Acts 10:38 - De Beebaa Dabu

³⁸ e bei dagodo de hagadabu a de Maadua Iesu taane Nazareth i de Hagasaalunga Dabu ma ssauaa, aama dagodo o dono hagadaga ga hai denga hegau danuaa, ma de hagaieiangi dangada alodahi gu hagaduasala laa i lalo ssauaa o de ia hagabaubau laa, go hiidinga de Maadua e noho i ono daha.

Acts 10:38 Referans Kwoze

Luke 4:18

“De Hagasaalunga o Tagi Maolunga e noho i ogu daha, go hiidinga ia gu hagadabu au gi agoagona ange de longo danuaa gi de gau hagaau aloha. Ia ne hai au gi humai gi hagassao ina mai gilaadeu i lo te hale pono, ma de hai gi kide gilaadeu e dee kide, ma de hagailaage gilaadeu e vaivai haia,

Acts 2:22

De gau Israel, nnoho mai hagalaangona muna nei: Iesu taane Nazareth gu lava i de hagaago danuaa adu a de Maadua gi goodou i denga hegau sauaa ma mee hagalele mouli, aama hagailonga, i mee a de Maadua ne hagahai hegau i ono daha i oodou magavaa, bei doodou hai gu iloo ai naa.

Isaiah 11:2

De Hagasaalunga o Tagi Maolunga e noho naa i ono daha — go de Hagasaalunga o de heiangi, ma de donu ange, ma de Hagasaalunga o de hagasaele heohi ma de mmahi, ma de Hagasaalunga o de iloo mee, ma de madagu i Tagi Maolunga —

John 3:34

Gai de ia a de Maadua ne hai gi humai e tala muna a de Maadua, gai de Maadua e gaavange gi de ia de Hagasaalunga ⌊Dabu⌋, gai e dee hagabau donu.

Hebrews 1:9

Koe e lodo i de heohi gai e kino i de baubau. Deenei ai, de Maadua, doo Maadua gu hai goe gi maolunga ange i oo soa ange laa, i dana hagasulu goe i de lolo o de malangilangi.”

Psalm 45:7

Koe e lodo i de mee heohi gai e kino i de baubau. Deenei ai, de Maadua, doo Maadua, gu hai goe gi maolunga ange i oo soa ange laa, i dana hagasulu goe i de lolo o de malangilangi.

John 3:2

Taane nei ne humai gi daho Iesu i de boo, ga ssili ange gi de ia, “Tangada Agoago, gimaadeu e iloo, bolo koe se dangada agoago ne humai i daho de Maadua. Gai e deai ange donu se dangada e maua i de hai denga hagailonga aau e hai naa, noo de Maadua e dee noho i ono daha.”

Matthew 12:28

Aagai noo au e hai gi hulo gee denga hagasaalunga baubau i ssauaa o de Hagasaalunga o de Maadua, gai de nohoanga hodooligi o de Maadua gu dae mai donu gi oodou daha.

Luke 3:22

gai de Hagasaalunga Dabu gu hano iho gi ono elunga e hagadulagi ange gi de manu kono. Gai gu basa iho hogi de leo i de langi ga hai ange, “Go koe dagu Dama Daane hagamogomogo; au e malangilangi i de goe.”

Isaiah 42:1

Tilo, deenei dogu dangada hai hegau, go ia aagu e bale ange; go ia aagu gu hili, gai go ia oogu e malangilangi ai. Au gu hai dogu Hagasaalunga gi hano iho gi ono elunga; gai ia ga hagamodu ai muna o denga huaahenua i de heohi.

John 10:32

aagai Iesu ga hai ange gi gilaadeu, “Au gu hagaago adu gi goodou hegau danuaa lagolago mai i daho dogu Damana. Gai dee hee de hegau i mee nei, oodou ga maga ai naa au i hadu?”

John 16:32

E dae mai naa de aoaa, gai gu dae mai donu, de masavaa laa gai goodou e mavaevae saele naa, dahi ma dahi e ahe naa gi dono hale gai ga tili au. Gai au e dee daudahi donu, go hiidinga Tamana e noho madali au.

Psalm 2:2

Denga hodooligi o henua i lalo gu hagadabena, gai denga dagi gu hagabuni e hai baasi ange ai gi Tagi Maolunga ma de Ia aana gu hagadabu i de lolo, ⌊ma de hagataba,⌋

1 John 3:8

Tangada e haisala se dama donu nii de ia hagabaubau, go hiidinga de ia hagabaubau gu haisala mai huu i taamada age. Aagai Tama Daane a de Maadua ne humai e oha hegau a de ia hagabaubau.

John 6:27

Goodou aude hai hegau ange gi gai e odi laa, aagai hai hegau ange gi gai e daakodo ange laa gi de mouli e dee ngado mai, go gai a Tama a Tangada e gaavadu gi goodou, i hiidinga Tamana go de Maadua gu lava donu i de hagailonga ia.”

Matthew 9:35

Gai Iesu ne hagadaga i denga aduhale ma mommee nnoho hugadoo, ga agoago i denga synagogue ga tala de longo danuaa o de nohoanga hodooligi o de langi, ma de hagaieiangi denga hagadaagangaa magi ma baageaa alodahi.

2 Chronicles 17:9

Gai gilaadeu ne kave de beebaa iai hainga a Tagi Maolunga madali gilaadeu ga agoago ange ai dangada o Judah; gilaadeu ne hulo gi denga aduhale alodahi o Judah ga agoago ange ai dangada.

1 Peter 5:8

Goodou gi hagamadaala ga dagitilo; go hiidinga doodou hagadaumee, go de ia hagabaubau, e seesee saele bei de laiono e haganngolo laa i dana masavaa e ssala dahi manu e holo.

Luke 9:42

Gai de masavaa o tama daane laa e humai ai, gai de hagasaalunga baubau ga hagabaguu ia gi honga de gelegele ga hai ia gu lele age. Aagai Iesu ga hagasee de hagasaalunga baubau laa, ga hagaieiangi tama daane laa, ga hagaahe ange ia gi dono damana.

Matthew 12:15

Iesu ne iloo e ia de mee nei, gai ia ga hano gee mai i kilaa, aagai ne soa dangada ne daudali ange i de ia. Aagai ia ga hagaieiangi denga magi alodahi.

Psalm 2:6

“Au gu hagasula de Hodooligi aagu gu hili i dogu mounga dabu go Zion.”

Mark 6:6

Gai ia gu lele ono mouli i hiidinga o delaadeu dee hagadonusia. Gai Iesu ne hano ga hagadaga i denga aduhale ga agoago ai.

Luke 9:56

Gai gilaadeu ga hulo ai loo gi dahi aduhale gee.

Acts 10:37

goodou gu langona dagodo o mee gu hai i Judea alodahi, gai ne daamada mai i Galilee i dua de agoago o John dagodo o de babudaisi —

1 John 2:20

Aagai doodou hagadabu i de lolo se mee mai i daho de Ia Dabu laa, gai goodou alodahi gu iloo donu de muna abodonu.

Matthew 9:19

Gai Iesu ne hidi age ga hano madali taane laa, gai ana dangada agoago ne hulo madali ia.