Acts 10:11 - De Beebaa Dabu

¹¹ Ia ne gidee de langi gu mahuge, gai dahi mee be se malo laumalie gu hagasege iho gi henua i lalo i denga dege e haa.

Acts 10:11 Referans Kwoze

Ephesians 3:6

Deenei de mee nogo dee iloo laa: denga Gentile gu dau hogi i de boolonga madali de gau Ssuu, gilaadeu alodahi gu dau ange gi de angaanga daudahi, ma de kave de hagatoo donu i lodo o Klisdo Iesu i de longo danuaa.

John 1:51

Iesu ne hai ange hogi, “Ni muna abodonu, ni muna abodonu aagu e hai adu nei gi goodou, goodou e gidee naa de langi e hhuge, gai dangada de langi o de Maadua e loage aama de loiho gi honga o Tama a Tangada.”

Revelation 19:11

Gai au ne gidee de langi gu mahuge, gai tilo, dahi hoosa tea gu sao mai. Gai de ia e gage i ono elunga e hagaingoo ange go de Mee Abodonu ma de Heohi. Gai ia e hagamodu muna ma de hebagi i de heohi.

Revelation 11:19

Gai gu hhuge de temple o de Maadua i de langi, gai au gu gidee de ngavesi o dana hagatoo donu hagaheloongoi i lo tono temple. Gai gu labalaba mai ai denga uila, ma de nguu lo te moana i de babaa o denga hatuli, ma de ngalungalue o de henua, aama de too iho o denga dibadibaa haisi nnui.

Revelation 4:1

Dua mee nei gai au ne galo age ga gidee, de haitoga o de langi gu mahuge. Gai de leo aagu ne langona laa i taamada, e bei laa de ili o de trumpet, ne basa mai gi de au ma e hai mai, “Humai gi lunga i kinei, gai au ga hagaago adu gi de goe mee e hai i muli mai.”

Colossians 3:11

Gai de mouli hoou nei e deai donu se dangada Ssuu be se dangada Greek, se dangada gu tuu dagaholiage be se dangada tigi tuu dagaholiage, se dangada lodo henua be se dangada tigi skuulu, se dangada hai hegau be se dangada ilaage; aagai go Klisdo e hagamogomogo, gai ia e noho i olaadeu lodo alodahi.

Ephesians 1:10

gai ia ga hagahai hegau ai i de masavaa gu hagamodu laa — gai ia ga hai ai gi buni mee alodahi i de langi ma henua i lalo ssauaa o Klisdo.

Galatians 3:28

Gu deai donu se dangada Ssuu, be se dangada Greek, be se dangada hai hegau, be se dangada ilaage, be se daane aabe se hine; i hiidinga goodou gu se dagodo daudahi i lodo o Klisdo Iesu.

Galatians 2:15

Gimaadeu ne haanau mai ni dangada Ssuu, e dee ni dangada haisala bei denga Gentile;

Romans 9:4

Gilaadeu go dangada o Israel, gai go gilaadeu donu denga dama daohi a de Maadua, go gilaadeu ne gaavange aagena de mahamaha, ma de hagatoo donu hagaheloongoi, ma de hainga a Moses, ma de hai daumaha heohi, aama denga hagatoo donu.

Romans 1:16

Go hiidinga au e dee dogaa donu i de longo danuaa nei, i hiidinga deenei ssauaa o de Maadua e hagamouli ai dangada alodahi e hagadonusia; ange gi de gau Ssuu i mua gai ange hogi gi denga Gentile.

Acts 7:56

gai ia ga hagadaba, “Tilo, au e gidee de langi gu mahuge, gai Tama a Tangada e duu i de baasi madau o de Maadua.”

John 12:32

Aagai aanei ogu dagodo, de masavaa naa huu oogu e hagaduu age ai i henua i lalo, gai au ga hai gi loomai dangada alodahi gi de au.”

John 11:52

gai e dee se mee ange donu huu gi de huaahenua laa, aagai ange hogi gi dama a de Maadua gu mavaevae saele laa, gai ia e hagabuni mai ai gilaadeu ga hai gi dahi donu huu.

Luke 3:21

Gai de masavaa huu ne odi ai dangada i de babudaisi, gai Iesu gu babudaisi hogi, gai de masavaa oona e dalodalo ai gai gu hhuge de langi,

Matthew 8:11

Au e hai adu gi goodou: dangada soa e loomai naa i dua aama mai i dai ga nnoho madali Abraham, ma Isaac, aama Jacob i de nohoanga hodooligi o de langi.

Ezekiel 1:1

De matolu ngadau huu, i de lima laangi o de haa malama, i dogu masavaa e noho ai madali dangada ne gaavee laa gi dahi henua gee, i gaogao ssaalingaa vai go Kebar, gai gu mahuge mai de langi, gai au gu gidee hanu midi hagaago ange, mai i daho de Maadua.

Isaiah 56:8

Gai de Ia Aamua go Iahweh e hagadaba, go de ia e hagabuni ina mai de gau Israel gu i denga henua gee: “Au e hagabuni mai naa hogi de gau ange laa, gi daho olaadeu aagu gu lava laa i de hagabuni mai.”

Isaiah 43:6

Au e hai ange naa gi denga henua i ngaiho, ‘Dugu gilaadeu gi loomai!’ Au e hai ange naa gi henua i ngaage, ‘Goodou aude daohia gilaadeu.’ Hagaahea mai agu dama daane ma damaa hine mai i henua i lalo alodahi —

Genesis 49:10

De laagau hodooligi e dee aau gee naa donu i daho Judah, aabe e aau gee togo o tagi mai i magavaa luoono vae, ga dae ai gi de humai o de ia niiona togo laa; gai denga huaahenua e hagallongo ange gi de ia.

Acts 10:12

Gai e honu i denga hagadaagangaa manu dolodolo ma manu e tolo i honga de gelegele, aama denga manu llele.

Acts 11:5

“Dogu masavaa e dalodalo ai i de aduhale go Joppa, gai au ne hai dahi midi hagaago ange. Au ne gidee dahi mee be se malo laumalie ne hagasege iho mai i de langi i ono dege e haa, gai ne hano iho gi dogu mommee iai laa.