Acts 10:20 - De Beebaa Dabu

²⁰ Hidi age iho gi lalo, gai koe aude manavasaa i de hano madali gilaadeu, i hiidinga go au donu ne haia gilaadeu gi loomai.”

Acts 10:20 Referans Kwoze

Acts 13:4

Gai de Hagasaalunga Dabu ne hai gilaau gi hulo gi Seleucia, gai gilaau ne dele mai i kilaa ga hulo gi Cyprus.

Acts 9:17

Aagai Ananias ne hano ga ulu i de hale laa ga dugu ange luoono lima gi honga o Saul, ga hai ange, “Dogu daina go Saul, Tagi Maolunga, go Iesu ne hakide adu laa gi de goe i honga de haiava, ia ne hai au gi humai gi gide ai goe ma de hhao gi honu i de Hagasaalunga Dabu.”

Acts 9:15

Aagai Tagi Maolunga ne hai ange gi de ia, “Hannoo, ia se daane hai hegau niiagu gu hili gi hagaagona ange au gi denga Gentile, ma denga hodooligi aama de gau Israel;

Acts 8:26

Gai tangada de langi o Tagi Maolunga ne basa ange hogi gi a Philip, ga hai ange, “Hidi age hannoo gi de baasi i ngaage, gi de haiava i lodo henua e humai laa i Jerusalem ma e hano gi Gaza.”

Mark 16:15

Gai ia ga hai ange gi gilaadeu, “Goodou hulo gi henua i lalo alodahi ga agoago ange ai de longo danuaa gi dangada alodahi.

Isaiah 48:16

Loomai gi paa mai goodou gi de au, mage hagalaangona muna nei: Mai i taamada gai au tee tala hagammuni dahi mee, de masavaa ne hai ai mee nei, gai au i kilaa. Iainei gai de Ia Aamua go Iahweh ma dono Hagasaalunga gu hai au gi humai.

Acts 10:21

Aagai Peter ne iho mai gi daho denga daane laa, ga hai ange, “Deenei au tangada oodou e ssala naa. Se hiidinga aha oodou ne loomai ai naa?”

Acts 11:12

Gai de Hagasaalunga ⌊Dabu⌋ ga hai mai au gi hano madali gilaadeu, gai au gi dee lua lodo. Gai denga daina e dogoono nei ne hulo madali au gi de hale o taane laa.

James 1:6

Aagai tangada gi dangidangi i de gai, ia gi dee lua lodo, go hiidinga tangada lua lodo e bei dagodo o de beau i honga tai e ilihia saele laa i de madangi.