Acts 10:17 - De Beebaa Dabu

¹⁷ Gai de masavaa a Peter e hagasaele ai be dee hee de hagadoonunga o dana midi ne gide laa, gai denga daane a Cornelius ne hai laa gi loomai gu tuu i de haitoga o de buibui, i dua delaadeu ssili be dee hee de hale o Simon.

Acts 10:17 Referans Kwoze

1 Peter 1:11

gilaadeu ne ssala gi iloo e gilaadeu tangada ma de masavaa a de Hagasaalunga o Klisdo e noho laa i olaadeu lodo gu tala laa, i de masavaa aana ne tala pelaabisi ai dagodo de hagaduasala o Klisdo aama dono hagamahamaha i dua mee nei.

Acts 25:20

Gai au ne ssili ange gi taane laa be ia e lodo e hano gi Jerusalem e hagamodu ai ono muna, i hiidinga au gu dee iloo be dee hee dagu hai e ssala ai gi iloo danuaa dagodo o mee laa.

Acts 10:3

Dahi laangi i daha tolu i muli de hualaangi gai ia ne hai dahi midi hagaago ange. Ia ne gidee dahi dangada de langi o de Maadua, ne humai ga hai ange gi de ia, “Cornelius!”

Acts 9:43

Gai Peter ne noho i Joppa i daho Simon taane hai gili manu i hanu laangi lagolago.

Acts 5:24

Gai ga langona huu e tagi o de gau hagaloosi o de temple ma de gau haimeedabu maolunga alaadeu muna, gai gilaadeu gu dee tonu ange gi tagodo laa, gai gilaadeu ne hagasaele be dee hee tagodo laa.

Acts 2:12

Gai gilaadeu alodahi gu llele mouli ma de ssenga ange, ga hagadau ssili ga hagataba, “Dee hee de hagadoonunga o mee nei?”

John 13:12

Gai ga lava huu i dana hakaugau olaadeu vae, gai ia ga ahe ange ga gahu i ono malo ga noho i dono duulanga. Gai ia ga hai ange gi gilaadeu, “Goodou gu tonu ange naa gi de hegau aagu ne hai adu nei gi goodou?

Acts 9:10

Aagai e dahi daane gu hagadonusia laa e noho i Damascus, dono ingoo go Ananias. Gai Tagi Maolunga ne hai ange gi de ia i de midi hagaago ange, “Ananias!” Gai ia ga hai ange, “Tagi Maolunga, deenei au.”