ingoo, ma de maatagu i de goe, bei dagodo o oo dangada go de gau Israel, gai gi iloo ai e gilaadeu bolo de hale aagu gu hagaduu nei gu hagadabu ange gi doo ingoo.

1 Samuel 3:10

Gai Tagi Maolunga ne humai ga duu i kilaa, ga hagahi “Samuel, Samuel!” bei denga hanonga i mua. Gai Samuel ga hai ange, “Daalaa mai au muna, gai doo dangada hai hegau ga hagallongo.”

Acts 22:10

Aagai au ne ssili ange, ‘Tagi Maolunga, se aha aagu e hai?’ Gai Tagi Maolunga ne hai mai gi de au, ‘Hidi age hannoo gi Damascus. Gai go kilaa naa e tala adu ai gi de goe mee alodahi a de Maadua gu hagadabena adu koe gi haia.’

Luke 24:5

Gai denga haahine laa gu maatagu mmao ga ino gi honga de gelegele, gai luu dangada de langi laa ga hai ange gi gilaadeu, “Gu aha gu ssala ai naa goodou tangada mouli i magavaa o de gau maakau?

Isaiah 45:19

Au tee tala hagammuni mee nei aabe ne tala i lo te gohu; au tee hai ange gi hagadiilinga o Jacob, ‘Saalaa au i dahi ngadi mommee.’ Go au Iahweh, au e tala de muna abodonu; au e tala de mee heohi.

Leviticus 2:2

ga gaamai gi denga dama daane a Aaron, gu hai laa gi ni dangada haimeedabu. Gai tangada haimeedabu gi buulia hanu pelaoaa gu hilo laa ma lolo aama frankincense, ga dudu hanu i honga de mommee o ssigidaumaha e hai ai de mee hagamaanadu; de mee nei se sigidaumaha e hai i de ahi, gai e nnamu kala ange gi Tagi Maolunga.

Psalm 20:3

Gai ia gi dee ngalo au sigidaumaha alodahi, gai gi malangilangi i au sigidaumaha dudu. Selah

Acts 3:4

Gai Peter ma John ga haaina ia, gai Peter ga hai ange gi de ia, “Galo mai mage diiloo gimaau!”

Acts 14:9

Taane laa ne hagallongo muna a Paul. Gai a Paul ne haaina ia gu gidee bolo e dahi ono gai e maua ai i de hagaieiangi ia.